કેરી વિટામિન A અને C થી ભરપૂર: દુનિયામાં સૌથી વધુ કેરીનું ઉત્પાદન ભારતમાં થાય છે; જાણો ઉનાળાના આ અમૃતફળના સેવનનાં સ્વાસ્થ્યલાભ અને નુકસાન

ઉનાળાના સુપરફૂડ્સની યાદીમાંથી કેરીનું નામ કેવી રીતે બાકાત રહે? કેરીને ‘ફળોનો રાજા’ કહેવામાં આવે છે. સ્વાદિષ્ટ હોવા ઉપરાંત, તે પોષક તત્ત્વોથી પણ ભરપૂર છે. કેરી વિટામિન એ અને સીનો સારો સ્રોત છે. તેમાં પૂરતા પ્રમાણમાં ફાઇબર હોય છે, જે પાચનમાં મદદ કરે છે.

ભારતમાં કેરીની ખેતી લગભગ 5000 વર્ષ પહેલાં શરૂ થઈ હતી. સંસ્કૃતમાં તેને ‘આમ્ર’ કહેવામાં આવે છે. હિન્દી, મરાઠી, બંગાળી અને મૈથિલીમાં ‘આમ’ શબ્દ ‘આમરા’ પરથી આવ્યો છે. પોર્ટુગીઝોએ તેને ‘માંગા’ કહેતા હતા , જેનાથી યુરોપિયન ભાષાઓમાં ‘મેંગો’ શબ્દનો ઉદય થયો.

ભારત વિશ્વમાં કેરીનો સૌથી મોટો ઉત્પાદક દેશ છે. વિશ્વની 41% કેરી અહીં ઉત્પન થાય છે. કેરી ભારતનું રાષ્ટ્રીય ફળ પણ છે. તે ભારતીયોના પ્રિય ફળોમાંનું એક છે.

તેથી, આજે ‘ ઉનાળાનાં સુપરફૂડ‘ માં આપણે કેરી વિશે વાત કરીશું. તમે એ પણ જાણશો કે-

કેરીનું પોષણ મૂલ્ય

100 ગ્રામ કેરીમાં આશરે 60 કેલરી હોય છે. તેમાં મોટાભાગનું પાણી છે. તેમાં પ્રોટીન, કાર્બોહાઇડ્રેટ્સ અને ફાઇબર પણ હોય છે. તેમાં બીજા કયાં પોષક તત્ત્વો છે, ગ્રાફિકમાં જુઓ-

કેરીમાં મહત્ત્વના અને જરૂરી વિટામિન અને મિનરલ્સ હોય છે

કેરી વિટામિનનો સારો સ્ત્રોત છે. તેમાં પોટેશિયમ અને કોપર જેવા આવશ્યક ખનિજો પણ હોય છે. ગ્રાફિકમાં તેમની સંખ્યા જુઓ-

સ્વાસ્થ્ય માટે ફાયદાકારક કેરી

કેરી ખાવાથી રોગપ્રતિકારક શક્તિ મજબૂત બને છે. તે સ્કિનના સ્વાસ્થ્યને સુધારે છે. તે પાચનતંત્રને સ્વસ્થ રાખે છે. કેરી ખાવાથી તણાવ ઓછો થાય છે અને ડિપ્રેશન જેવી સ્થિતિઓમાંથી બહાર આવવામાં પણ મદદ મળે છે. આનાથી માનસિક સ્વાસ્થ્ય સુધરે છે. તેના બધા ફાયદા ગ્રાફિક્સમાં જુઓ-

વજન નિયંત્રિત કરવામાં મદદરૂપ

કેરીમાં ભરપૂર માત્રામાં ફાઇબર હોય છે, જે પાચનને સરળ બનાવવામાં મદદ કરે છે. ફાઇબર લાંબા સમય સુધી પેટ ભરેલું રાખે છે. આનાથી ભૂખ ઓછી થાય છે અને બિનઆરોગ્યપ્રદ નાસ્તા ખાવાની આદતને નિયંત્રિત કરી શકાય છે. તે ઓછી કેલરીવાળું ફળ છે જે ઉચ્ચ પોષણ પૂરું પાડે છે અને આમ વજન નિયંત્રિત કરવામાં મદદ કરે છે.

વાળ અને સ્કિન માટે ફાયદાકારક

કેરીમાં વિટામિન એ, સી અને ઇ હોય છે, જે સ્કિન અને વાળ માટે અત્યંત મહત્ત્વપૂર્ણ છે. આ એન્ટીઑકિસડન્ટ્સ સ્કિનને સૂર્યપ્રકાશ અને પ્રદુષણથી થતા નુકસાનથી બચાવે છે. સપ્લિમેન્ટરી લેવાને બદલે, કેરી દ્વારા કુદરતી રીતે વિટામિન અને ઓક્સિડન્ટ્સ મેળવવા ફાયદાકારક છે.

કોલેસ્ટ્રેરોલનું સ્તર ઘટાડે છે

કેરીમાં દ્રાવ્ય ફાઇબર હોય છે, જે શરીરમાં ખરાબ કોલેસ્ટ્રેરોલ (LDL) ઘટાડવામાં મદદ કરે છે. આના કારણે ધમનીઓમાં પ્લેક જમા થતો નથી અને હૃદયનું સ્વાસ્થ્ય પણ સારું રહે છે.

બ્લડ પ્રેશરને નિયંત્રિત કરે છે

કેરી પોટેશિયમનો સારો સ્રોત છે, જે શરીરમાં સોડિયમની અસરને સંતુલિત કરે છે. આ હાઈ બ્લડ પ્રેશરનું જોખમ ઘટાડે છે અને હૃદય સંબંધિત સમસ્યાઓથી બચાવે છે.

કેન્સરનું જોખમ ઘટાડે છે

કેરીમાં બીટા-કેરોટીન ભરપૂર માત્રામાં હોય છે. તેની હાજરીને કારણે, કેરીનો રંગ પીળો અને નારંગી હોય છે. તે એક શક્તિશાળી એન્ટીઑકિસડન્ટ છે, જે શરીરમાં ફ્રી રેડિકલ સામે લડવામાં મદદ કરે છે. હકીકતમાં, ફ્રી રેડિકલ આપણા શરીરના સ્વસ્થ કોષોને નુકસાન પહોંચાડી શકે છે અને કેન્સરનું જોખમ વધારી શકે છે. કેરીમાં રહેલા બધા જ એન્ટીઑકિસડન્ટ શરીરને કેન્સરથી બચાવે છે.

હૃદયના સ્વાસ્થ્યમાં સુધારો કરે છે

કેરી હૃદયને સ્વસ્થ રાખવામાં મદદ કરે છે. તેમાં મેગ્નેશિયમ અને પોટેશિયમ ભરપૂર માત્રામાં હોય છે, જે બ્લડ પ્રેશરને નિયંત્રિત કરવામાં અને સામાન્ય ધબકારા જાળવવામાં મદદ કરે છે. આ ઉપરાંત, કેરીમાં મેંગીફેરિન નામનું એક ખાસ તત્ત્વ જોવા મળે છે, જે હૃદયની બળતરા ઘટાડવામાં મદદ કરી શકે છે.

પાચનતંત્રને મજબૂત બનાવે છે

કેરી ખાવાથી પાચનતંત્ર સારું રહે છે. તેમાં એમીલેઝ એન્ઝાઇમ હોય છે, જે ખોરાકને સરળતાથી પચાવવામાં મદદ કરે છે. આ એન્ઝાઇમ કોમ્પ્લેક્સ સ્ટાર્ચને તોડવામાં મદદ કરે છે. વધુમાં, કેરીમાં હાજર ડાયેટરી ફાઇબર કબજિયાતમાં રાહત આપે છે અને ફાઇબર સપ્લિમેન્ટ્સ કરતાં વધુ અસરકારક હોઈ શકે છે.

કેરી ખાવા સંબંધિત સામાન્ય પ્રશ્નો અને જવાબો