વોશિંગ્ટન42 મિનિટ પેહલા
- કૉપી લિંક
અમેરિકામાં રાષ્ટ્રપતિ કેન્ડિડેટ ચૂંટણી ચાલી રહી છે. આ ચૂંટણી પ્રોસેસમાં એક શબ્દનો ઉપયોગ કરવામાં આવે છે- સુપર ટ્યૂસડે. જેમાં આજે 15 રાજ્યોમાં વોટિંગ થયું.
ન્યૂયોર્ક ટાઇમ્સ પ્રમાણે રિપબ્લિકન પાર્ટીથી ડોનાલ્ડ ટ્રમ્પે 11 રાજ્યોમાં વિજય પ્રાપ્ત કર્યો છે. ત્યાં જ, ડેમોક્રેટિક પાર્ટીથી બાઈડન 14 રાજ્યોમાં જીત્યા છે.
બાઈડન રિપબ્લિકન પાર્ટી તરફથી રાષ્ટ્રપતિ પદના ઉમેદવાર તરીકે ચૂંટાઈ શકે છે. કારણ કે હવે યોજાયેલી ચૂંટણીમાં તેમને ડેમોક્રેટ પાર્ટી તરફથી કોઈ પડકાર જોવા મળ્યો નથી. જોકે, બાઈડનના શારીરિક અને માનસિક સ્વાસ્થ્યને લઈને પ્રશ્નો ઉભા થઈ રહ્યા છે.
આ દરમિયાન એવા સમાચાર આવ્યા હતા કે પૂર્વ રાષ્ટ્રપતિ બરાક ઓબામાની પત્ની મિશેલ ઓબામાને ડેમોક્રેટિક પાર્ટી તરફથી ઉમેદવાર બનાવવામાં આવી શકે છે. જોકે, આજે તેમના કાર્યાલયે સ્પષ્ટ કર્યું છે કે તેઓ ચૂંટણી નહીં લડે.
સુપર ટ્યુસડે સમજો…
અમેરિકામાં નવેમ્બર 2024માં પ્રેસિડેન્શિયલ ઇલેક્શન એટલે રાષ્ટ્રપતિ ચૂંટણી થવાની છે. તેના પહેલાં બે મુખ્ય પાર્ટી (ડેમોક્રેટિક અને રિપબ્લિકન) પોત-પોતાના ઉમેદવારોને પસંદ કરી રહી છે. જેના માટે વિવિધ રાજ્યોમાં વોટિંગ થઈ રહી છે.
સંવૈધાનિક રીતે સુપર ટ્યૂસડે શબ્દનો કોઈ અર્થ નથી, પરંતુ તમે એવું કહી શકો છો કે આ દિવસે એકસાથે અનેક રાજ્યોમાં પ્રાઇમરી વોટિંગ થાય છે. આ ચૂંટણીથી અંદાજ લગાવી શકાય છે કે કઇ પાર્ટી નવેમ્બરમાં થનારી ચૂંટણીમાં પાર્ટીના પ્રેસિડેન્શિયલ કેન્ડિડેટ થશે.
સુપર ટ્યૂઝડેના પરિણામ…
અત્યાર સુધી 24 રાજ્યોમાં પ્રાથમિક ચૂંટણી યોજાઈ હતી, જેમાં હેલી 2 જગ્યાએથી જીતી
અત્યાર સુધીમાં 24 રાજ્યોમાં પ્રાથમિક ચૂંટણીઓ થઈ ચૂકી છે. રિપબ્લિકન પાર્ટીમાંથી ટ્રમ્પ સામે ચૂંટણી લડી રહેલી નિક્કી હેલીએ વર્મોન્ટ અને વોશિંગ્ટન એમ બે જગ્યાએથી જીત મેળવી છે. અમેરિકન મીડિયા અનુસાર, હેલીને વર્મોન્ટમાં 92% વોટ મળ્યા છે.
તો વોશિંગ્ટનમાં તેમને 63% અને ટ્રમ્પને 33% મત મળ્યા. આ સાથે નિક્કી હેલી રિપબ્લિકન પ્રાઈમરી જીતનારી અમેરિકન ઈતિહાસની પ્રથમ મહિલા બની ગઈ છે. ટ્રમ્પ 2016માં વોશિંગ્ટનમાંથી પ્રાથમિક ચૂંટણી પણ હારી ગયા હતા.
હેલીએ સુપર ટ્યુઝડેના દિવસે વર્મોન્ટ રાજ્યમાં વોટિંગમાં ટ્રમ્પને હરાવ્યા હતા.
કોકસ અને પ્રાથમિક ચૂંટણી વચ્ચે શું તફાવત છે?
- રિપબ્લિકન પાર્ટી તરફથી પ્રથમ કોકસ આયોવા રાજ્યમાં યોજાઈ હતી. વાસ્તવમાં પ્રાથમિક ચૂંટણી રાજ્ય સરકાર દ્વારા કરાવવામાં આવે છે. કોકસ પાર્ટીની પોતાની ઇવેન્ટ છે. પ્રાથમિક ચૂંટણી સામાન્ય ચૂંટણી જેવી જ મતદાન પ્રક્રિયાને અનુસરે છે. આ સમયગાળા દરમિયાન એક પક્ષનો કાર્યકર અન્ય પક્ષની ચૂંટણીમાં પણ મતદાન કરી શકે છે.
- કોકસમાં રૂમ અથવા હોલમાં બેસીને પક્ષના પ્રતિનિધિઓ હાથ ઊંચો કરીને અથવા કાપલી નાખીને મતદાન કરી શકે છે. પક્ષની એક ટીમ નિરીક્ષક તરીકે કામ કરે છે.
