મોસ્કો5 મિનિટ પેહલા
- કૉપી લિંક
ફૂટેજ રશિયાના સોચ્ચિ શહેરમાં આયોજિત વર્લ્ડ યુથ ફોરમના છે. જેમાં રશિયાના વિદેશ મંત્રી સર્ગેઈ લાવરોવે ભારત સાથેના સંબંધો અંગે વાત કરી હતી.
રશિયાના વિદેશ મંત્રી સર્ગેઈ લાવરોવે ભારતના વિદેશ મંત્રી એસ જયશંકરની પ્રશંસા કરી છે. રશિયાના સોચ્ચિ શહેરમાં વર્લ્ડ યુથ ફોરમમાં લાવરોવને પૂછવામાં આવ્યું કે યુક્રેન યુદ્ધ વચ્ચે ભારત રશિયા પાસેથી ઓઈલ કેમ ખરીદી રહ્યું છે. આ બાબતે લાવરોવે કહ્યું- મારા મિત્ર જયશંકરે આનો ખૂબ જ સારો જવાબ આપ્યો હતો.
આ પછી લાવરોવે UNમાં જયશંકરના નિવેદનને યાદ કર્યું અને કહ્યું- UNમાં ભારતના વિદેશ મંત્રીને પણ આવો જ સવાલ પૂછવામાં આવ્યો હતો. ત્યારે જયશંકરે તેમને પોતાના કામથી કામ રાખવાની સલાહ આપી હતી. તેમને એ પણ યાદ અપાવ્યું કે પશ્ચિમી દેશો રશિયન ફેડરેશન પાસેથી કેટલું તેલ ખરીદે છે.
લાવરોવે કહ્યું- શીત યુદ્ધ દરમિયાન રશિયાએ ભારતનું સમર્થન કર્યું હતું
ભારત સાથેના સંબંધો વિશે વાત કરતા લાવરોવે કહ્યું- રશિયા અને ભારત હંમેશા સારા મિત્રો રહ્યા છે. શીત યુદ્ધ દરમિયાન જ્યારે પશ્ચિમી દેશોએ ભારતને શસ્ત્રો આપવાનું બંધ કર્યું ત્યારે મોસ્કોએ ભારતને સમર્થન આપ્યું હતું. રશિયાએ ભારત સાથે હાઈટેક મિસાઈલ બ્રહ્મોસનું સંયુક્ત ઉત્પાદન પણ શરૂ કર્યું છે.
ખરેખરમાં રશિયા-યુક્રેન યુદ્ધ શરૂ થયા બાદ પશ્ચિમી દેશોએ રશિયા પર પ્રતિબંધો લગાવી દીધા હતા. આવી સ્થિતિમાં યુરોપે ઓઈલ ખરીદવા માટે મિડલ ઈસ્ટનો આશરો લીધો હતો. જો કે, આ દરમિયાન ભારતે રશિયા પાસેથી તેલ ખરીદવાનું ચાલુ રાખ્યું હતું. આનો કેટલાક પશ્ચિમી દેશોએ વિરોધ પણ કર્યો હતો.
ભારત સૌથી વધુ ઓઈલ રશિયા પાસેથી ખરીદે છે
ભારતે 2020માં રશિયા પાસેથી તેની જરૂરિયાતના માત્ર 2% ક્રૂડ ઓઈલની ખરીદી કરી હતી. રશિયા-યુક્રેન યુદ્ધની શરૂઆત પહેલાં, 2021 માં કુલ પુરવઠો વધીને 16% અને 2022માં 35% થયો. હાલમાં ભારત તેની જરૂરિયાતના 40 ટકા ક્રૂડ ઓઈલ રશિયા પાસેથી ખરીદી રહ્યું છે.
2023માં જાન્યુઆરી અને સપ્ટેમ્બર વચ્ચે, ભારતે રશિયા પાસેથી પ્રતિ ટન ₹43,782ના ભાવે ઓઈલ ખરીદ્યું છે (આમાં શિપિંગ અને અન્ય શુલ્ક શામેલ છે). સમાચાર એજન્સી રોયટર્સે સરકારી આંકડાઓને ટાંકીને આ માહિતી આપી હતી.
જયશંકરે કહ્યું- રશિયાએ ક્યારેય અમારા હિતોને નુકસાન પહોંચાડ્યું નથી
રશિયા પાસેથી તેલ ખરીદવાના ભારતના નિર્ણયનું સમર્થન કરતા જયશંકરે કહ્યું હતું કે – રશિયા પાસેથી ક્રૂડ ઓઈલ ખરીદવું એ એકદમ યોગ્ય નિર્ણય છે. જ્યારે યુક્રેનમાં યુદ્ધ શરૂ થયું ત્યારે મિડલ ઈસ્ટના દેશોએ યુરોપના દેશોને પ્રાથમિકતા આપી હતી. ત્યારે આપણી પાસે કયો વિકલ્પ હતો? કાં તો અમને ઓઈલ ન મળ્યું હોત કારણ કે તમામ ઓઈલ યુરોપિયન દેશો ખરીદતા હતા અથવા તો અમે વધુ ભાવે ઓઈલ ખરીદ્યું હોત.
જયશંકરે કહ્યું- આવી સ્થિતિમાં ભારતે રશિયા પાસેથી ક્રૂડ ઓઈલ ખરીદીને બજારમાં ઓઈલની કિંમતોને સ્થિર કરવાનું કામ કર્યું. ભારતના રશિયા સાથે ખૂબ જ સ્થિર અને મૈત્રીપૂર્ણ સંબંધો છે અને રશિયાએ ક્યારેય અમારા હિતોને નુકસાન પહોંચાડ્યું નથી.
આ સમાચાર પણ વાંચો…
યુરોપિયન દેશો ભારત મારફતે રશિયન ઓઈલ ખરીદી રહ્યા છેઃ ભારતની નિકાસ વધીને 2 લાખ બેરલ થઈ, ચીન પણ પ્રતિબંધોનો ફાયદો ઉઠાવી રહ્યું છે
યુક્રેન પર હુમલા મામલે અમેરિકા અને યુરોપિયન દેશોએ રશિયા પર અનેક પ્રતિબંધો લગાવ્યા છે. આ ઉપરાંત તેની પાસેથી ઈંધણ ખરીદવા પર પ્રતિબંધ છે. જ્યારે ભારતે અમેરિકા અને યુરોપની ધમકીઓને અવગણીને રશિયા પાસેથી સસ્તું ક્રૂડ ઓઈલ ખરીદવાનો નિર્ણય લીધો હતો.
જયશંકરે કહ્યું- ભારત-રશિયાના સંબંધો વિશ્વમાં સૌથી વધુ સ્થિર છેઃ કહ્યું- સોવિયેત યુનિયન તૂટી ગયું પરંતુ રશિયા સાથે સંબંધો પહેલા જેવા છે.
વિદેશ મંત્રી એસ જયશંકરે રશિયાના વિદેશ મંત્રી સર્ગેઈ લવરોવ સાથે મુલાકાત કરી હતી. બંને વચ્ચે દ્વિપક્ષીય બેઠક મળી હતી. આ પહેલા જયશંકર મોસ્કોમાં ભારતીય સમુદાયના લોકોને મળ્યા હતા.
