રિટાયરમેન્ટ સમયે 5 કરોડનું ફંડ!: SIPમાં રોકાણ કરીને થઈ જાઓ માલામાલ, આ રણનીતિ આવશે કામ

કોઈ એક દિવસમાં કરોડપતિ નથી બની શકાતું અને ન તો કોઈ ચમત્કારિક યોજના માણસને આટલા પૈસા આપી શકે છે. દરેક વ્યક્તિ ઈચ્છે છે કે ભલે તે તેના કામકાજના જીવનમાં કરોડપતિ ન બની શકે, પરંતુ તેણે નિવૃત્તિના સમય સુધીમાં કરોડો રૂપિયાનું ફંડ ચોક્કસપણે એકઠું કરી લેવું જોઈએ, જેથી તે બાકીનું જીવન આરામથી પસાર કરી શકે. છેવટે વ્યક્તિ જીવનભર પૈસા માટે કામ કરી શકતી નથી. મોટું ભંડોળ ઊભું કરવાની એક રીત છે સિસ્ટમેટિક ઇન્વેસ્ટમેન્ટ પ્લાન (SIP).

આજે, તમે ‘મની પ્લાન્ટના નિષ્ણાતો પાસેથી જાણશો કે નિવૃત્તિ સુધી 5 કરોડ રૂપિયાનું ભંડોળ કેવી રીતે એકઠું કરવું. તમને એ પણ ખબર હશે કે-

-SIPમાં રોકાણ કરવું કેટલું ફાયદાકારક છે?

– SIPમાં વય પ્રમાણે કેટલું રોકાણ કરવું જોઈએ, જેથી કરીને નિવૃત્તિ સુધીમાં 5 કરોડ રૂપિયાનું ફંડ તૈયાર થઈ જાય?

-25 વર્ષ, 30 વર્ષ, 35 વર્ષ અને 40 વર્ષની ઉંમરે SIPમાં કેટલું રોકાણ કરવું?

તો ચાલો… શક્ય તેટલી વહેલી તકે SIPમાં રોકાણ કરવાનું શરૂ કરીએ. કારણ કે જો તમે એક વર્ષ માટે પણ રોકાણમાં વિલંબ કરશો તો તે તમારા વળતરને પણ અસર કરશે. અને જો તમે એને યોગ્ય સમયે શરૂ કરશો તો તમને તેના સંયોજનનો લાભ મળશે.

SIPમાં રોકાણ શરૂ કરવા માટે 25 વર્ષની ઉંમરથી રૂ. 5 કરોડનું ફંડ
નાણાકીય નિષ્ણાત જિતેન્દ્ર સોલંકીના જણાવ્યા અનુસાર, જો તમે 25 વર્ષની ઉંમરથી SIPમાં રોકાણ કરવાનું શરૂ કરો છો, તો તમે તમારી નિવૃત્તિની ઉંમર એટલે કે 60 વર્ષની ઉંમર સુધી પહોંચો ત્યાં સુધીમાં તમે 5 કરોડ રૂપિયાથી વધુનું ફંડ બનાવી શકો છો. જોકે કોઈપણ વળતર બજારનાં જોખમોને આધીન છે.

30 વર્ષની ઉંમરે દર મહિને આટલું રોકાણ કરવું પડશે
જો તમે 30 કે 35 વર્ષના છો તો SIPમાં તમારું માસિક રોકાણ વધશે. ઉદાહરણ તરીકે, 30 વર્ષની ઉંમરથી SIPમાં રોકાણનું ગણિત આ રીતે સમજો-

જો તમારી ઉંમર 35 વર્ષની છે તો રિટાયરમેન્ટ સુધી 5 કરોડ રૂપિયાનું ફંડ આ રીતે બનાવો
જો તમારી ઉંમર 35 વર્ષની છે, તો રિટાયરમેન્ટ સુધી 5 કરોડ રૂપિયાનું ફંડ બનાવવા માટે તમારે SIPમાં દર મહિને 27 હજાર રૂપિયાનું રોકાણ કરવું પડશે.

વળતરનું ગણિત આ રીતે સમજો

જો તમારી ઉંમર 40 વર્ષની છે તો 5 કરોડ રૂપિયાનું ફંડ મેળવવા માટે SIPમાં કેટલું રોકાણ કરવું પડશે?
જો તમે 40 વર્ષની ઉંમરથી SIPમાં રોકાણ કરો છો, તો પછી નિવૃત્તિ સુધી એટલે કે 20 વર્ષ સુધી તમારે SIPમાં કોઈપણ સ્ટોપ વિના દર મહિને 33 હજાર રૂપિયાનું રોકાણ કરવું પડશે. જો આ સમયગાળા દરમિયાન તમને 15% નો અંદાજિત વળતર દર મળી રહ્યો છે, તો એના પર વળતર મેળવવાનું ગણિત આ રીતે સમજો-

નાણાકીય નિષ્ણાત જિતેન્દ્ર સોલંકીના જણાવ્યા અનુસાર, SIP દ્વારા તમે મ્યુચ્યુઅલ ફંડ માર્કેટમાં રોકાણ કરો છો, જે બજાર સાથે જોડાયેલું છે. મ્યુચ્યુઅલ ફંડ્સ શેરબજાર સાથે જોડાયેલા હોવાથી તમને તમારા પૈસા પર ઓછું વળતર મળી શકે છે, પરંતુ મ્યુચ્યુઅલ ફંડનું સંચાલન લાયક ફંડ મેનેજર દ્વારા કરવામાં આવે છે, તેથી તમારા પૈસા ગુમાવવાનું જોખમ ઘણું ઓછું છે અને લાંબા ગાળે SIP દ્વારા રોકાણ કરવાથી નાણાં ગુમાવવાનું જોખમ વધુ ઘટી જાય છે.

સૌથી સુરક્ષિત ઈન્ડેક્સ ફંડમાં નાણાંનું રોકાણ કરો
એસઆઈપીમાં ઘણા પ્રકારનાં ફંડ છે, જેમાંથી ઈન્ડેક્સ ફંડને સૌથી સુરક્ષિત ગણવામાં આવે છે. તેમાં ફક્ત એ જ શેરોનો સમાવેશ થાય છે, જે નિફ્ટી-50માં લિસ્ટેડ છે. જે શેરો SEBI દ્વારા નિર્ધારિત નિયમોનું પાલન કરે છે અને રોકાણકારોને સારું વળતર આપવાની ક્ષમતા ધરાવે છે, તો એનો સમાવેશ નિફ્ટી-50 ઇન્ડેક્સની યાદીમાં થાય છે. આવો જ એક ઇન્ડેક્સ BSE-30 છે, જેમાં 30 શેરનો સમાવેશ થાય છે અને નિફ્ટી-50માં 50 શેર લિસ્ટેડ છે.

SIP વલણ, વધુ જોખમ નથી
વાસ્તવમાં SIP તેની સુગમતા, લાંબા ગાળાના લાભો અને નિયમિત બચતને કારણે સામાન્ય માણસ માટે યોગ્ય છે. એનું વળતર તમે કયું મ્યુચ્યુઅલ ફંડ પસંદ કર્યું છે એના પર નિર્ભર છે. SIPમાં વળતર FDની જેમ ગેરંટી નથી, પરંતુ છેલ્લાં 10 વર્ષનો ટ્રેન્ડ દર્શાવે છે કે તે ઉચ્ચ જોખમ ધરાવતું રોકાણ નથી.

નાની ઉંમરથી જ રોકાણ કરવાનું શરૂ કરો
જો તમે ઝડપથી પૈસા કમાવવા માગો છો, તો તમારે નાની ઉંમરથી જ રોકાણ કરવાનું શરૂ કરી દેવું જોઈએ, જેથી તમને લાંબા ગાળે સારું વળતર મળી શકે, કારણ કે પૈસામાંથી પૈસા કમાવવા માટે, તમારે ચક્રવૃદ્ધિની શક્તિને સમજવી પડશે, જેના કારણે તમારે સમય સાથે રોકાણનાં નાણાંમાં વધારો કરવો પડશે.

રોકાણ નિયમિત અને સમયસર કરવું જોઈએ
SIP હોય કે બીજું કંઈપણ, રોકાણ માટે સૌથી મહત્ત્વની બાબત એ છે કે શિસ્તબદ્ધ અને નિયમિત હોવું. એટલે કે તમારે દર મહિને એક નિશ્ચિત સમયે એક નિશ્ચિત રકમનું રોકાણ કરવું પડશે, જેના માટે તમારે બચત યોજના બનાવવી જોઈએ.

બજાર જોઈને રોકાણ કરવું યોગ્ય નથી
બજાર સારું કામ કરી રહ્યું છે એટલા માટે ક્યારેય રોકાણ ન કરો, કારણ કે મ્યુચ્યુઅલ ફંડ અથવા અન્ય કોઈપણ રોકાણ મોટા ભાગે બજારનાં જોખમને આધીન હોય છે. કેટલાક લોકો માર્કેટ મંદ પડતાં જ પૈસા ઉપાડવાનું શરૂ કરી દે છે, જેના કારણે તેમને નુકસાન થઈ શકે છે. આવી સ્થિતિમાં ટૂંકા ગાળાનું રોકાણ નુકસાન આપે છે. જો તમે આ રોકાણ લાંબા ગાળા માટે કરશો તો તમને સારું વળતર મળશે.

પગાર વધે એમ તમારી SIP રકમ વધારો
જેમ-જેમ તમારી આવક વધે છે એમ એમ તમારે રોકાણની રકમ વધારવી જોઈએ, જેથી તમે રોકાણનો મહત્તમ લાભ મેળવી શકો.

વૈવિધ્યસભર પોર્ટફોલિયો રાખો
એક રોકાણકાર તરીકે તમારે ક્યારેય એક જગ્યાએ નાણાંનું રોકાણ ન કરવું જોઈએ. આવી સ્થિતિમાં તમારે સોના-ચાંદી, ઇક્વિટી, ડેટ ફંડ, રિયલ એસ્ટેટ અને મ્યુચ્યુઅલ ફંડમાં રોકાણ કરવું જોઈએ. આનો અર્થ એ થશે કે જો કોઈ સેક્ટર મંદીનો સામનો કરી રહ્યું છે તો અન્ય સેક્ટર તમારી સંભાળ લેશે.

યોગ્ય સમયે યોગ્ય જગ્યાએ પૈસાનું રોકાણ કરવું જરૂરી
તમારે તમારા પૈસા યોગ્ય સમયે યોગ્ય જગ્યાએ રોકાણ કરવું જોઈએ. નાણાંનું રોકાણ કરતાં પહેલાં વ્યક્તિએ જે સેક્ટરમાં રોકાણ કરવું હોય એનો ઇતિહાસ અને વર્તમાન બંને જોવું જોઈએ. તમારે એ પણ ધ્યાનમાં લેવું જોઈએ કે તમારે ક્યારે પૈસાનું રોકાણ કરવું જોઈએ.