- Gujarati News
- International
- USA Media On PM Narendra Modi | PM Modi US Visit | President Donald Trump | Immigrant Deportation | Tarrif
5 મિનિટ પેહલા
- કૉપી લિંક
ભારતના વડાપ્રધાન નરેન્દ્ર મોદી આજે 13 ફેબ્રુઆરીએ અમેરિકાની રાજધાની વોશિંગ્ટન ડીસીમાં રાષ્ટ્રપતિ ડોનાલ્ડ ટ્રમ્પને મળશે. ડોનાલ્ડ ટ્રમ્પના બીજા કાર્યકાળ દરમિયાન PM નરેન્દ્ર મોદીની આ પહેલી મુલાકાત હશે. બંને નેતાઓ વચ્ચેની આ મુલાકાતને ઘણી રીતે મહત્વપૂર્ણ માનવામાં આવી રહી છે. પીએમ મોદી અને ટ્રમ્પ વચ્ચેની આ મુલાકાત ભારત-અમેરિકા વ્યૂહાત્મક સંબંધોને મજબૂત બનાવવા પર ધ્યાન કેન્દ્રિત કરી શકે છે, ખાસ કરીને વેપાર, સંરક્ષણ અને ઉર્જા સહયોગ જેવા ક્ષેત્રોમાં.
જો સૂત્રોનું માનીએ તો, બંને દેશો વચ્ચે એક મોટો સંરક્ષણ કરાર પણ થઈ શકે છે. પીએમ નરેન્દ્ર મોદી અને રાષ્ટ્રપતિ ડોનાલ્ડ ટ્રમ્પ વચ્ચેની મુલાકાતને લઈને અમેરિકન મીડિયામાં પણ વિવિધ પ્રકારની ચર્ચાઓ ચાલી રહી છે. એક અગ્રણી અમેરિકન અખબારે ડોનાલ્ડ ટ્રમ્પ અને નરેન્દ્ર મોદીને મજબૂત નેતાઓ ગણાવ્યા છે અને કહ્યું છે કે બંને નેતાઓ વિદેશ નીતિમાં ખૂબ સારા છે.
ન્યૂયોર્ક ટાઇમ્સ અમેરિકન ન્યૂઝ પેપર ન્યૂયોર્ક ટાઈમ્સે તેના એક આર્ટિકલમાં જણાવ્યું હતું કે, વોશિંગ્ટન જવાની તૈયારી કરતી વખતે, ભારતીય વડાપ્રધાન નરેન્દ્ર મોદીએ રાષ્ટ્રપતિ ડોનાલ્ડ ટ્રમ્પના પહેલા કાર્યકાળની જેમ સંબંધોને આગળ વધારવાની વાત કરી હતી. પરંતુ ટ્રમ્પ એક એવા મિત્ર છે જેના વિશે ચોક્કસ કંઈ કહી શકાય નહીં. આ મુલાકાત દરમિયાન બંને નેતાઓ વચ્ચે વેપાર વધારવા અંગે વાતચીત થઈ શકે છે. પીએમ મોદી વિદેશી બાઇકો પર ટેરિફ ઘટાડવાના ભારત સરકારના નિર્ણય અંગે પણ ચર્ચા કરી શકે છે. ભારત સાથે વેપાર ખાધ અથવા ઊંચા ટેરિફ અંગે ટ્રમ્પની બળતરાને શાંત કરવા માટે મોદી આ કરી શકે છે.
ન્યૂયોર્ક ટાઈમ્સનો આર્ટિકલ
આ આર્ટિકલમાં વધુમાં જણાવાયું છે કે ગેરકાયદેસર સ્થળાંતર પહેલાથી જ તણાવનો મુદ્દો છે. ભારત સરકારે સ્પષ્ટ કર્યું છે કે તે ગેરકાયદેસર ઇમિગ્રન્ટ્સને પાછા મોકલવાના મામલે યુએસ સરકારને સહયોગ કરશે. જોકે, ટ્રમ્પ દ્વારા ઇમિગ્રન્ટ્સને પાછા મોકલવાથી ભારત સરકાર માટે ચોક્કસપણે માથાનો દુખાવો થયો છે. મોદીની અમેરિકા મુલાકાત પહેલા, જ્યારે ડિપોર્ટ કરનારાઓને યુએસ લશ્કરી વિમાનોમાં હાથ-પગ બાંધીને પાછા મોકલવામાં આવ્યા ત્યારે ભારતમાં રાજકીય ખળભળાટ મચી ગયો હતો.
જોકે, ભારત સારી રીતે જાણે છે કે ટ્રમ્પ અમેરિકાથી વેપાર અને ગેરકાયદેસર ઇમિગ્રન્ટ્સના મુદ્દાઓ પર કડક છે. આવા મુદ્દાઓ અંગે, ટ્રમ્પે વારંવાર તેમના નજીકના સહાયકોને પ્રતિબંધો અને ઊંચા ટેરિફ લાદવાની ચેતવણી આપી છે. જોકે, અત્યાર સુધી ટ્રમ્પે આવા મામલામાં ભારત પ્રત્યે કોઈ કડક વલણ દાખવ્યું નથી.
લેખમાં આગળ કહેવામાં આવ્યું છે કે ટ્રમ્પ અને મોદી વચ્ચે ઘણી સમાનતાઓ છે. બંને વિદેશ નીતિ પ્રત્યે વ્યવહારિક અભિગમ ધરાવતા મજબૂત નેતાઓ છે. મોદી જાણે છે કે અમેરિકા સાથે સંબંધો બનાવીને ભારતને કેવી રીતે ફાયદો થઈ શકે છે.
ભારત-અમેરિકાના સંબંધોને યુએસ હાઉસના નેતાઓનું પણ સમર્થન છે. તેમનું માનવું છે કે ચીનના પ્રભાવને ઘટાડવા માટે ભારત ખૂબ જ મહત્વપૂર્ણ છે.
વોઇસ ઑફ અમેરિકા અમેરિકન રેડિયો ચેનલ વોઇસ ઓફ અમેરિકાની ન્યૂઝ વેબસાઇટ પર પ્રકાશિત એક લેખમાં કહેવામાં આવ્યું છે કે બંને દેશો માટે વેપાર મહત્વપૂર્ણ છે. ટ્રમ્પે વારંવાર ઊંચા ટેરિફ લાદવા બદલ ભારતની ટીકા કરી છે. આવી સ્થિતિમાં, મોદીની આ મુલાકાત બતાવી શકે છે કે ભારત ટ્રમ્પ સાથે દરેક મુદ્દા પર વાત કરવા તૈયાર છે. ભારત અમેરિકા સાથે વેપાર સંબંધિત તણાવ ઇચ્છતું નથી. આ કારણોસર, ફેબ્રુઆરીની શરૂઆતમાં પણ ભારતે ઘણી વિદેશી ચીજવસ્તુઓ પર આયાત ડ્યુટી ઘટાડવાની જાહેરાત કરી હતી.
લેખમાં નિષ્ણાતોને ટાંકીને કહેવામાં આવ્યું છે કે ભારત માને છે કે તે પહેલું પગલું ભરશે અને વેપાર સમસ્યાઓનો ઉકેલ લાવવાનો પ્રયાસ કરશે. પરંતુ ટ્રમ્પ પણ એક અનુભવી ખેલાડી છે અને તેઓ શક્ય તેટલું તેમના હિતોની સેવા કરવાનો પ્રયાસ કરશે. જોકે, ભારત વાટાઘાટોમાં પણ સારું છે, તેથી બંને દેશો પોતાના ફાયદાઓને ધ્યાનમાં રાખીને વાટાઘાટો કરશે.
વોઇસ ઑફ અમેરિકાનો આર્ટિકલ.
લેખમાં અન્ય એક એક્સપર્ટને ટાંકીને કહેવામાં આવ્યું છે કે અમેરિકા ચોક્કસપણે ચિંતિત છે કે ભારત તેની પાસેથી શસ્ત્ર ખરીદી ઘટાડી શકે છે. તેથી તે ભારત પર વધુને વધુ શસ્ત્રો ખરીદવા માટે દબાણ કરશે. તે જ સમયે, ગેરકાયદેસર ઇમિગ્રેન્ટ્સને પણ બંને દેશો વચ્ચે ચિંતાનો વિષય છે.
જોકે, ભારતે આ મામલે અમેરિકાના સહયોગ વિશે વાત કરી. બીજી તરફ, લેખમાં કહેવામાં આવ્યું છે કે બંને દેશોને ચીનનો વધતો પ્રભાવ પસંદ નથી. તેથી, બંને દેશો ચીનને તેની સરહદોમાં સીમિત રાખવા માટે એકબીજા સાથે જોડાયેલા રહી શકે છે.
વોલ સ્ટ્રીટ જનરલ ઇંગ્લિશ અખબાર વોલ સ્ટ્રીટ જર્નલે પીએમ નરેન્દ્ર મોદી અને યુએસ રાષ્ટ્રપતિ ડોનાલ્ડ ટ્રમ્પની મુલાકાત પહેલા એક લેખ પ્રકાશિત કર્યો છે, જેનું શીર્ષક છે, “ટ્રમ્પ ભારતને ટેરિફ કિંગ કહે છે અને મોદી આ બિરુદ ટાળવા માગે છે.”
વોલ સ્ટ્રીટ જર્નલના લેખમાં કહેવામાં આવ્યું છે કે ભારત અન્ય દેશોમાંથી જે પણ માલ ખરીદે છે તેના પર સરેરાશ 14 ટકા ટેરિફ લાદવામાં આવે છે. ભારતની તુલનામાં, ચીન સરેરાશ 6.5 ટકા ટેરિફ લાદે છે જ્યારે કેનેડા ફક્ત 1.8 ટકા ટેરિફ લાદે છે. આવી સ્થિતિમાં, ભારત ટેરિફ અંગે ટ્રમ્પની ઠગ નીતિનું નિશાન સરળતાથી બની શકે છે. ટ્રમ્પના મતે, અમેરિકન માલ પર ટેરિફ લગાવનારા તમામ દેશોમાં ભારત સૌથી વધુ ટેરિફ લગાવે છે.
આ જ કારણ છે કે અમેરિકાના રાષ્ટ્રપતિ ડોનાલ્ડ ટ્રમ્પ ભારતને ‘ટેરિફ કિંગ’ કહે છે. હવે પીએમ નરેન્દ્ર મોદી તેમની યુએસ મુલાકાત દરમિયાન રાષ્ટ્રપતિ ડોનાલ્ડ ટ્રમ્પને મળ્યા પછી ટેરિફ કિંગ જેવા બિરુદથી છૂટકારો મેળવવા માગે છે.
વોલ સ્ટ્રીટ જર્નલનો આર્ટિકલ.
