ઈસ્લામાબાદથી રઝા હમદાનીનો રિપોર્ટ41 મિનિટ પેહલા
- કૉપી લિંક
પાકિસ્તાની સેનાનું સૌથી મોટું સેક્સ સ્કેન્ડલ ખૈબર પખ્તુનખ્વાના આદિવાસી વિસ્તારોમાં તૈનાત કર્નલથી લઈને મેજર રેન્ક સુધીના કેટલાક અધિકારીઓના બાળકોના યૌન શોષણના 600થી વધુ વીડિયો સામે આવ્યા છે.
બાળકોની ઉંમર 14 વર્ષથી ઓછી હોવાનું જણાવવામાં આવ્યું છે. લગભગ 100થી વધુ બાળકોનું પાંચ વર્ષથી યૌન શોષણ થઈ રહ્યું હતું. કેટલાક અધિકારીઓને પારાચિનાર કેન્ટથી પેશાવર કમાન્ડ હેડક્વાર્ટર બોલાવવામાં આવ્યા છે. કમાન્ડર લેફ્ટનન્ટ જનરલ હસન અઝહર હયાતે કોર્ટ ઓફ ઈન્ક્વાયરીનો આદેશ આપતાં કોઈપણ અધિકારીની જાતીય શોષણમાં સંડોવણી હોવાનો ઈન્કાર કર્યો છે.
સેનાનો દાવો છે કે ત્રણ વર્ષ પહેલા પણ અધિકારીઓ પર 13 વર્ષના છોકરાના યૌન શોષણનો આરોપ લગાવવામાં આવ્યો હતો, જે ખોટા સાબિત થયા હતા. આ દરમિયાન, એફઆઈઆર પછી પોલીસે યૌન શોષણ કેસમાં સ્થાનિક દુકાનદારની ધરપકડ કરી છે.
પાકિસ્તાની સેનાના અધિકારીએ કોર્ટ ઓફ ઈન્ક્વાયરીમાં આદેશ આપતાં કોઈપણ અધિકારીના જાતીય શોષણમાં સંડોવણીનો ઈન્કાર કર્યો છે (પ્રતિકાત્મક તસવીર)
ગરીબ બાળકોને સપ્લાય કરવા અને બ્લેકમેલ કરવા માટે વીડિયો બનાવતા હતા
પોલીસે ભાસ્કરને જણાવ્યું કે આ વિસ્તારનો દુકાનદાર તાહિર કબાદી સેનાની નજીક હતો. તે જ ગરીબ બાળકોને સપ્લાય કરતો હતો. કહેવાય છે કે તે બાળકોને લલચાવીને અધિકારીઓને મોકલતો હતો અને બાળકોના યૌન શોષણનો વીડિયો પણ બનાવતો હતો.
આ સાથે તેણે બાળકોના માતા-પિતા પાસેથી પણ પૈસા પડાવી લીધા હતા. તેમજ તે બાળકોને વીડિયો દ્વારા બ્લેકમેલ કરી વારંવાર અધિકારીઓને મોકલતો હતો. પોલીસે તેના લેપટોપમાંથી આ વીડિયો રીકવર કર્યા છે.
અગાઉ પણ આરોપ લાગ્યા હતા, પરંતુ સૈન્ય અધિકારીઓએ આરોપીઓને મુક્ત કર્યા હતા
ખુર્રમના સ્થાનિક લોકોના આરોપ છે કે અગાઉ પણ કેટલાક સૈન્ય અધિકારીઓ પર બાળકોના યૌન શોષણનો આરોપ લગાવવામાં આવ્યો હતો, પરંતુ પાકિસ્તાન આર્મીના મેજર અને કેપ્ટન રેન્કના અધિકારીઓએ પોલીસકર્મીઓ પર દબાણ કરીને આરોપીઓને છોડાવી દીધા હતા.
2015માં પાકિસ્તાનમાં બાળકોના યૌન શોષણનો વીડિયો વાયરલ કરવાનું મોટું રેકેટ સામે આવ્યું હતું. તેમાં 400 જેટલા વીડિયો હતા. આ વીડિયો 50-50 રૂપિયામાં વેચાયા હતા. જોકે આ કેસમાં સેનાના અધિકારીઓ સામેલ નહોતા.
આ સમાચાર પણ વાંચો…
પાકિસ્તાનના પંજાબમાં સેનાએ પોલીસને ફટકારી: SHO-સ્ટેશન ઈન્ચાર્જને લોક-અપમાં બંધ કરીને માર માર્યો, પોલીસે ગેરકાયદેસર હથિયારો જપ્ત કર્યા હતા
પાકિસ્તાની સૈનિકોએ બુધવારે પંજાબ પ્રાંતના બહાવલનગરમાં પોલીસ અધિકારીઓ પર હુમલો કર્યો હતો. આ ઘટના મદરીસા પોલીસ સ્ટેશનમાં બની હતી. મીડિયા રિપોર્ટ્સ અનુસાર, પોલીસે પાકિસ્તાનની સૈનિકના ભાઈ પાસેથી મોટા પ્રમાણમાં ગેરકાયદેસર હથિયારો જપ્ત કર્યા હતા.
