ચોમાસા દરમિયાન બાળકોમાં કમળો અને વાયરલ ઇન્ફેક્શન સામાન્ય: વરસાદમાં બાળકોને સ્ટ્રીટ ફૂડ ન ખવડાવો, આ રીતે વધારો રોગપ્રતિકારક શક્તિ

વરસાદની મોસમ ખૂબ જ આહલાદક લાગે છે, નહીં? તે વરસાદના ટીપાં, ઠંડા પવન, ગરમ ચા અને પકોડા આ બધાના કારણે જ વરસાદની મોસમ મોટાભાગના લોકોની પ્રિય હોય છે. જે લોકો વરસાદનો સૌથી વધુ આનંદ લે છે તે બાળકો છે. બાળકોને વરસાદમાં ભીનું થવું, પાણી ભરેલા ખાડામાં છબછબિયાં કરવાં અને કાગળની હોડીઓ ચલાવવી ગમે છે. પરંતુ આ મજા ક્યારેક બાળકો અને તેમના માતા-પિતા માટે સજા સાબિત થઈ શકે છે. તેનું કારણ ચોમાસામાં થતી બીમારીઓ છે.

બાળકો ખૂબ જ સંવેદનશીલ હોય છે અને તેમની રોગપ્રતિકારક શક્તિ પણ નબળી હોય છે. તેથી, તેઓમાં વરસાદની ઋતુ દરમિયાન ચેપનું જોખમ વધુ રહે છે. ચોમાસું દર વર્ષે પોતાની સાથે અનેક બીમારીઓ લઈને આવે છે. ચોમાસાની સિઝનમાં શરદી, તાવ, ઉધરસ, ત્વચા અને વાયરલ ઇન્ફેક્શન સામાન્ય છે. ડોક્ટરોનું કહેવું છે કે, વાઈરલ ઈન્ફેક્શન સૌથી વધુ બાળકોમાં ફેલાય છે. તેથી, બાળકોના સ્વાસ્થ્યનું વધુ ધ્યાન રાખવું જરૂરી છે.

વર્લ્ડ હેલ્થ ઓર્ગેનાઈઝેશન (ડબ્લ્યુએચઓ) અનુસાર, દર વર્ષે ભારતમાં 0.34 કરોડથી વધુ લોકો ચોમાસા દરમિયાન પાણીજન્ય રોગોથી પ્રભાવિત થાય છે અને તેમાં સૌથી વધુ સંખ્યા બાળકો છે. તો આજે ‘ તબિયતપાણી ‘ માં આપણે વરસાદની ઋતુમાં બાળકોમાં થતા ચેપ વિશે વાત કરીશું. તમે એ પણ જાણી શકશો કે-

મોસમી ફેરફારોને કારણે ચેપ લાગી શકે છે
તબીબોનું કહેવું છે કે ઋતુ પરિવર્તનના કારણે બાળકોમાં તાવ, શરદી, શરીરમાં દુખાવો, ઉધરસના કેસ જોવા મળી રહ્યા છે. વરસાદની સિઝનમાં દરરોજ ઓછામાં ઓછા 5 થી 6 કેસ વાયરલ અને ડેન્ગ્યુના 1-3 કેસ નોંધાય છે.

ચોમાસા દરમિયાન વાઇરલ ઇન્ફેક્શન એક સામાન્ય રોગ છે
ચોમાસું કાળઝાળ ગરમીથી તો રાહત આપે છે, પરંતુ ઘણા ચેપનું જોખમ પણ વધારે છે. આ પૈકી, વાયરલ ચેપ એ સૌથી સામાન્ય રોગ છે. વાયરલ તાવ ઘણા કારણોસર થઈ શકે છે. હવામાનમાં ફેરફાર, ગંદા પાણી, ચેપગ્રસ્ત ખોરાક અને પાણી આમાંના કેટલાક કારણો હોઈ શકે છે. પુખ્ત વયના લોકો કરતાં બાળકોમાં વાયરલ ચેપ વધુ ઝડપથી ફેલાય છે.

બાળકોની નબળી રોગપ્રતિકારક શક્તિ ચેપનું કારણ બની શકે છે
બાળકોની રોગપ્રતિકારક શક્તિ પુખ્ત વયના લોકો કરતા નબળી હોય છે. આ કારણે, બાળકો ઝડપથી કોઈપણ ચેપ માટે સંવેદનશીલ બની જાય છે અને બીમાર પડી જાય છે. ચોમાસામાં બેક્ટેરિયા અને વાયરસનું જોખમ વધારે હોય છે. આવી પરિસ્થિતિઓમાં બાળકોને વિવિધ પ્રકારની સમસ્યાઓનો સામનો કરવો પડે છે. તેથી, બાળકોની રોગપ્રતિકારક શક્તિ વધારવા માટે, તમારે તેમના આહાર પર વિશેષ ધ્યાન આપવું જોઈએ.

આની સાથે અન્ય ઘણા કારણો છે જેના કારણે બાળકોને આ ચેપ વહેલો લાગી જાય છે. નીચે ગ્રાફિક જુઓ-

બાળકોને સ્ટ્રીટ ફૂડ ખાવા ન દો
બાળકોને વરસાદમાં ભીનું થવું ગમે છે. પરંતુ લાંબા સમય સુધી વરસાદમાં ભીના રહેવાથી શરદી, ઉધરસ અને ફ્લૂ જેવી સમસ્યાઓ પણ થઈ શકે છે. પાણીમાં ભીના થવાથી તેઓ શરદી અને બીમાર પડી શકે છે. તેથી, જો તમારું બાળક પણ વારંવાર વરસાદમાં ભીનું થાય છે, તો તેને રોકવું જરૂરી છે.

ચોમાસામાં બાળકોની વધારાની કાળજી લેવી પડે છે. તો જાણો વરસાદની મોસમમાં માતા-પિતાએ તેમના બાળકોની કેવી કાળજી લેવી જોઈએ-

બાળકોની રોગપ્રતિકારક શક્તિ મજબૂત ન હોવાથી તેને મજબૂત કરવા માટે તમારે ખાસ કાળજી લેવી જોઈએ. તેમના હેલ્ધી ડાયટથી લઈને તેમની એક્ટિવિટી સુધી તમામ બાબતોનું ધ્યાન રાખો.

ચોમાસા દરમિયાન બાળકોની રોગપ્રતિકારક શક્તિ કેવી રીતે વધારવી તે જાણો નીચેના પોઇન્ટર્સમાં