ઋષિ સુનકને વિપક્ષ નેતાના પદ પરથી હટાવાશે: ભારતીય મૂળના પ્રીતિ પટેલ રેસમાં સૌથી આગળ, તેઓ પાર્ટીમાં સુનકના કટ્ટર વિરોધી છે

બ્રિટનમાં કન્ઝર્વેટિવ પાર્ટીમાં વિપક્ષ નેતાના પદ માટે 6 ઉમેદવારો છે.

બ્રિટનમાં કન્ઝર્વેટિવ પાર્ટીમાં વિપક્ષના નેતાના પદ માટે ચૂંટણી શરૂ થઈ ગઈ છે. ઋષિ સુનકના સ્થાને પાર્ટીના સુકાન માટે છ ઉમેદવારોએ ઉમેદવારી નોંધાવી છે. આ માટે તેમની વચ્ચે 3 મહિના સુધી મુકાબલો થશે.

4 જુલાઈએ યોજાયેલી ચૂંટણીમાં કન્ઝર્વેટિવ પાર્ટીને કારમી હારનો સામનો કરવો પડ્યો હતો. જેના કારણે તેણે 14 વર્ષ સુધી સત્તા ગુમાવી હતી. આ જ કારણ છે કે કન્ઝર્વેટિવ પાર્ટીમાં હવે વિપક્ષના નેતાની પસંદગી થવા જઈ રહી છે. તેની પ્રક્રિયા શરૂ થઈ ગઈ છે. આ માટે 31મી ઓક્ટોબરે પાર્ટીમાં ચૂંટણી થશે, જેનું પરિણામ 2જી નવેમ્બરે આવશે.

ભારતીય મૂળના ઉમેદવાર પ્રીતિ પટેલ પણ સુનકના સ્થાને રેસમાં છે. પ્રીતિ પટેલનો મુકાબલો કેમી બેડનોચ, રોબર્ટ જેનરિક, જેમ્સ ક્લેવરલી, ટોમ ટુગેન્ડહાટ અને મેલ સ્ટ્રાઈડ સામે થશે.

પ્રીતિ બોરિસ જોન્સન જુથના નેતા છે

2014માં નરેન્દ્ર મોદીને સમર્થન આપ્યું હતું.

પ્રીતિ પટેલ 2010માં પ્રથમ વખત એસેક્સના વિથેમથી કન્ઝર્વેટિવ સાંસદ બન્યા હતા. જૂન 2014માં, તેમણે વડાપ્રધાન નરેન્દ્ર મોદી વિરુદ્ધના એકતરફી અહેવાલ માટે બીબીસીની આકરી ટીકા કરી હતી. આ દરમિયાન ભારતમાં તેમની ખૂબ ચર્ચા થઈ હતી. પ્રીતિ મૂળ ગુજરાતી છે અને તેમને પીએમ મોદીના સમર્થક માનવામાં આવે છે.

પ્રીતિનો જન્મ 29 માર્ચ 1972ના રોજ લંડનમાં થયો હતો. તેમના માતા-પિતા 1960ના દાયકામાં યુગાન્ડાથી બ્રિટન ગયા હતા. પ્રીતિએ કીલે યુનિવર્સિટીમાંથી અર્થશાસ્ત્રમાં ગ્રેજ્યુએશન અને એસેક્સ યુનિવર્સિટીમાંથી પોસ્ટ ગ્રેજ્યુએશન કર્યું છે.

પ્રીતિ પટેલ બોરિસ જોન્સન ગ્રુપના નેતા રહી ચુક્યા છે અને સુનકના વિરોધી નેતા માનવામાં આવે છે. પ્રીતિ બોરિસ જોન્સનની સરકારમાં ગૃહમંત્રી રહી ચૂક્યા છે. કન્ઝર્વેટિવ પાર્ટીમાં થેરેસા મેને હટાવીને બોરિસ જોન્સનને વડાપ્રધાન બનાવવા માટે ‘બેક બોરિસ’ ઝુંબેશ ચલાવાઈ હતી, પ્રીતિ તેનો મહત્વનો ભાગ હતા.

પ્રીતિ દક્ષિણપંથી વિચારધારાના નેતા છે. ઇમિગ્રેશન અને કાયદો અને વ્યવસ્થા પર તેના કડક વલણ માટે જાણીતી છે. પ્રીતિ પટેલને દક્ષિણપંથીના મોટા વર્ગનું સમર્થન છે.

નાઈજીરિયામાં ઉછરેલા બડેનોચની પ્રીતિ સામે ટક્કર

બેડેનોચનો દાવો પણ ઘણો મજબૂત છે.

પ્રીતિ પટેલ સિવાય રેસમાં અન્ય મહિલા કેમી બેડેનોચ છે. બોરિસ જોન્સનના રાજીનામા બાદ બેડેનોચ પણ લિઝ ટ્રસ અને ઋષિ સુનક સાથે પીએમ પદના દાવેદાર હતા. બેડેનોચ હવે સુનકનું સ્થાન લેવા માટે બુકીઓના મનપસંદ ઉમેદવાર છે. તેમનો ઉછેર નાઇજીરીયા અને અમેરિકામાં થયો છે.

જેનરિક બે જૂથોમાં વિભાજિત પક્ષને એક કરી શકે છે

રોબર્ટ જેનરિક પાર્ટીમાં સંપૂર્ણ પરિવર્તન લાવવા માંગે છે.

રોબર્ટ જેનરિકને ઇમિગ્રેશનના મુદ્દાઓ સંભાળવાનો અનુભવ છે. તેઓ હાઉસિંગ સેક્રેટરી હતા પરંતુ વર્ષ 2021માં બોરિસ જોન્સન દ્વારા તેમને મંત્રી પદ પરથી હટાવી દેવામાં આવ્યા હતા. પાર્ટીને ફરી સત્તામાં લાવવા માટે તેઓ કન્ઝર્વેટિવ પાર્ટીમાં સંપૂર્ણ પરિવર્તન લાવવા માંગે છે. તેમના વિશે એવું કહેવાય છે કે તેઓ રાઈટવિંગ અને સેંટ્રિસ્ટ વિચારધારાઓ વચ્ચે વહેંચાયેલી પાર્ટીને એક કરી શકે છે.

જેમ્સ ક્લેવરલીનો દાવો પણ મજબૂત

ક્લેવરલી અગાઉની કન્ઝર્વેટિવ સરકારોમાં અનેક હોદ્દા પર રહી ચૂક્ટા છે.

જેમ્સ ક્લેવરલી અગાઉ દેશના વિદેશ પ્રધાન, ગૃહ પ્રધાન અને શિક્ષણ પ્રધાનના હોદ્દા પર રહી ચૂક્યા છે. તેઓ ડિપ્લોમેસીમાં નિપુણતા ધરાવે છે. આ જ કારણ છે કે લિઝ ટ્રસ, ઋષિ સુનક અને બોરિસ જોન્સન બધાએ તેમને મહત્વપૂર્ણ પદો આપ્યા.

PMના દાવેદાર રહેલા ટુગેંડહન વિપક્ષ નેતા બની શકે છે

ટુગેંડહન કન્ઝર્વેટિવ પાર્ટીના લાંબા સમયથી સભ્ય છે.

ટોમ ટુગેંડહન કન્ઝર્વેટિવ પાસે પણ ઘણો અનુભવ છે. ટુગેંડહને 2022ની ચૂંટણીમાં ઋષિ સુનકને વડાપ્રધાન બનવા માટે સમર્થન આપ્યું હતું. તેમણે અફઘાનિસ્તાન અને ઈરાકમાં ટેરિટોરિયલ આર્મી ઓફિસર તરીકે સેવા આપી છે. ઘણા વર્ષોથી તેઓ વડાપ્રધાન પદના દાવેદાર માનવામાં આવે છે. હવે તેમની પાસે વિપક્ષના નેતા બનવાની પણ તક છે.

મેલ સ્ટ્રાઈડ સુનકની ખૂબ નજીકના છે

મેલ સ્ટ્રાઈડ ઋષિ સુનકની ખૂબ નજીકના છે

મેલ સ્ટ્રાઈડ 2010થી કન્ઝર્વેટિવ પાર્ટીના સાંસદ છે. તેમને ઋષિ સુનકની નજીક માનવામાં આવે છે. મીડિયામાં પસંદગીના ચહેરા છે. ચૂંટણી પહેલા જ તેમણે લેબર પાર્ટીની જીતની આગાહી કરી હતી. જો કે, તેમની જીતવાની શક્યતા ઓછી માનવામાં આવે છે.

કન્ઝર્વેટિવ પાર્ટીના વરિષ્ઠ નેતા સુએલા બ્રેવરમેને વિરોધ પક્ષના નેતાની ચૂંટણી નહીં લડવાનો નિર્ણય કર્યો છે. પરંતુ તેમણે રિફોર્મ UK પાર્ટીના નેતા નાઈજલ ફરાજને કન્ઝર્વેટિવ પાર્ટીમાં સામેલ કરવાની અપીલ કરી છે.