કેનેડામાં ભારતીય દૂતાવાસની બહાર પ્રદર્શન: ખાલિસ્તાની સમર્થકોએ તિરંગાનું કર્યું અપમાન; હનુમાનજીની પ્રતિમાની સ્થાપનાના કાર્યક્રમમાં પણ ખલેલ પહોંચાડશે

ટોરોન્ટોમાં ભારતીય દૂતાવાસની બહાર પ્રદર્શન કરી રહેલા ખાલિસ્તાની સમર્થકો.

​​​​​​કેનેડામાં ખાલિસ્તાની સમર્થકો ફરી એકવાર ભારતીય દૂતાવાસની બહાર એકઠા થયા છે અને ભારત વિરુદ્ધ પ્રદર્શન શરુ કર્યું છે. આ દરમિયાન નિજ્જરની હત્યાના મુદ્દાની સાથે તેણે કેનેડામાં સ્થાપના કરવામાં આવનાર હનુમાનજીની સૌથી ઊંચી પ્રતિમા સામે પણ સવાલો ઉભા કર્યા છે. આશ્ચર્યની વાત તો એ છે કે, આ હિંસક પ્રદર્શન દરમિયાન, કેનેડિયન પોલીસે પણ દરમિયાનગીરી કરી ન હતી અથવા તેમને રોકવાનો પ્રયાસ કર્યો ન હતો.

તિરંગો સળગાવીને ભારતનો વિરોધ કરી રહેલા ખાલિસ્તાની સમર્થકો.

ટોરોન્ટોમાં ભારતીય દૂતાવાસની બહાર આ પ્રદર્શન યોજાયું હતું. આ દરમિયાન ખાલિસ્તાનીઓએ ફરી એકવાર તિરંગાનું અપમાન કર્યું. રસ્તા પર તિરંગો પાથર્યો, તેના પર ચંપલ મૂક્યા અને સળગાવ્યો હતો. આતંકવાદી હરદીપ સિંહ નિજ્જરની હત્યાને 108 દિવસ થઈ ગયા છે અને ખાલિસ્તાની સમર્થકો સતત ભારતીય રાજદ્વારી સંજય કુમાર વર્માની ધરપકડની માંગ કરી રહ્યા છે. આ દરમિયાન ખાલિસ્તાની સમર્થકો માઈક અને ખાલિસ્તાનના ઝંડા લઈને પહોંચ્યા હતા.

હનુમાનજીની પ્રતિમા પર સવાલો ઉઠાવી રહ્યો છે
આ પ્રદર્શન દરમિયાન ભારતીય તિરંગા બાદ કેનેડામાં સ્થાપના કરવામાં આવનાર હનુમાનજીની 55 ફૂટ ઉંચી પ્રતિમા સામે પણ સવાલો ઉઠાવવામાં આવ્યા હતા. ખાલિસ્તાની સમર્થકોનો આરોપ છે કે ભારતીય હિન્દુઓ કેનેડા પ્રત્યે વફાદાર નથી. આવી સ્થિતિમાં, શું તેમના દેવતા હનુમાનજીની પ્રતિમાને કેનેડામાં સ્થાપિત કરવાની મંજૂરી આપવી જોઈએ.

કેનેડાના બ્રામ્પટનમાં હનુમાનજીની 55 ફૂટ ઊંચી પ્રતિમા સ્થાપિત કરવામાં આવી છે.

પીએમ ટ્રુડોએ નિજ્જરની હત્યામાં ભારતીય એજન્ટો સામેલ હોવાનું કહ્યું તે પછી પણ કેનેડિયન હિન્દુ સંગઠને સહાનુભૂતિ દર્શાવી નથી. કેનેડિયન હિંદુઓ દ્વારા આ કૃત્યો અને અવગણના સ્પષ્ટપણે કેનેડિયન કાયદાઓ અને મૂલ્યોની સ્પષ્ટ અવગણના દર્શાવે છે.

23મી એપ્રિલ 2024ના રોજ સત્તાવાર રીતે પ્રતિમાની સ્થાપના કરવાનો કાર્યક્રમ
ઉલ્લેખનીય છે કે કેનેડાના બ્રેમ્પટનમાં હનુમાનજીની 55 ફૂટ ઊંચી પ્રતિમા સ્થાપિત કરવામાં આવી છે. આ કેનેડાની સૌથી ઊંચી પ્રતિમા છે. જેને રાજસ્થાનના શિલ્પકાર નરેશ કુમાવતે તૈયાર કર્યો છે. તે 23 એપ્રિલ 2024ના રોજ હનુમાન જયંતિ પર કેનેડાના બ્રામ્પટનમાં હિન્દુ સભા મંદિરમાં અભિષેક પછી સત્તાવાર રીતે સ્થાપના કરવાનો કાર્યક્રમ રાખવામાં આવ્યો છે..