વેનેઝુએલાના રાષ્ટ્રપતિ સાથે મસ્ક ફાઈટ કરશે: માદુરોની ચેલેન્જને ટેસ્લાના CEOએ સ્વીકારી, મસ્કે કહ્યું- જો હું હારીશે તો તેમને મંગળની યાત્રા કરાવીશ

મસ્ક ઘણા દિવસોથી સોશિયલ મીડિયા પર વેનેઝુએલામાં ચૂંટણીમાં ળાનો આરોપ લગાવીને માદુરોની ટીકા કરી રહ્યા છે.

વેનેઝુએલાના રાષ્ટ્રપતિ નિકોલસ માદુરોએ ટેસ્લાના સીઈઓને નેશનલ ટેલિવિઝન પર આવીને લડવાનો પડકાર ફેંક્યો હતો, જેને મસ્કે સ્વીકાર્યો છે.

મસ્કે કહ્યું કે જો માદુરો આ ફાઈટ હારી જશે તો તેમણે રાજીનામું આપવું પડશે અને જો તે જીતશે તો હું તેમને મંગળની મફત યાત્રા કરાવીશ.

મસ્ક ઘણા દિવસોથી સોશિયલ મીડિયા પર નિકોલસ માદુરો પર વેનેઝુએલામાં ચૂંટણીમાં ગોટાળાનો આરોપ લગાવીને ટીકા કરી રહ્યા છે.

માદુરોએ કહ્યું- મસ્ક જ્યાં કહે ત્યાં લડવા માટે તૈયાર
આ પહેલા સોમવારે એક પ્રેસ કોન્ફરન્સમાં માદુરોએ કહ્યું હતું કે મસ્ક પોતાના હથિયારો અને સેના સાથે વેનેઝુએલા પર હુમલો કરવા માંગે છે. તેઓએ પૈસા અને ઉપગ્રહથી આર્જેન્ટિનાને કબજે કરી લીધું છે અને હવે વિશ્વને નિયંત્રિત કરવા માંગે છે.

માદુરોએ કહ્યું કે તેઓ શાવેઝનું બાળક છે. તે કોઈથી ડરતા નથી. મસ્ક જ્યાં કહે ત્યાં જવા તૈયાર છે. માદુરોએ એમ પણ કહ્યું કે જેણે પણ તેની સાથે ગડબડ કરવાનો પ્રયાસ કર્યો તેનો વિનાશ થઈ જશે.

મસ્કે કહ્યું- માદુરો સાથે ખરી લડાઈ થશે
માદુરોની આ ચેલેન્જ પછી મસ્કે સોશિયલ મીડિયા પર લખ્યું- હું ચેલેન્જ સ્વીકારું છું. પરંતુ મને ખાતરી છે કે તેઓ હારી જશે.

મસ્કે વધુમાં કહ્યું કે માદુરો મજબુત બાંધાના માણસ છે. તેઓ લડાઈ વિશે ઘણું જાણે છે તેથી તેમની સાથે ખરી લડાઈ થશે. ઝકરબર્ગ નાનો છોકરો છે તેથી તેની સાથે નાની લડાઈ થશે.

મસ્ક આ પહેલા પણ ઘણી વખત ઝકરબર્ગને લડાઈ માટે પડકારી ચૂક્યા છે.

વેનેઝુએલામાં ચૂંટણી પરિણામોથી મસ્ક અત્યંત નારાજ થઈ ગયા હતા. તેમણે માદુરોને સરમુખત્યાર કહ્યા હતા. (ફોટો- ફાઈલ)

મસ્કે કહ્યું- હું માદુરોને દુનિયાની સૌથી ખતરનાક જેલમાં મોકલીશ
અન્ય પોસ્ટમાં, મસ્કે વેનેઝુએલાના રાષ્ટ્રપતિ પર નિશાન સાધ્યું અને કહ્યું કે ગધેડો પણ માદુરો કરતાં વધુ જાણે છે. ત્યારબાદ તેમણે કહ્યું કે તેને માદુરોની સરખામણી પ્રાણી સાથે કરવામાં અફસોસ છે. આ પ્રાણીઓનું અપમાન છે.

મસ્કે બીજી પોસ્ટમાં લખ્યું છે – હું તમારા માટે માદુરો લાવી રહ્યો છું. હું તમને ગધેડા પર બેસાડીને ગ્વાન્તાનામો બે જેલમાં લઈ જઈશ. ક્યુબા નજીક આવેલી ગ્વાન્તાનામો ખાડી વિશ્વની સૌથી ખતરનાક જેલ કહેવાય છે. અમેરિકાએ તેમાં ઘણા ખતરનાક કેદીઓને રાખ્યા છે.

ચૂંટણી પરિણામો પછી મસ્ક અને માદુરો વચ્ચે વાકયુદ્ધ
વેનેઝુએલામાં ચૂંટણી પરિણામો બાદ મસ્કે સવાલો ઉઠાવ્યા હતા. તેમણે માદુરોને સરમુખત્યાર ગણાવ્યા હતા. આ પછી માદુરોએ મસ્ક પર વેનેઝુએલા વિરુદ્ધ ષડયંત્ર રચવાનો આરોપ લગાવ્યો હતો.

તેમણે આરોપ લગાવ્યો હતો કે મસ્કે નેશનલ ઈલેક્ટોરલ કાઉન્સિલની સિસ્ટમ હેક કરી છે.

જો કે, વિપક્ષના નેતાઓએ દાવો કર્યો હતો કે કોઈ હેકિંગ થયું નથી પરંતુ અધિકારીઓએ પોતે જ સિસ્ટમમાં ખરાબ કરી હતી જેથી તેમને ‘સાચા’ ચૂંટણી પરિણામો જણાવવા ન પડે.

માદુરો પર ચૂંટણીમાં ગોટાળાનો આરોપ
વેનેઝુએલામાં નિકોલસ માદુરો ફરી સત્તા પર આવ્યા છે. રવિવારે યોજાયેલી રાષ્ટ્રપતિની ચૂંટણીમાં માદુરોને વિજેતા જાહેર કરવામાં આવ્યા હતા. જો કે વિપક્ષ ચૂંટણીમાં ગોટાળાનો આરોપ લગાવી રહ્યો છે.

વેનેઝુએલામાં 28 જુલાઈએ ચૂંટણી યોજાઈ હતી. ચૂંટણી પહેલા કરવામાં આવેલા સર્વેમાં વિપક્ષી ઉમેદવાર એડમન્ડો ગોન્ઝાલેઝ માટે સરળ જીતની વાત કરવામાં આવી હતી. જો કે, ચૂંટણીના પરિણામો વિપરીત આવ્યા. નિકોલસ માદુરો ચૂંટણી જીતી ગયા.

વેનેઝુએલામાં ગોટાળાના આરોપો મામલે લોકો વિરોધ કરી રહ્યા છે. તસવીર મંગળવારની છે.

રાષ્ટ્રપતિ માદુરોની જીત બાદ વેનેઝુએલામાં હિંસા વધી, અત્યાર સુધીમાં 11 લોકોના મોત

દક્ષિણ અમેરિકાના દેશ વેનેઝુએલામાં રાષ્ટ્રપતિ નિકોલસ માદુરોની જીત બાદ શરૂ થયેલો વિરોધ વધુ ઉગ્ર બન્યો છે. ન્યૂઝ એજન્સી AFPએ એક NGOને ટાંકીને કહ્યું કે વિરોધ પ્રદર્શનમાં અત્યાર સુધીમાં 11 લોકોના મોત થયા છે.