તેલ અવીવ43 મિનિટ પેહલા
- કૉપી લિંક
ગુરુવારે ખાન યુનિસ વિસ્તારમાં ઓપરેશન દરમિયાન ઇઝરાયેલના સૈનિકો.
હમાસ બાદ હવે ઇઝરાયલ ડિફેન્સ ફોર્સિસ (IDF)એ લેબનાનના આતંકી સંગઠન હિઝબુલ્લા પર જોરદાર હુમલા શરૂ કર્યા છે. IDF અનુસાર, ગુરુવારે ગાઝામાં અલગ-અલગ હુમલાઓમાં 16 લોકો માર્યા ગયા હતા. જેમાં ઈસ્લામિક જેહાદ કમાન્ડર મહમૂદ પણ સામેલ છે.
આ દરમિયાન, અમેરિકાના વિદેશ મંત્રી એન્ટની બ્લિંકન 2024ની તેમની પ્રથમ વિદેશ યાત્રાના ભાગરૂપે મધ્ય પૂર્વના પ્રવાસે જઈ રહ્યા છે. માનવામાં આવે છે કે ખાડી દેશોની મુલાકાત બાદ બ્લિંકન ઇઝરાયલની પણ મુલાકાત લેશે.
લેબનોનમાં વધુ તીવ્ર હુમલા
- IDF દ્વારા જાહેર કરવામાં આવેલા નિવેદન અનુસાર, હવે હિઝબુલ્લાહને પણ હમાસની જેમ હેન્ડલ કરવામાં આવશે. તેનું કારણ એ છે કે દક્ષિણ લેબનોનથી ઇઝરાયલ પર હુમલાઓ તો વધી જ ગયા હતા પરંતુ તેમાં ઈરાનમાં બનેલા હથિયારોનો પણ ઉપયોગ થઈ રહ્યો હતો. હિઝબુલ્લાહનો પ્રયાસ ઇઝરાયલની સેનાને એક સાથે બે મોરચે જોડવાનો હતો. હવે તેનો તે જ રીતે જવાબ આપવામાં આવી રહ્યો છે જે રીતે ગાઝામાં આપવામાં આવી રહ્યો છે.
- મીડિયા રિપોર્ટ્સ કહે છે કે ઇઝરાયલે હવે લેબનોન પર હવાઈ હુમલાની નવી વ્યૂહરચના અપનાવી છે. આ અંતર્ગત લેબનોનને હિઝબુલ્લાહના ઠેકાણાઓને નષ્ટ કરવા માટે કહેવામાં આવી રહ્યું છે અને દબાણ કરવામાં આવી રહ્યું છે. બીજી તરફ, લેબનોને હજુ સુધી હિઝબુલ્લાહના ટાર્ગેટ પર હુમલાને લઈને કોઈ નિવેદન જાહેર કર્યું નથી.
લેબનોન પર ઇઝરાયલના હુમલા બાદ ઘણા વિસ્તારોમાં ધુમાડો દેખાઈ રહ્યો હતો.
ગાઝામાં ઈસ્લામિક જેહાદ કમાન્ડર માર્યો ગયો
- ઇસ્લામિક જેહાદ કમાન્ડર મહમૂદ ગુરુવારે ગાઝા પર હવાઈ હુમલામાં માર્યો ગયો હતો, IDFએ જણાવ્યું હતું. હજુ સુધી આ અંગે ઈસ્લામિક જેહાદ દ્વારા કોઈ માહિતી આપવામાં આવી નથી. જો કે, IDF અને લોકલ ઈન્ટેલિજન્સ એજન્સીએ આ વાતની પુષ્ટિ કરી છે.
- રિપોર્ટમાં કહેવામાં આવ્યું છે કે મહમૂદ સાથે હમાસના કેટલાક કમાન્ડર પણ હતા. જો કે આમાંથી કોઈ પણ સંગઠને આ હુમલા અને મહેમૂદની હત્યા અંગે કંઈ કહ્યું નથી.
- ‘જેરુસલેમ પોસ્ટ’ અનુસાર, મહમૂદે ઇઝરાયલને આત્મઘાતી હુમલાની ધમકી આપી હતી. IDF એ એમ પણ કહ્યું છે કે મહમૂદ હમાસ અને ઇસ્લામિક જેહાદ માટે વ્યૂહરચના અને અમલનો માસ્ટરમાઇન્ડ હતો. ગાઝામાં ઇઝરાયલના દળો પર હાલના હુમલા પાછળ મહમૂદને મુખ્ય ચહેરો માનવામાં આવતો હતો.
