તેલ અવીવ/દમાસ્કસ40 મિનિટ પેહલા
- કૉપી લિંક
વડાપ્રધાન બેન્જામિન નેતન્યાહુની સાથે ઈઝરાયેલના રક્ષા મંત્રી કાત્ઝ પણ હાજર હતા.
ઇઝરાયલના વડાપ્રધાન બેન્જામિન નેતન્યાહુએ મંગળવારે સીરિયાની સરહદે માઉન્ટ હર્મન બફર ઝોનની મુલાકાત લીધી હતી. આ મુલાકાતમાં તેમની સાથે રક્ષા મંત્રી ઇઝરાયલ કાત્ઝ પણ હાજર હતા. આ વિસ્તાર ઇઝરાયલની સેનાના નિયંત્રણ હેઠળના ગોલાન હાઇટ્સથી પણ 10 કિલોમીટર આગળ છે.
ઇઝરાયલના વડાપ્રધાન બેન્જામિન નેતન્યાહુએ કહ્યું-
જ્યાં સુધી આ વિસ્તારમાં અન્ય કોઈ સિસ્ટમ બનાવવામાં નહીં આવે, જે ઈઝરાયલ માટે જોખમી ન હોય ત્યાં સુધી ઈઝરાયલની સેના આ બફર ઝોનમાં રહેશે.
ન્યૂઝ એજન્સી APના જણાવ્યા અનુસાર, આ પ્રથમ વખત છે જ્યારે કોઈ ઇઝરાયલના નેતા સીરિયાની આટલા અંદર સુધી પહોંચ્યા હોય. નેતન્યાહુએ કહ્યું કે તેઓ 53 વર્ષ પહેલા એક સૈનિક તરીકે આ પર્વતના શિખર પર ગયા હતા, પરંતુ હાલની ઘટનાઓએ આ વિસ્તારનું મહત્વ ઘણું વધારી દીધું છે.
આ પહેલીવાર છે જ્યારે કોઈ ઇઝરાયલના નેતા સીરિયામાં આટલા અંદર સુધી પહોંચ્યા હોય.
સૈનિકોને વિસ્તારને કિલ્લાબંધી કરવાનો આદેશ રક્ષા મંત્રી કાત્ઝે કહ્યું- અમે અમારા સૈનિકોને આ વિસ્તારને વહેલી તકે કિલ્લાબંધી કરવાનો આદેશ આપ્યો છે. માઉન્ટ હર્મનનું શિખર આપણા દેશની આંખ છે, તેના દ્વારા આપણે દુશ્મનને ઓળખી શકીએ છીએ.
ઇઝરાયલની સેનાના એક અધિકારીએ એપીને જણાવ્યું કે બફર ઝોનની અંદરના ગામડાઓમાં રહેતા સીરિયનોને બહાર કાઢવાની કોઈ યોજના નથી.
PM નેતન્યાહૂએ કહ્યું કે તેઓ 53 વર્ષ પહેલા એક સૈનિક તરીકે આ પર્વતના શિખર પર ગયા હતા.
ગોલાન હાઇટ્સ 1973માં બફર ઝોન બન્યું હતું સીરિયા અને ઇઝરાયલ દ્વારા નિયંત્રિત ગોલાન હાઇટ્સને 1973ના યોમ કિપ્પુર વોર પછી સંયુક્ત રાષ્ટ્ર (UN) દ્વારા બફર ઝોન બનાવવામાં આવ્યો હતો. ત્યારથી, UN દળોના 1,100 સૈનિકો અહીં પેટ્રોલિંગ કરી રહ્યા છે.
સંયુક્ત રાષ્ટ્રના પ્રવક્તા સ્ટીફન દુજારિકે મંગળવારે કહ્યું કે આ વિસ્તારમાં ઇઝરાયલના સૈનિકોની હાજરી, ભલે તે ગમે તેટલો સમય ચાલે, તે બફર ઝોન બનાવવાના કરારનું ઉલ્લંઘન છે. આ કરારનું સન્માન કરવું જોઈએ. કબજો તો કબજો જ છે, પછી ભલે તે એક અઠવાડિયા, એક મહિના અથવા એક વર્ષ સુધી ચાલે.
અસદને હટાવનાર વિદ્રોહી જૂથ હયાત તહરિર અલ-શામે હજુ સુધી આ અંગે કોઈ નિવેદન આપ્યું નથી.
ટ્રમ્પે 2019માં ગોલાન હાઇટ્સ પર ઇઝરાયલના કબજાને માન્યતા આપી હતી ઇઝરાયલે 1967માં ગોલાન હાઇટ્સ પર કબજો કર્યો હતો. અગાઉ તે સીરિયાનો એક ભાગ હતો, જેને ઇઝરાયલે 6 દિવસના યુદ્ધ બાદ જીતી લીધું હતું. સીરિયાએ ઇઝરાયલને આ વિસ્તારમાંથી હટી જવાની માંગ કરી હતી, પરંતુ ઇઝરાયલે સુરક્ષાની ચિંતાઓને ટાંકીને ઇનકાર કર્યો હતો.
ગોલાન હાઇટ્સ પર ઇઝરાયલના કબજાને 2019માં તત્કાલિન યુએસ રાષ્ટ્રપતિ ડોનાલ્ડ ટ્રમ્પ દ્વારા માન્યતા આપવામાં આવી હતી.
સીરિયા નજીક આવેલો માઉન્ટ હર્મન બફર ઝોન ગોલાન હાઇટ્સ બફર ઝોનથી 10 કિલોમીટર આગળ છે.
