નવી દિલ્હી26 મિનિટ પેહલા
- કૉપી લિંક
દેશમાં UPI પેમેન્ટ કરનારા મોબાઈલ યુઝર્સ માટે સારા સમાચાર છે કારણ કે હવે તેઓ ગ્લોબલ ટ્રાન્ઝેક્શન પણ કરી શકશે. ભારત ઉપરાંત શ્રીલંકા, મોરેશિયસ, ભૂતાન, ઓમાન, નેપાળ, ફ્રાન્સ અને UAEમાં UPI પેમેન્ટ કરી શકો છો.
NPCI ઇન્ટરનેશનલ પેમેન્ટ્સ લિમિટેડ (NIPL) જે નેશનલ પેમેન્ટ્સ કોર્પોરેશન ઓફ ઇન્ડિયાની આંતરરાષ્ટ્રીય શાખા છે, એ દક્ષિણપૂર્વ એશિયાના 10 દેશોમાં QR-આધારિત UPI પેમેન્ટને સક્ષમ કરવા માટે અન્ય દેશો સાથે કરાર પર હસ્તાક્ષર કર્યા છે. તેમાં મલેશિયા, થાઈલેન્ડ, ફિલિપાઈન્સ, વિયેતનામ, સિંગાપોર, કંબોડિયા, દક્ષિણ કોરિયા, જાપાન, તાઈવાન અને હોંગકોંગનો સમાવેશ થાય છે. ભારત બ્રિટન, ઓસ્ટ્રેલિયા, યુરોપિયન દેશો અને અમેરિકામાં પણ UPI સેવા શરૂ કરવા માટે કામ કરી રહ્યું છે.
સૌથી વધુ લોકપ્રિય પેમેન્ટ સિસ્ટમ
ભારતનું યુનિફાઈડ પેમેન્ટ ઈન્ટરફેસ (UPI) એ દેશમાં સૌથી વધુ લોકપ્રિય ડિજિટલ પેમેન્ટ પદ્ધતિઓ પૈકીની એક છે. તે ઝડપી, અનુકૂળ અને સુરક્ષિત છે, જે યુઝર્સને UPI ID અથવા બેંક એકાઉન્ટ નંબર ધરાવતા કોઈપણને પેમેન્ટ કરવાની મંજૂરી આપે છે. શરૂઆતમાં સ્થાનિક ઉપયોગ માટે શરૂ કરવામાં આવેલી આ સિસ્ટમ દેશમાં પેમેન્ટની પસંદગીની પદ્ધતિ બની ગઈ છે અને હવે વિદેશોમાં પણ તેની માગ વધી રહી છે. વિદેશમાં ભારતીયો માટે પેમેન્ટ સરળ બનાવવા માટે ભારત સરકારે ફ્રાન્સ અને UAE સહિત ઘણા આંતરરાષ્ટ્રીય દેશોમાં UPI પેમેન્ટની સુવિધા ઉપલબ્ધ કરાવી છે. આજે ટેક-અવેમાં આપણે જાણીશું કે કયા દેશોમાં યુપીઆઈ પેમેન્ટ કરી શકાય છે અને આ માટે વિદેશ પ્રવાસ કરનાર વ્યક્તિએ શું કરવું પડશે? તે બિન-નિવાસી ભારતીયો (એનઆરઆઈ) માટે પણ આંતરરાષ્ટ્રીય વ્યવહારો શરૂ કરવા માટે સુલભ છે. એવા દેશોની ગ્રાફિક યાદી જ્યાં હાલમાં UPI પેમેન્ટની સુવિધા ઉપલબ્ધ છે.
જો તમે વિદેશમાં મુસાફરી કરતા હો ત્યારે ભારતનું યુનિફાઈડ પેમેન્ટ ઈન્ટરફેસ (UPI) ઉપલબ્ધ હોય, તો તમે ટ્રાન્ઝેકશ કરવા માટે UPI પેમેન્ટ એપનો ઉપયોગ કરી શકો છો જેમ કે PhonePe, Amazon Pay, Google Pay, Paytm અને અન્ય.
આ એપ્લિકેશનો તમને તમારા UPI ID અથવા લિંક કરેલ બેંક એકાઉન્ટ નંબરનો ઉપયોગ કરીને ડિજિટલ પેમેન્ટ કરવામાં સક્ષમ બનાવશે, જે વિદેશમાં પેમેન્ટ કરવા માટે એક અનુકૂળ અને સુરક્ષિત રીત છે.
નોંધનીય રીતે, અમુક ફી જેમ કે વિનિમય દર, વિદેશી ચલણ દરો અને વધુ હજુ પણ તમારા વ્યવહારો પર લાગુ થશે. ઉપરાંત આ સિસ્ટમ ધીમે ધીમે વિદેશમાં લાગુ કરવામાં આવી રહી છે, તેથી આ સિસ્ટમ બધા સૂચિબદ્ધ દેશોમાં ઉપલબ્ધ ન હોઈ શકે.
યુઝર્સ માટે અર્થ
આનો અર્થ એ છે કે જો તમે કોઈપણ દેશમાં મુસાફરી કરી રહ્યાં હો, તો તમે ભારતીય રૂપિયાને સ્થાનિક ચલણમાં ન બદલવાનું પસંદ કરી શકો છો અને UPI દ્વારા પેમેન્ટ કરવા માટે તમારા ફોનની એપ્લિકેશનનો ઉપયોગ કરી શકો છો.
આંતરરાષ્ટ્રીય મુસાફરી પહેલાં UPI પેમેન્ટ એક્ટિવેશનને સ્ટેપ બાય સ્ટેપ સમજો.
એ નોંધવું જોઇએ કે યુઝર્સ માત્ર UPI ઇન્ટરનેશનલને સપોર્ટ કરતા બેંક ખાતાઓ માટે જ આંતરરાષ્ટ્રીયટ્રાન્ઝેક્શન એક્ટિવ કરી શકે છે.
