મોસ્કો/ન્યુયોર્ક47 મિનિટ પેહલા
- કૉપી લિંક
રશિયા-યુક્રેન યુદ્ધને અઢી વર્ષથી પણ વધુ સમય થયો છે. આ વચ્ચે, યુક્રેન અને રશિયા બંને જ સૈનિકોના સંકટનો સામનો કરી રહ્યા છે. રશિયાએ દુનિયાભરના ઘણાં દેશોના યુવાઓને આ યુદ્ધમાં ધકેલી દીધા છે. ભારત, નેપાળ, બ્રાઝિલ સહિત ઘણાં દેશોના યુવાઓને આ યુદ્ધમાં લડવા માટે મજબૂર કરાય છે. જેમાંથી ઘણાં યુવાનોને યુક્રેને પકડી લીધા છે, પણ રશિયા તરફથી તેને છોડી દેવા કોઈ પગલા લેવામાં આવ્યા નથી.
યુક્રેનમાં યુદ્ધ કેદીઓની શિબિરમાં બેઠેેલા એક નેપાળી, એક સ્લોવાક અને એક બ્રાઝિલિયન કહે છે કે તેમણે ક્યારેય રશિયન સેનામાં લડવા માટે સહમતિ નહોંતી દર્શાવી, પણ તેને દગાથી તેમાં સામેલ કરી દેવાયા. યુક્રેની અધિકારી જણાવે છે કે તેમણે કેટલા વિદેશી લડવૈયાઓને પકડયા છે, પણ તે લોકો તેના માટે બોજ છે, જેમાંથી તે બને તેટલો જલદી છુટકારો ઈચ્છે છે. પણ રશિયા તરફથી કોઈ પ્રસ્તાવ નથી મળ્યો.
કોઈ રશિયા ભણવા ગયું તો કોઈ ટૂરિસ્ટ, દગાથી રશિયન સેનામાં જોડાયા • યુક્રેનના લવિવ પ્રાંતની એક યુદ્ધ કેદી શિબિરમાં 16 વિદેશી કેદ છે. અન્ય શિબિરોમાં પણ ઘણાં વિદેશી કેદ છે. આ કેદીઓમાંથી નેપાળના એક યુવાએ કહ્યું કે તે રશિયા ભણવા ગયો હતો. ત્યાં પહોંચ્યાના એક મહિના પછી તે તેની યુનિવર્સિટીની ફી ન ભરી શક્યો, મજબૂરીથી તેણે રશિયન સેના સાથેના એક કરાર પર સાઈન કરી, જ્યાં તેને વિશ્વાસ અપાવ્યો કે તેને યુદ્ધમાં નહીં જવું પડે, માત્ર ઘાયલ લોકોની મદદ કરવાની રહેશે. પણ થોડા જ અઠવાડિયામાં તેને મારચે મોકલી દેવાયો અને તેણે પોતને ગોળીબાર વચ્ચે જોયો. • સ્લોવાકિયાના એક વ્યક્તિએ કહ્યું કે તે જાન્યુઆરીમાં રશિયા એટલા માટે ગયા કેમકે તેનું સાઇબેરિયાના તાઇગામાં પ્રાકૃતિક જીવન જીવવાનું સપનું હતું. પૈસાની જરૂર અને રશિયન નાગરિકતા મેળવવા સેનામાં ભરતી થયા, જ્યાં તેને કહેવાયું કે માત્ર ખાઈ ખોદવી પડશે. જે ખોટું હતું. તેમણે અમને દગો દીધો. તે સ્લેવાકિયા નથી પરત જવા ઈચ્છતો, કેમકે તેને જેલ થઈ શકે છે. • બ્રાઝિલના કેદીએ કહ્યું કે તેણે રશિયન આઈટી કંપનીમાં નોકરી સ્વીકાર કરી. રશિયા પહોંચતા જ તેને કહેવાયું કે કંપની રશિયન મિલિટરી ઇન્ટેલિજન્સ માટે કામ કરે છે.
વિદેશીઓને આગળ મોકલે છે જેથી યુક્રેની ગોળીબારીના ઠેકાણા વિશે જાણી શકાય મોટાભાગના કેદીઓનું કહેવું છે કે વિદેશી લોકોને દગાથી યુદ્ધમાં સામેલ કરાયા, પણ કેટલાકે ખરેખર લડાઈ કરવા સહમતિ આપી હતી, તેનો પગાર 1.68 લાખ રૂપિયા પ્રતિ માસ હતો. જેમાં શ્રીલંકા, સર્બિયા, ક્યૂબા, કઝાકિસ્તાન, તાજિકિસ્તાન, મોરક્કો, ભારત અને ઇજિપ્તના લોકો સામેલ હતા. આફ્રિકાથી પણ લોકોની ભરતી કરાઈ હતી. એક યુક્રેની ગુપ્તચર સ્ત્રોત અનુસાર આ ભરતી માટે લોકોમાંથી મોટા ભાગના માર્યા ગયા છે, કેમકે તેને જાણી જોઈને રશિયન સૈનિકો પહેલા મોકલવામાં આવે છે જેથી યુક્રેની ગોળીબારના ઠેકાણા જાણી શકાય.
રશિયા તરફથી લડનારા વિદેશી યુવાઓ માંથી સૌથી વધુ શ્રીલંકા અને નેપાળના… અંદાજ છે કે રશિયા માટે લડનારા વિદેશી લડવૈયાઓની સંખ્યા હજારોથી લઈને દસ હજાર સુધી હોય શકે છે. 17 ઓક્ટોબરે, યુક્રેનના જાસૂસ પ્રમુખ, કિરિલો બુડાનોવે દાવો કર્યો કે 11 હજાર ઉત્તર કોરિયાઈ સૈનિકો પૂર્વી રશિયામાં યુક્રેનમાં લડવા માટે પ્રશિક્ષણ લઈ રહ્યા છે. તેની પુષ્ટિ કરવી મુશ્કેલ છે, જોકે દક્ષિણ કોરિયાની ગુપ્તચર એજન્સીનું કહેવું છે કે કંઈક પ્રશિક્ષણ ચાલી રહ્યું છે. યુક્રેનના લેફ્ટિનેન્ટ માત્વેન્કોએ કહ્યું કે સૌથી વધુ ગૈર-રશિયન યુદ્ધ કેદી શ્રીલંકા અને નેપાળથી છે, કહે છે છેલ્લા કેટલાક મહિનાઓમાં તેની સંખ્યા ઘટી છે.