- Gujarati News
- International
- Zelensky Said In UNSC Russia Has To Be Forced To Stop The War, Talks Alone Will Not Solve, Putin Himself Will Not Back Down
2 મિનિટ પેહલા
- કૉપી લિંક
યુક્રેનના રાષ્ટ્રપતિ વોલોદિમિર ઝેલેન્સકીએ સંયુક્ત રાષ્ટ્ર સુરક્ષા પરિષદ (UNSC)માં કહ્યું છે કે, રશિયા અને યુક્રેન વચ્ચેના યુદ્ધને રોકવા માટે માત્ર વાતચીત જ પૂરતી નથી. અલ જઝીરા અનુસાર, ઝેલેન્સકીએ ન્યૂયોર્કમાં યુએનએસસીની બેઠકમાં કહ્યું, પુતિન આંતરરાષ્ટ્રીય અપરાધો કરી રહ્યો છે. તેણે અત્યાર સુધી એટલા બધા કાયદા તોડી નાખ્યા છે કે તે હવે અટકશે નહીં.
યુક્રેનના રાષ્ટ્રપતિએ કહ્યું, આ યુદ્ધ જાતે જ ખતમ નહીં થાય. પુતિન થાકીને યુદ્ધ બંધ કરવાના નથી. રશિયાને શાંતિ માટે દબાણ કરવું પડશે. રશિયાએ યુએન ચાર્ટરનું એટલું ઉલ્લંઘન કર્યું છે કે હવે બીજો કોઈ વિકલ્પ બાકી નથી રહ્યો.
ઝેલેન્સકીએ કહ્યું કે, તેમણે બીજી શાંતિ સમિટની તૈયારી કરવી પડશે. આ માટે તેઓ ભારત, ચીન અને અન્ય ઘણા દેશોને આમંત્રિત કરી ચૂક્યા છે. યુક્રેનના રાષ્ટ્રપતિએ કહ્યું કે જો રશિયાને રોકવું હશે તો તમામ દેશોએ સાથે મળીને કામ કરવું પડશે.
ઝેલેન્સકીએ દાવો કર્યો છે કે તેમની વિજય યોજના રશિયા અને યુક્રેન વચ્ચે પુલનું કામ કરશે.
ઝેલેન્સકી બાઇડનને ‘વિક્ટરી પ્લાન’ રજૂ કરશે
ઝેલેન્સ્કી ગુરુવારે (26 સપ્ટેમ્બર) યુએસ પ્રમુખ જો બાઇડનને તેમની ‘વિક્ટરી પ્લાન’ રજૂ કરવા જઈ રહ્યા છે. આ માટે તે સહયોગી દેશોનું સમર્થન મેળવવાનો પ્રયાસ કરી રહ્યા છે. આ યોજનાની શરતોને હાલ માટે ગુપ્ત રાખવામાં આવી છે, પરંતુ ઝેલેન્સકીએ કહ્યું છે કે તે યુદ્ધને રોકવા માટે એક પુલનું કામ કરશે.
UNSCની બેઠકમાં 15માંથી 14 દેશોના મંત્રીઓએ ભાગ લીધો હતો. રશિયાએ યુએનમાં તેના કાયમી પ્રતિનિધિ વેસિલી નેબેન્ઝિયાને આ બેઠકમાં મોકલ્યા હતા. નેબેન્ઝિયાએ કહ્યું કે, યુએનમાં ફરી એકવાર ઝેલેન્સકીને વિશેષ મહત્વ આપવામાં આવી રહ્યું છે.
પુતિને કહ્યું હતું, ભારત-ચીન યુદ્ધ રોકવા માટે મધ્યસ્થી કરી શકે
અગાઉ સપ્ટેમ્બરની શરૂઆતમાં રશિયાના રાષ્ટ્રપતિ વ્લાદિમીર પુતિને કહ્યું હતું કે, તેઓ યુક્રેન સાથે યુદ્ધના સમાધાન માટે વાત કરવા તૈયાર છે. પુતિને કહ્યું હતું કે ભારત, ચીન અથવા બ્રાઝિલ બંને દેશો વચ્ચે મધ્યસ્થી કરી શકે છે. પીએમ મોદીની 23 ઓગસ્ટે યુક્રેનની મુલાકાત બાદ ઝેલેન્સકીએ કહ્યું હતું કે તેઓ ભારતમાં બીજી શાંતિ સમિટનું આયોજન કરવા માગે છે.
24 ફેબ્રુઆરી 2022ના રોજ રશિયા-યુક્રેન યુદ્ધ શરૂ થયાને અઢી વર્ષ થઈ ગયા છે. આ દરમિયાન યુક્રેનના અત્યાર સુધીમાં 10 હજાર નાગરિકોના મોત થયા છે, જ્યારે 18,500 લોકો ઘાયલ થયા છે. રશિયા યુક્રેનની 20% થી ઓછી જમીન પર કબજો કરે છે. યુક્રેનનો દાવો છે કે રશિયાએ યુદ્ધમાં 3.92 લાખ સૈનિકો ગુમાવ્યા છે. આ દરમિયાન અમેરિકાએ રશિયાની 500 કંપનીઓ પર પ્રતિબંધો લગાવ્યા છે.
