પોષક તત્વોનો ભંડાર કેળાં આપશે ઈન્સ્ટન્ટ એનર્જી: દરરોજ એક કેળું ખાવાથી હાડકાં મજબૂત બનશે અને હૃદયના સ્વાસ્થ્યમાં સુધારો થશે

જો તમને સ્પોર્ટ્સમાં રસ હોય, તો તમે જોયું જ હશે કે ખેલાડીઓ ઘણીવાર એનર્જી માટે કેળા ખાતા હોય છે. તેની પાછળનું કારણ એ છે કે, કેળાં સારા એનર્જી બૂસ્ટરોમાંના એક છે, જે તરત ઉર્જા આપે છે. સ્વાદમાં મીઠું અને સ્વાસ્થ્ય માટે ફાયદાકારક આ ફળ બાળકોથી લઈને વૃદ્ધો સુધીના બધાનું મનપસંદ હોય છે.

લગભગ 10 હજાર વર્ષ પહેલાં દક્ષિણ-પૂર્વ એશિયાના જંગલોમાં સૌપ્રથમ કેળાં ઉગાડવામાં આવ્યા હતા. શરૂઆતમાં કેળાંનું કદ નાનું હતું, પરંતુ સમય જતાં તેની ખેતી થવા લાગી અને તેનું સ્વરૂપ બદલાતું રહ્યું. હવે તે વિશ્વમાં સૌથી વધુ ખાવામાં આવતા ફળોમાંનું એક છે. ખાસ વાત એ છે કે, કેળા એ મોસમી ફળ નથી, તે આખા વર્ષ દરમિયાન ઉગે છે.

કેળાં ખાવાથી પાચનક્રિયા સુધરે છે, તે હૃદયના સ્વાસ્થ્ય માટે ફાયદાકારક છે અને વજન નિયંત્રણમાં રાખવામાં પણ મદદ કરે છે. ઉપરાંત તે બ્લડ પ્રેશરને નિયંત્રિત કરવામાં અને હાડકાંને મજબૂત રાખવામાં પણ મદદરૂપ છે.

આજે ‘તબિયતપાણી‘માં આપણે કેળાં વિશે માહિતી મેળવીશું. સાથે એ પણ જાણીશું કે-

કેળાંનું પોષણ મૂલ્ય શું છે?

તેમાં કયા વિટામિન અને મિનરલ હોય છે?

કોણે કેળું ન ખાવું જોઈએ?

પોષણથી ભરપૂર કેળાં એક સુપરફૂડ

કેળા એક ઓછી કેલરી અને ઉચ્ચ પોષણ ધરાવતું ફળ છે. તેમાં પોટેશિયમ અને ફાઇબર ભરપૂર માત્રામાં હોય છે. જો કોઈ ખૂબ થાકેલું હોય અથવા બ્લડ પ્રેશર લો હોય તો કેળું ફાયદાકારક સાબિત થશે. જો સ્નાયુઓમાં નબળાઈ લાગતી હોય તો દરરોજ એક કેળું ખાવું જોઈએ.

કેળાંનું પોષણ મૂલ્ય

જો કેળું પાકેલું હોય તો તેમાં નેચરલ શુગરનું પ્રમાણ વધુ હોય છે. આ નેચરલ શુગર તાત્કાલિક ઉર્જા આપે છે. 100 ગ્રામ કેળામાં આશરે 89 કેલરી હોય છે. કેળાંમાં હાજર નેચરલ શુગર અને કાર્બોહાઇડ્રેટ્સ શરીરને તાત્કાલિક ઉર્જા આપે છે. તેનું સંપૂર્ણ પોષણ મૂલ્ય ગ્રાફિકમાં જુઓ-

કેળું કમ્પ્લીટ એનર્જી ફૂડ છે

ડૉ. અમૃતા મિશ્રા કહે છે કે, કેળું એક કમ્પ્લીટ એનર્જી ફૂડ છે. તેમાં રહેલા વિટામિન્સ અને મિનરલ્સ તેને સુપરફૂડ બનાવે છે. ખાસ કરીને પોટેશિયમ, વિટામિન B6 અને વિટામિન Cની ભરપૂર માત્રા તેને શરીર માટે ખૂબ જ ફાયદાકારક બનાવે છે. કેળાંમાં રહેલા મિનરલ્સ બ્લડ પ્રેશરને નિયંત્રિત રાખવામાં, હાડકાંને મજબૂત બનાવવામાં અને એનર્જી બૂસ્ટ કરવામાં મદદ કરે છે. તેનું સંપૂર્ણ પોષણ મૂલ્ય ગ્રાફિકમાં જુઓ-

વિટામિન્સ-મિનરલ્સથી ભરપૂર કેળાં સ્વાસ્થ્ય માટે ફાયદાકારક

ડૉ. અમૃતા મિશ્રા કહે છે કે, કેળું વિશ્વના શ્રેષ્ઠ નેચરલ એનર્જી ફૂડ્સમાંનું એક છે. તે ફાઇબર, પોટેશિયમ અને વિટામિન B6થી ભરપૂર છે. તે પાચન, હૃદયના સ્વાસ્થ્ય અને સ્નાયુઓની મજબૂતાઈ માટે ફાયદાકારક છે. કેળાંમાં રહેલી નેચરલ શુગર ઈન્સ્ટન્ટ એનર્જી આપે છે અને તેને નાસ્તામાં સામેલ કરવાથી સ્વાસ્થ્ય માટે ફાયદાકારક બની શકે છે. તેના અન્ય ફાયદા શું છે, ગ્રાફિકમાં જુઓ-

કેળાં સંબંધિત કેટલાક સામાન્ય પ્રશ્નો અને જવાબો