વોશિંગ્ટનઅમુક પળો પેહલા
- કૉપી લિંક
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ પર ફરી એકવાર હુમલો થયો છે. CNN અનુસાર, ફ્લોરિડાના પામ બીચ કાઉન્ટીમાં ટ્રમ્પના ઇન્ટરનેશનલ ગોલ્ફ ક્લબ પાસે આ ગોળીબાર થયો હતો. સિક્રેટ સર્વિસે માહિતી આપી છે કે ટ્રમ્પ સુરક્ષિત છે. ઘટનાની તપાસની જવાબદારી એફબીઆઈને આપવામાં આવી છે. એફબીઆઈએ કહ્યું કે તેઓ આ ઘટનાને “હત્યાના પ્રયાસ” તરીકે માની રહ્યા છે. અધિકારીઓએ જણાવ્યું હતું કે શંકાસ્પદ વ્યક્તિ પાસે બેરલ અને GoPro કેમેરા સાથે AK-47 જેવી રાઈફલ હતી.
રિપોર્ટ અનુસાર, જ્યારે ટ્રમ્પ 5મા હોલ પાસે ગોલ્ફ રમી રહ્યા હતા ત્યારે ગોળી વાગી હતી. એક સિક્રેટ સર્વિસ એજન્ટે ગોલ્ફ કોર્સની વાડમાંથી રાઇફલ સાથે હુમલાખોર શકમંદને જોયો.
ગનમેન ટ્રમ્પથી લગભગ 300-500 યાર્ડ દૂર હતો, તેને હાઇવે પર પકડવામાં આવ્યો
પોલીસે શંકાસ્પદ રૂથની ધરપકડ કરી છે. પકડાયા બાદની આ તસવીર છે.
આરોપીનું નામ રેયાન વેસ્લી રૂથ છે તેનો ઈતિહાસ ગુનાખોરીનો રહ્યો છે
બંદૂકધારી ટ્રમ્પથી લગભગ 300-500 યાર્ડ દૂર હતો. ત્યારબાદ એજન્ટે તેના પર ગોળીબાર કર્યો કે તરત જ તે પોતાની બંદૂક છોડીને બ્લેક એસયુવીમાં ભાગી ગયો. સિક્રેટ સર્વિસે તેની કારની નંબર પ્લેટની તસવીર લીધી હતી. આ પછી તેને હાઈવે પર ઘેરી લેવામાં આવ્યો અને ધરપકડ કરવામાં આવી. આ ઘટના ભારતીય સમય અનુસાર રવિવારે રાત્રે 11:30 વાગ્યે બની હતી, તે સમયે અમેરિકામાં બપોરના 2 વાગ્યા હતા.
કાયદાના અમલીકરણ મુજબ શંકાસ્પદની ઓળખ હવાઈના 58 વર્ષીય રેયાન વેસ્લી રૂથ તરીકે થઈ છે. લગભગ બે મહિના પહેલા, અમેરિકન રાજ્ય પેન્સિલવેનિયાના બટલર શહેરમાં એક રેલી દરમિયાન ટ્રમ્પ પર જીવલેણ હુમલો કરવામાં આવ્યો હતો, જેમાં એક ગોળી તેમના કાન પાસેથી પસાર થઈ હતી.
ફ્લોરિડામાં ટ્રમ્પના ઇન્ટરનેશનલ ગોલ્ફ ક્લબ નજીક ફાયરિંગ બાદ ઘટનાસ્થળે હાજર પોલીસ.
રૂથને હાઈવે નજીક ઘેરી લેવામાં આવ્યો હતો
ટ્રમ્પે કહ્યું- હું સુરક્ષિત છું, ક્યારેય હાર માનીશ નહીં આ ઘટના બાદ ડોનાલ્ડ ટ્રમ્પે તેમના સમર્થકોને એક સંદેશ જાહેર કરીને કહ્યું કે, “હું સુરક્ષિત છું. મેં મારી આસપાસ ગોળીબારનો અવાજ સાંભળ્યો હતો, પરંતુ આ ઘટના અંગે કોઈ અફવા ફેલાતા પહેલા હું આ અંગે સ્પષ્ટતા કરવા માગુ છું. મને ખબર છે કે હું ઠીક અને સુરક્ષિત છું.” ટ્રમ્પે વધુમાં કહ્યું કે, “કોઈપણ બાબત મને ચૂંટણી પ્રચાર કરતા રોકી શકશે નહીં. હું ક્યારેય હાર માનીશ નહીં. તમારા સર્મથન માટે હું હંમેશાં તમને પ્રેમ કરતો રહીશ.” આ ઘટના બાદ ટ્રમ્પ તેમના ઘર માર-એ-લાગો ગયા હતા. વ્હાઇટ હાઉસે કહ્યું કે રાષ્ટ્રપતિ જો બાઇડન અને ઉપરાષ્ટ્રપતિ કમલા હેરિસને આ ઘટનાની જાણ કરવામાં આવી છે. બંનેએ ટ્રમ્પ સુરક્ષિત હોવાની રાહત વ્યક્ત કરી છે.
કમલા હેરિસે સોશિયલ મીડિયા પર કહ્યું-
મને ભૂતપૂર્વ રાષ્ટ્રપતિ ટ્રમ્પ અને ફ્લોરિડામાં તેમની પ્રોપર્ટી પાસે ગોળી ચલાવવામાં આવી હોવાના અહેવાલોની જાણ કરવામાં આવી છે. મને ખુશી છે કે તેઓ સુરક્ષિત છે. અમેરિકામાં હિંસા માટે કોઈ સ્થાન નથી.
શંકાસ્પદ વ્યક્તિએ સોશિયલ મીડિયા પર ટ્રમ્પની ટીકા કરી હતી, યુક્રેન પણ ગયો હતો બીબીસી અનુસાર શંકાસ્પદ રૂથની ધરપકડ બાદ તેના ફેસબુક અને એક્સ એકાઉન્ટ બંધ કરી દેવામાં આવ્યા છે. તેણે સોશિયલ મીડિયા પર ટ્રમ્પ વિરુદ્ધ અનેક પોસ્ટ કરી હતી.
આ સિવાય તેમણે ડેમોક્રેટિક પાર્ટીને સમર્થન આપ્યું હતું. રૂથ યુક્રેન માટે ફંડ એકત્ર કરવાની ઇવેન્ટમાં સામેલ હતો. ગયા વર્ષે તે યુક્રેન પણ ગયો હતો. તેણે આ સાથે જોડાયેલી વાતો સોશિયલ મીડિયા પર પણ શેર કરી હતી.
રૂથ થોડા મહિના પહેલા એક મીડિયા હાઉસને ઈન્ટરવ્યુ પણ આપ્યો હતો. જેમાં તેણે ટ્રમ્પની ટીકા કરી હતી. આ ફૂટેજ એ મુલાકાતના છે.
ચૂંટણી પ્રવાસ બાદ ટ્રમ્પ સપ્તાહના અંતે ફ્લોરિડા આવ્યા હતા વેસ્ટ કોસ્ટની મુલાકાત લીધા બાદ ટ્રમ્પ આ સપ્તાહના અંતમાં ફ્લોરિડા પરત ફર્યા હતા. અહીં પામ બીચમાં તેનું ઘર માર-એ-લાગો છે. તેને પામ બીચ રિસોર્ટ પણ કહેવામાં આવે છે. ટ્રમ્પે તેમની વેસ્ટ કોસ્ટ મુલાકાત દરમિયાન શુક્રવારે રાત્રે લાસ વેગાસમાં એક રેલી અને ઉટાહમાં ફંડ એકત્ર કરવા માટે હાજરી આપી હતી.
ફ્લોરિડાના પામ બીચમાં ટ્રમ્પના વૈભવી રિસોર્ટ માર-એ-લાગોનો ફોટોગ્રાફ.
13 જુલાઈના રોજ ટ્રમ્પ પર જીવલેણ હુમલો થયો હતો 13 જુલાઈના રોજ પેન્સિલવેનિયાના બટલર શહેરમાં એક રેલીને સંબોધિત કરતી વખતે ટ્રમ્પ પર હુમલો કરવામાં આવ્યો હતો. આ દરમિયાન એક ગોળી ટ્રમ્પના કાનને અડીને પસાર થઈ ગઈ હતી. હુમલાખોરની ઓળખ 20 વર્ષીય થોમસ ક્રૂક્સ તરીકે થઈ હતી. તેણે AR-15 રાઈફલમાંથી 8 ગોળીઓ ચલાવી હતી. ગોળીબાર બાદ તરત જ સીક્રેટ સર્વિસના અધિકારીઓએ હુમલાખોરને ઠાર માર્યો હતો.
13 જુલાઈના રોજ ટ્રમ્પ પર જીવલેણ હુમલો થયો હતો 13 જુલાઈના રોજ પેન્સિલવેનિયાના બટલર શહેરમાં એક રેલીને સંબોધિત કરતી વખતે ટ્રમ્પ પર હુમલો કરવામાં આવ્યો હતો. આ દરમિયાન એક ગોળી ટ્રમ્પના કાનને અડીને પસાર થઈ ગઈ હતી. હુમલાખોરની ઓળખ 20 વર્ષીય થોમસ ક્રૂક્સ તરીકે થઈ હતી. તેણે AR-15 રાઈફલમાંથી 8 ગોળીઓ ચલાવી હતી. ગોળીબાર બાદ તરત જ સિક્રેટ સર્વિસના અધિકારીઓએ હુમલાખોરને ઠાર માર્યો હતો.
13 જુલાઈના રોજ પેન્સિલવેનિયામાં એક રેલીને સંબોધિત કરતી વખતે ટ્રમ્પ પર હુમલો કરવામાં આવ્યો હતો. ગોળી તેના કાનમાંથી નીકળી ગઈ હતી.
આ સમાચાર પણ વાંચો….
ટ્રમ્પ પર ફાયરિંગ, FBIએ કહ્યું- હત્યાનું કાવતરું:શૂટર ટ્રમ્પની જ પાર્ટીનો હતો; ‘ફાયરિંગ પહેલાં જ દેખાયો હુમલાખોર, પોલીસે મારી વાત ન સાંભળી’- પ્રત્યક્ષદર્શી
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ પર જીવલેણ હુમલો થયો છે. પેન્સિલવેનિયાના બટલરમાં એક રેલી દરમિયાન ટ્રમ્પને ગોળી વાગી હતી. જ્યારે તેઓ સ્ટેજ પર બોલી રહ્યા હતા ત્યારે ગોળીનો અવાજ સંભળાયો. ટ્રમ્પે તેcના જમણા કાન પર હાથ મૂક્યો અને નીચે ઝૂકી ગયા. સિક્રેટ સર્વિસના એજન્ટ ટ્રમ્પને કવર કરવા માટે તરત જ પહોંચ્યા. સંપૂર્ણ સમાચાર વાંચો…
શું ટ્રમ્પ પર ફરીથી હુમલો કરવાનું ષડયંત્ર?:પાર્ટીના કાર્યક્રમની બહાર AK-47 સાથે યુવકની ધરપકડ, છરી સાથે પહોંચેલા વ્યક્તિની પણ હત્યા
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ પર 13 જુલાઈના રોજ જીવલેણ હુમલો થયો હતો. તેમના પર ફરીથી હુમલો થવાનો ભય છે. મંગળવારે અમેરિકાના મિલવૌકી શહેરમાં રિપબ્લિકન પાર્ટીના સંમેલનની બહાર પોલીસે 21 વર્ષીય યુવકની AK-47 સાથે ધરપકડ કરી હતી. તેના થોડા સમય બાદ, 43 વર્ષીય સેમ્યુઅલ શાર્પ બંને હાથમાં છરી પકડેલો જોવા મળ્યો હતો. તેણે એક વ્યક્તિ પર હુમલો પણ કર્યો હતો. આ પછી પોલીસે તરત જ તેના પર ગોળીબાર કર્યો, જેમાં સેમ્યુઅલનું મોત થયું. સંપૂર્ણ સમાચાર અહીં વાંચો…
