- Gujarati News
- International
- Trump Avoids Conviction In Porn Star Case; The Court Said The Verdict Will Be Pronounced After The Election
ન્યુયોર્ક20 મિનિટ પેહલા
- કૉપી લિંક
ટ્રમ્પને 30 મેના રોજ 34 ગુનામાં દોષિત ઠેરવવામાં આવ્યા હતા. (ફાઈલ)
પોર્ન સ્ટાર કેસમાં દોષિત જાહેર થયેલા પૂર્વ રાષ્ટ્રપતિ ડોનાલ્ડ ટ્રમ્પને મેનહટન કોર્ટે મોટી રાહત આપી છે. રાષ્ટ્રપતિની ચૂંટણી બાદ તેમને સજા સંભળાવવામાં આવશે. ન્યૂઝ એજન્સી રોયટર્સ અનુસાર, કેસની સુનાવણી કરી રહેલા જજ જુઆન માર્ચેને કહ્યું કે 26 નવેમ્બરે ટ્રમ્પની સજાનો ચુકાદો સંભળાવાશે.
અમેરિકામાં 5 નવેમ્બરે ચૂંટણી યોજાશે. ટ્રમ્પને જુલાઈમાં જ સજા સંભળાવવાની હતી. જો કે, તે પછી તેને 18 સપ્ટેમ્બર સુધી મુલતવી રાખવામાં આવી હતી. હવે તેને વધુ 68 દિવસ માટે ટાળવામાં આવી છે.
ખરેખરમાં, આ વર્ષે 30 મેના રોજ કોર્ટે ટ્રમ્પને પોર્ન સ્ટાર સ્ટોર્મી ડેનિયલને મોઢુ બંધ રાખવા માટે રૂપિયા આપવા અને 2016 ની ચૂંટણી પ્રચાર દરમિયાન બિઝનેસ રેકોર્ડ ખોટા બનાવવાના 34 કેસમાં દોષી ઠેરવ્યા હતા. ટ્રમ્પ ગુનામાં દોષિત ઠરનાર પ્રથમ સીટીંગ અથવા અમેરિકાના ભૂતપૂર્વ રાષ્ટ્રપતિ છે.
મેનહટન કોર્ટના સ્કેચ આર્ટિસ્ટે બંધ આંખે ટ્રમ્પનો સ્કેચ બનાવ્યો હતો.
જજે કહ્યું- ચૂંટણી પર ચુકાદાની અસર થવાની સંભાવના છે
રાષ્ટ્રપતિની ચૂંટણીનો ઉલ્લેખ કરતા જજ માર્ચેને કહ્યું કે જો 18 સપ્ટેમ્બરે સજા સંભળાવવામાં આવશે તો તે સંદેશ જશે કે આ બધું ચૂંટણીને અસર કરવા માટે કરવામાં આવ્યું છે. તેમણે કહ્યું કે સજાની તારીખ લંબાવવાથી ચૂંટણી પર અસર થવાની શક્યતા રહેશે નહીં
નોંધનીય છે કે ટ્રમ્પે રાષ્ટ્રપતિ પદના ઉમેદવાર હોવાના કારણે સુપ્રીમ કોર્ટમાં પોતાના દોષિત ઠેરવવાના કેસને બંધ કરવાની પણ માંગ કરી છે. આ અંગે ટૂંક સમયમાં નિર્ણય આવવાનો છે.
ટ્રમ્પ સામે 34 આરોપો શું છે?
- ટ્રમ્પ પર 34 વખત ખોટા બિઝનેસ રેકોર્ડ્સનો આરોપ લગાવવામાં આવ્યો છે. આ તમામ આરોપો પોર્ન સ્ટાર સ્ટોર્મી ડેનિયલને 2016ની રાષ્ટ્રપતિ ચૂંટણી પહેલા મોઢું બંધ રાખવા માટે 1 લાખ 30 હજાર ડોલર (લગભગ 1 કરોડ 7 લાખ રૂપિયા) આપવાના છે.
- 11 ચોર્જ ચેક પર હસ્તાક્ષર સાથે સંબંધિત છે. અન્ય 11 આરોપો કોહેને કંપનીને સબમિટ કરેલા ખોટા ઇન્વૉઇસ સાથે સંબંધિત છે અને બાકીના 12 આરોપો રેકોર્ડમાં ખોટી માહિતી આપવા અંગેના છે.
- ટ્રમ્પના વકીલ માઈકલ કોહેને આરોપ લગાવ્યો હતો કે તેણે ટ્રમ્પના કહેવા પર સ્ટોર્મીને પૈસા આપ્યા હતા, જેથી તે 2016ની ચૂંટણી પહેલા ટ્રમ્પ સાથેના અફેર વિશે કંઈ ન બોલે.
- આરોપ છે કે ટ્રમ્પે રાષ્ટ્રપતિ બન્યા બાદ કોહેનને પૈસા પરત કર્યા હતા. આ માટે તેણે કોહેનને 10 મહિના સુધી અનેક ચેક આપ્યા. તેઓએ તેને કાનૂની ફી તરીકે રેકોર્ડમાં દર્શાવ્યું, જે ખરેખરમાં ગુનાને છુપાવવા માટે કરવામાં આવેલ પેમેન્ટ હતું.
- આરોપો સાથે જોડાયેલા દસ્તાવેજમાં કહેવામાં આવ્યું છે કે ટ્રમ્પે ન્યૂયોર્કના બિઝનેસ રેકોર્ડને વારંવાર ખોટી માહિતી આપી, જેથી તે પોતાનો ગુનો છુપાવી શકે અને ચૂંટણીમાં ફાયદો મેળવી શકે.
- 5 એપ્રિલ, 2023ના રોજ મેનહટન કોર્ટમાં ટ્રમ્પ વિરુદ્ધ 34 આરોપો ઘડવામાં આવ્યા હતા.
પોર્ન સ્ટાર્સને પૈસા ચૂકવવાના આખા મુદ્દાને 5 પોઈન્ટમાં સમજો
ટ્રમ્પ અને સ્ટોર્મીએ 2006માં વિક્ડ પિક્ચર્સ સ્ટુડિયોમાં ફોટોગ્રાફ કર્યો હતો. ત્યારે ટ્રમ્પ 60 વર્ષના હતા અને સ્ટોર્મીની ઉંમર 27 વર્ષની હતી. (સૌજન્ય: stormydaniels.com)
1. પોર્ન સ્ટાર અને ટ્રમ્પની મુલાકાત 2006માં થઈ હતી. ડોનાલ્ડ ટ્રમ્પ ત્યારે રિયલ એસ્ટેટ બિઝનેસમેન હતા. ત્યારે પોર્ન સ્ટાર સ્ટોર્મી ડેનિયલ 27 વર્ષની હતી અને ટ્રમ્પ 60 વર્ષના હતા. જુલાઈ 2006માં એક ગોલ્ફ ટૂર્નામેન્ટ દરમિયાન બંનેની મુલાકાત થઈ હતી.
2. સ્ટોર્મીએ તેના પુસ્તક ‘ફુલ ડિસ્ક્લોઝર’માં આ મીટિંગનો ઉલ્લેખ કર્યો છે. તેણે કહ્યું કે જ્યારે તે ટ્રમ્પને મળી ત્યારે તેની ત્રીજી પત્ની મેલાનિયાએ પુત્ર બેરોનને જન્મ આપ્યો હતો. બેરોનનો જન્મ થયાને માત્ર 4 મહિના જ થયા હતા.
3. તેના પુસ્તકમાં સ્ટોર્મીએ જણાવ્યું કે ટ્રમ્પના બોડીગાર્ડ્સે તેને નવા સ્ટારના પેન્ટહાઉસમાં ડિનર માટે આમંત્રણ આપ્યું હતું. પુસ્તકમાં તેણે ટ્રમ્પ સાથેના તેના સંબંધો અને તેના શારીરિક દેખાવનો પણ ઉલ્લેખ કર્યો છે. આ પછી બંને વચ્ચે અફેર શરૂ થયું.
4. એવા આરોપો છે કે ટ્રમ્પે 2016ની રાષ્ટ્રપતિની ચૂંટણી પહેલા મોઢું બંધ રાખવા માટે સ્ટોર્મીને પૈસા આપ્યા હતા. ટ્રમ્પના વકીલે પણ સ્વીકાર્યું હતું કે તેણે ટ્રમ્પ વતી પોર્ન સ્ટારને 1 લાખ 30 હજાર ડોલર (લગભગ 1 કરોડ 7 લાખ રૂપિયા) આપ્યા હતા.
5. વોલ સ્ટ્રીટ જર્નલ દ્વારા જાન્યુઆરી 2018માં પોર્ન સ્ટારને ટ્રમ્પના પેમેન્ટનો ખુલાસો થયો હતો. તેના આધારે ટ્રમ્પ સામે ક્રિમિનલ કેસ દાખલ કરવાનો નિર્ણય લેવામાં આવ્યો હતો. તેઓ ગુનાહિત કેસનો સામનો કરનાર પ્રથમ અમેરિકન રાષ્ટ્રપતિ છે.
ટ્રમ્પને શું સજા થશે? ટ્રમ્પની સજાની સુનાવણી 26 નવેમ્બરે થશે. બીબીસી અનુસાર, ટ્રમ્પને 4 વર્ષની જેલ થઈ શકે છે. જોકે, જજ માર્ચેન ઓછી સજા આપી શકે છે. તેઓ ટ્રમ્પને દંડ ભરાવીને પણ છોડી શકે છે. સજાનો સંપૂર્ણપણે તેમના વિવેક પર આધાર છે.
કેટલાક કાયદાકીય નિષ્ણાતો માને છે કે દંડ ભર્યા પછી તેમને છોડી મુકવામાં આવી શકે છે. ન્યૂયોર્ક સિટીનું પ્રોબેશન ડિપાર્ટમેન્ટ ટ્રમ્પનો ઇન્ટરવ્યુ લેશે. ઇન્ટરવ્યુ દરમિયાન, દોષિત વ્યક્તિ પોતાની સારી છબી બનાવવાનો પ્રયાસ કરે છે. આ દલીલ કરે છે કે શા માટે તેમને સજા મળવી જોઈએ.
