33 મિનિટ પેહલા
- કૉપી લિંક
ઉત્તર પ્રદેશની રાજધાની લખનૌમાં, એક યુવાન ઘરે Wi-Fi લગાવવાના નામે સાયબર છેતરપિંડીનો શિકાર બન્યો. હકીકતમાં, યુવકે એરટેલ કંપનીનું વાઇ-ફાઇ ઇન્સ્ટોલ કરાવવા માટે ગૂગલ પર કસ્ટમર કેર નંબર શોધ્યો હતો. આ પછી તેણે ગૂગલ પર જોયેલા નંબર પર ફોન કર્યો.
કથિત કસ્ટમર કેર પ્રતિનિધિએ Wi-Fi કનેક્શનના નામે યુવક પાસેથી સરનામું અને બેંક વિગતો જેવી સંવેદનશીલ માહિતી લીધી અને ફોર્મ ભરવાના નામે OTP પણ લીધો. આ પછી, બે દિવસમાં યુવકના ખાતામાંથી લગભગ 50 હજાર રૂપિયા ઉપાડી લેવામાં આવ્યા.
આજકાલ, Wi-Fi ઇન્સ્ટોલ કરવાના નામે છેતરપિંડીની ઘટનાઓ ખૂબ સામાન્ય બની ગઈ છે. સાયબર ગુનેગારો લોકોને અલગ અલગ રીતે ફસાવવાનો અને તેમની પાસેથી પૈસા પડાવવાનો પ્રયાસ કરે છે. આવા કૌભાંડો પ્રત્યે સાવધ અને સતર્ક રહેવાની જરૂર છે.
તો, આજે કામના સમાચારમાં, આપણે ફેક કસ્ટમર કેરને કેવી રીતે ઓળખવી તે વિશે વાત કરીશું. તમે એ પણ જાણશો કે-
- ઘરમાં Wi-Fi ઇન્સ્ટોલ કરાવતી વખતે કઈ સાવચેતી રાખવી જોઈએ?
- Wi-Fi ઇન્સ્ટોલ કરવાની સાચી રીત કઈ છે?
નિષ્ણાત: પવન દુગ્ગલ, સાયબર એક્સપર્ટ, નવી દિલ્હી
પ્રશ્ન- ફેક કસ્ટમર કેર સ્કેમ શું છે? જવાબ: સાયબર એક્સપર્ટ પવન દુગ્ગલ સમજાવે છે કે સ્કેમર્સ લોકોને છેતરવા માટે પ્રતિષ્ઠિત કંપનીઓના નામનો ઉપયોગ કરે છે. તેઓ કસ્ટમર કેર ઓફિસરના નામે ગૂગલ અથવા સોશિયલ મીડિયા સાઇટ્સ પર પોતાના નંબર મૂકે છે.
જ્યારે કોઈ યૂઝર્સ ગૂગલ પર કંપનીના હેલ્પલાઇન નંબરને શોધે છે અને તેના પર કૉલ કરે છે (જે એક જાળમાં ફસાવવા માટેનો નંબર હોય છે), ત્યારે સ્કેમર્સ તેને છેતરે છે અને તેની પાસે બેંક ડિટેલ્સ, OTP અથવા રિમોટ એક્સેસ એપ્લિકેશન ડાઉનલોડ કરવા માટે પૂછે છે. આ રીતે, તેઓ લોકોને પોતાની જાળમાં ફસાવે છે અને કૌભાંડને અંજામ આપે છે.
પ્રશ્ન – નકલી વાઇ-ફાઇ કસ્ટમર કેર ઓફિસરને કેવી રીતે ઓળખી શકાય? જવાબ- આજકાલ ફેક વાઇ-ફાઇ કસ્ટમર કેર સ્કેમ ઝડપથી વધી રહ્યા છે. સાયબર ગુનેગારો જિયો, એરટેલ, બીએસએનએલ અથવા અન્ય ઇન્ટરનેટ સર્વિસ પ્રોવાઇડર્સ (આઈએસપી) ના પ્રતિનિધિ હોવાનો દાવો કરીને લોકોને છેતરે છે. તેઓ નકલી કોલ્સ, નકલી વેબસાઇટ્સ, સોશિયલ મીડિયા અથવા ઇમેઇલ દ્વારા લોકોનો સંપર્ક કરે છે અને તેમને છેતરવાનો પ્રયાસ કરે છે.
જોકે, તમે કેટલાક સંકેતો દ્વારા આ ફેક વાઇ-ફાઇ કસ્ટમર કેરને ઓળખી શકો છો. નીચે આપેલા ગ્રાફિક પરથી આ સમજો-
પ્રશ્ન: ઘરમાં Wi-Fi ઇન્સ્ટોલ કરતી વખતે કઈ બાબતો ધ્યાનમાં રાખવી જોઈએ? જવાબ: જો તમે ઘરે નવું Wi-Fi કનેક્શન ઇન્સ્ટોલ કરાવી રહ્યા છો, તો તમારે ફ્રોડ કસ્ટમર કેર, ફેક એજન્ટો અને ઓનલાઈન કૌભાંડો વિશે ખૂબ સાવધ રહેવાની જરૂર છે.
સાયબર ક્રિમિનલ્સ નકલી ઇન્સ્ટોલેશન, ડિસ્કાઉન્ટ, એડવાન્સ પેમેન્ટ અને અનધિકૃત ઍક્સેસના નામે વપરાશકર્તાઓની વ્યક્તિગત વિગતો મેળવી લે છે. તેથી, ગૂગલ પર સર્ચ કરાયેલા કોઈપણ કસ્ટમર કેર નંબર પર વિશ્વાસ ન કરો.
એજન્ટ કે થર્ડ-પાર્ટીનો સંપર્ક કરવાને બદલે હંમેશા ઇન્ટરનેટ સર્વિસ પ્રોવાઇડરની ઓફિશિયલ વેબસાઇટ પરથી સીધો કસ્ટમર કેર નંબર મેળવો. આ ઉપરાંત, કેટલીક અન્ય સાવચેતીઓ રાખવી પણ મહત્ત્વપૂર્ણ છે. નીચે આપેલા ગ્રાફિક પરથી આ સમજો-
પ્રશ્ન – ઘરે Wi-Fi ઇન્સ્ટોલ કરવાની સાચી રીત કઈ છે? જવાબ- દરેક વિસ્તારમાં અલગ અલગ ઇન્ટરનેટ સર્વિસ પ્રોવાઇડર્સ ઉપલબ્ધ છે. તો સૌ પ્રથમ જુઓ કે તમારા વિસ્તારમાં કયો પ્રોવાઇડર સારો છે. જો તમારા પડોશમાં Wi-Fi કનેક્શન હોય તો તમે તેમની પાસેથી આ વિશે માહિતી મેળવી શકો છો.
આ પછી કસ્ટમર કેર, નેટવર્ક સ્ટેબિલિટી અને પ્લાનની તુલના કરો. તમારી જરૂરિયાત મુજબ હંમેશા Wi-Fi કનેક્શન બુક કરાવો. કનેક્શન બુક કરાવ્યા પછી, ISP ની હેલ્પ ડેસ્ક ટીમ તમને અધિકૃત ટેકનિશિયનનું નામ અને નંબર આપશે.
પ્રશ્ન: ઘરમાં Wi-Fi ઇન્સ્ટોલ કરતી વખતે કઈ બાબતો ધ્યાનમાં રાખવી જોઈએ? જવાબ: ઘણી વખત નકલી ઇન્સ્ટોલર્સ અથવા ફ્રોડ એજન્ટોના કારણે યૂઝર્સ છેતરપિંડીનો ભોગ બને છે. તેથી જો તમે નવું Wi-Fi કનેક્શન બુક કરાવ્યું હોય, તો ઇન્સ્ટોલેશન દરમિયાન કેટલીક સાવચેતીઓ રાખો. જેમ કે-
- કસ્ટમર કેરને અગાઉથી પૂછો કે કયો ટેકનિશિયન આવશે. તેના ID વિશે માહિતી મેળવવાની ખાતરી કરો.
- આ ઉપરાંત, સત્તાવાર નંબર અથવા એપ પરથી ખાતરી કરો કે જે વ્યક્તિ આવ્યો છે તે અધિકૃત ટેકનિશિયન છે કે નહીં.
- ટેકનિશિયન પાસેથી તેમનું આઈડી કાર્ડ માગો અને આઈએસપીના કસ્ટમર કેરને ફોન કરીને ક્રોસ-ચેક કરો.
- હંમેશા ધ્યાનમાં રાખો કે સાચા ટેકનિશિયન ક્યારેય OTP, બેંક વિગતો કે પેમેન્ટની ડિટેલ્સ માગતા નથી.
- જો કોઈ ટેકનિશિયન કહે કે ‘આ એડવાન્સ સિક્યોરિટી ડિપોઝિટ છે’ તો પહેલા તમારી Wi-Fi કંપની સાથે પુષ્ટિ કરો.
- પેમેન્ટની એધકૃત SMS અથવા ઇમેઇલ પુષ્ટિ તપાસો.
- ઇન્સ્ટોલેશન પછી, રાઉટરનો ડિફોલ્ટ પાસવર્ડ તરત જ બદલો અને તેને WPA3 અથવા WPA2 સુરક્ષા પ્રોટોકોલ પર સેટ કરો.
- Wi-Fi સેટિંગ્સના નામે મોબાઇલમાં કોઈપણ બિનસત્તાવાર એપ્લિકેશન ઇન્સ્ટોલ કરશો નહીં.
- જો કોઈ ટેકનિશિયન તમને આવું કરવાનું કહે, તો તાત્કાલિક કસ્ટમર કેરને તેની જાણ કરો.
- ઇન્સ્ટોલેશન પછી, કંપની દ્વારા આપવામાં આવેલ બિલ અથવા રસીદ સુરક્ષિત રીતે રાખો.
જો તમે આ સાવચેતીઓ રાખશો, તો તમે Wi-Fi છેતરપિંડી અથવા કૌભાંડથી બચી શકો છો. તમે સારો ઇન્ટરનેટ અનુભવ પણ મેળવી શકશો.
