તેલ અવીવ9 મિનિટ પેહલા
- કૉપી લિંક
7 ઓક્ટોબર, 2023થી ચાલી રહેલા ઇઝરાયલ અને હમાસ વચ્ચેના યુદ્ધમાં ઇઝરાયલી ડિફેન્સ ફોર્સ (IDF) એ નોંધપાત્ર સફળતા હાંસલ કરી છે. ટાઈમ્સ ઓફ ઇઝરાયલ અનુસાર, ઇઝરાયલ ડિફેન્સ ફોર્સ (IDF) એ હમાસના ડેપ્યુટી લીડર સાલેહ અલ-અરૌરીને લેબેનોનમાં હિઝબુલ્લાહના ટાર્ગેટ પર ડ્રોન હુમલા દરમિયાન માર્યો હતો. હમાસે પણ આ વાતની પુષ્ટિ કરી છે.
હમાસના નેતા ઈસ્માઈલ હનીયે અરુરીના મોતનો બદલો લેવાની પ્રતિજ્ઞા લીધી છે. તેમણે કહ્યું છે કે આ હુમલો લેબનોનની સાર્વભૌમત્વનું ઉલ્લંઘન છે. હવે જે કંઈ થશે તેના માટે ઇઝરાયલ પોતે જ જવાબદાર રહેશે. અમેરિકન ન્યૂઝ ચેનલ સીએનએનના અહેવાલ મુજબ, IDFએ મંગળવારે રાત્રે મધ્ય ગાઝામાં હમાસના ગુપ્તચર અને નિયંત્રણ કેન્દ્ર પર કબજો કર્યો.
આ તસવીર હમાસના ડેપ્યુટી લીડર સાલેહ અલ-અરૂરીની છે, જેને ઇઝરાયલી સેનાએ માર્યો
મધ્ય ગાઝામાં વિશેષ કામગીરી
- CNNના રિપોર્ટ અનુસાર – મંગળવારે IDFના સ્પેશિયલ કમાન્ડો યુનિટે એક સિક્રેટ ઓપરેશન હાથ ધર્યું હતું. આ સમયગાળા દરમિયાન સુરક્ષાના ત્રણ સ્તર બનાવવામાં આવ્યા હતા. મધ્ય ગાઝામાં એક ઈમારત સંપૂર્ણ રીતે ઘેરાઈ ગઈ હતી. તેના તમામ વીજળી અને પાણીના કનેકશન કાપી નાંખવામાં આવ્યા હતા. આ પછી કમાન્ડો અને ડોગ યુનિટ બિલ્ડીંગમાં પ્રવેશ્યા.
- પહેલા ડોગ યુનિટ મોકલવામાં આવ્યું અને પછી કમાન્ડો યુનિટ અંદર ગયું. આ દરમિયાન લાંબા સમય સુધી ગોળીબાર થયો હતો. આ ફાયરિંગમાં હમાસના ઘણા આતંકવાદીઓ માર્યા ગયા હતા. આ સમયગાળા દરમિયાન IDF યુનિટને કોઈ નુકસાન થયું નથી.
- IDFએ પાછળથી કહ્યું કે જે બિલ્ડિંગમાં ઓપરેશન હાથ ધરવામાં આવ્યું હતું તે હમાસનું ઈન્ટેલિજન્સ અને કંટ્રોલ હેડક્વાર્ટર હતું. અહીંથી હજારો દસ્તાવેજો મળી આવ્યા છે. આ સિવાય ઓપરેશન દરમિયાન ઘણા આતંકીઓ પણ માર્યા ગયા હતા.
- હકીકતમાં થોડા દિવસો પહેલા IDFને તેના હાથમાં હમાસના ટનલ નેટવર્ક અને ઇન્ટેલિજન્સ બેઝના દસ્તાવેજો મળ્યા હતા. ત્યાર બાદ જ આ ઓપરેશનની તૈયારીઓ કરવામાં આવી હતી. ઈન્ટેલિજન્સ સેન્ટરમાં 20 મીટર ઊંડી ટનલ પણ મળી આવી છે. તેનો ઉપયોગ હમાસના નેતાઓએ કર્યો હતો.
લેબનોનની રાજધાની બેરૂતમાં ઇઝરાયલ સેનાના હુમલા બાદ ઈમારતો અને કારોને નુકસાન થયું છે.
અમેરિકાના જ્હોન એફ કેનેડી એરપોર્ટ પાસે પેલેસ્ટાઈનના સમર્થનમાં પ્રદર્શન કરી રહેલા લોકો. પેલેસ્ટાઈનના સમર્થનને લઈને અમેરિકામાં પણ રાજકીય વિવાદો ચાલી રહ્યા છે.
ગાઝામાં હમાસના સ્વાસ્થ્ય મંત્રાલયે મંગળવારે રાત્રે મીડિયાને જણાવ્યું કે ઇઝરાયલના હુમલામાં અત્યાર સુધીમાં 22 હજાર પેલેસ્ટિનિયન માર્યા ગયા છે.
અત્યાર સુધીમાં 22 હજાર પેલેસ્ટાઈનનાં મોત
ગાઝામાં હમાસના સ્વાસ્થ્ય મંત્રાલયે મંગળવારે રાત્રે મીડિયાને જણાવ્યું કે ઇઝરાયલના હુમલામાં અત્યાર સુધીમાં 22 હજાર પેલેસ્ટિનિયન માર્યા ગયા છે. નિવેદનમાં હમાસ શબ્દનો પણ ઉલ્લેખ નથી.
નિવેદન અનુસાર 9 દિવસમાં એક હજાર લોકોનાં મોત થયા છે. આ સિવાય 1 થી 2 જાન્યુઆરી વચ્ચે 207 લોકોનાં મોત થયા છે. 338 લોકો ઘાયલ હોવાનું કહેવાય છે. નિવેદનમાં એ પણ સ્પષ્ટ કરવામાં આવ્યું નથી કે કેટલા માર્યા ગયેલા અને ઘાયલો હમાસ માટે લડતા હતા.
