19 મિનિટ પેહલા
- કૉપી લિંક
આપણે આપણા વાળ અને ચહેરાની ખૂબ કાળજી રાખીએ છીએ. ચહેરા પરના ડાઘ કે વાળ ખરે તે આપણાથી બિલકુલ સહન કરી શકતા નથી.
આપણે આ અંગે તુરંત જ ચિંતિત થઈએ છીએ. વાળ અને ચહેરાની જેમ નખની પણ કાળજી લેવી ખૂબ જરૂરી છે. કારણ કે નખ એવા હોય છે જે શરીરમાં થતા ફેરફારો અને સ્વાસ્થ્ય સંબંધી અનેક સમસ્યાઓ આવે તે પહેલા જ સંકેત આપે છે.
નખ પીળા પડવા, તૂટવા, ડ્રાયનેસ અથવા યોગ્ય વિકાસ ન થવાનો અર્થ એ છે કે શરીર સંપૂર્ણપણે સ્વસ્થ નથી.
આજકાલ નખને સાફ કરવા અને તેમને સુંદર દેખાવ આપવા માટે મેનીક્યોર અને પેડિક્યોર જેવી સુવિધાઓ બજારમાં ઉપલબ્ધ છે. નેઇલ કેર પ્રોડક્ટ્સની માગ છેલ્લા કેટલાક વર્ષોમાં ઝડપથી વધી છે. ટ્રાન્સપરન્સી માર્કેટ રિસર્ચ દ્વારા બહાર પાડવામાં આવેલા આંકડા અનુસાર, નેઇલ કેર ઉદ્યોગ 2021માં 91 હજાર 300 કરોડ રૂપિયાનો હતો. જે 2031 સુધીમાં 1.9 લાખ કરોડ રૂપિયા થવાનો અંદાજ છે.
તેથી, આજે કામના સમાચારમાં, આપણે વાત કરીશું કે નખની સફાઈ શા માટે જરૂરી છે? તમે એ પણ શીખી શકશો કે-
- નખ સાફ ન કરવાથી કેવા પ્રકારની સમસ્યાઓ થઈ શકે છે?
- જાતે નખ કેવી રીતે સાફ કરવા?
એક્સપર્ટ : અનુ અગ્રવાલ- ડાયટિશિયન
પ્રીતિ – મેકઅપ આર્ટિસ્ટ, નવી દિલ્હી
પ્રશ્ન- નખની સફાઈ અને કાળજી કેમ જરૂરી છે?
જવાબ- 2021 માં અમેરિકન પોડિયાટ્રિક મેડિકલ એસોસિએશનના જર્નલમાં પ્રકાશિત થયેલા એક અભ્યાસ અનુસાર, નખમાં 32 વિવિધ પ્રકારના બેક્ટેરિયા અને 28 ફૂગ છે. જે ખંજવાળવાથી નાક કે મોંમાં આંગળી નાખવાથી શરીર સુધી પહોંચી શકે છે. જ્યારે આ બેક્ટેરિયા પેટની અંદર પહોંચે છે, ત્યારે ઊલ્ટી, ઝાડા અથવા ઇન્ફેક્શનનું જોખમ વધી જાય છે. તેથી નખની સંભાળ જરૂરી છે. જો નખ સ્વચ્છ હશે તો ઇન્ફેક્શનનું જોખમ ઓછું રહેશે.
નીચે આપેલા ગ્રાફિક પરથી સમજો કે ગંદા નખને કારણે કેવા રોગો થઈ શકે છે.
પ્રશ્ન- હાથ-પગની ગંદકી કેવી રીતે સાફ કરવી?
જવાબ- મજબૂત અને સુંદર નખ માટે તમે નીચે આપેલી કેટલીક પદ્ધતિઓ અપનાવી શકો છો. જેમ કે-
નખ હંમેશા ટૂંકા જ રાખો
નખ હંમેશા નાના રાખો, જેનાથી સફાઈ સરળ બને છે. ઉપરાંત, ટૂંકા નખમાં બેક્ટેરિયા વધવાની શક્યતા ઓછી છે.
લીંબુ વડે હાથ પગ ધોવા
હૂંફાળા પાણીમાં લીંબુ ઉમેરો અને તમારા હાથ અને પગને પાણીમાં રાખો. 5 થી 6 મિનિટ સુધી નખની આસપાસ હળવા હાથે મસાજ કરો. તેનાથી નખની આસપાસ છુપાયેલી ગંદકી દૂર થશે. સાથે જ નખની અંદર છુપાયેલા કીટાણુઓ પણ મરી જશે.
નાળિયેર તેલથી માલિશ કરો
હાથ-પગ ધોયા પછી નાળિયેર તેલથી નખ પર હળવા હાથે માલિશ કરો. માલિશ કરવાથી નખની આસપાસબ્લડ સર્ક્યુલેશન સુધરે છે. જેના કારણે નખ સ્વસ્થ બને છે.
લસણ નખ માટે પણ ફાયદાકારક
લસણ ખાવાના ઘણા ફાયદા છે. લસણ ફંગલ ઇન્ફેક્શનને દૂર કરવામાં પણ મદદરૂપ છે. લસણને લીંબુમાં ભેળવીને થોડીવાર ઘસવાથી નખની ફૂગ દૂર થાય છે.
વિટામિન ઇ કેપ્સ્યુલ્સ લો
નારિયેળના તેલમાં વિટામિન Eની 1 થી 2 કેપ્સ્યુલ મિક્સ કરો. આ કેપ્સ્યુલ્સ કોઈપણ નજીકના મેડિકલ સ્ટોર પર સરળતાથી ઉપલબ્ધ છે. જેનાથી નખમાંથી શુષ્કતા દૂર થશે અને નખમાં ચમક આવશે.
પ્રશ્ન- નખને સ્વસ્થ રાખવા શું ખાવું જોઈએ?
જવાબ- ખોરાકમાં પોષક તત્ત્વોનો અભાવ તમારા નખની વૃદ્ધિ અને મજબૂતાઈને અસર કરી શકે છે. તેથી, તમારા આહારમાં વિટામિન A, C, D અને E સાથે કેલ્શિયમ, આયર્ન, ઝિંક, મેગ્નેશિયમ અને ફાઇબર જેવા પોષક તત્ત્વોથી સમૃદ્ધ ખોરાકનો સમાવેશ કરો. તમારા આહારમાં પ્રોટીન અને બદામનો સમાવેશ કરો જેમ કે તાજા ફળો, લીલા શાકભાજી, આખા અનાજ વગેરે. પૂરતું પાણી પીવાથી તમારા નખ હાઇડ્રેટેડ રહેશે. દિવસમાં ઓછામાં ઓછું આઠ ગ્લાસ પાણી પીવાનો પ્રયાસ કરો. તેનાથી નખ ચમકદાર અને મજબૂત બનશે. ડૉક્ટરની સલાહથી તમે નખના સ્વાસ્થ્ય માટે બાયોટિન સપ્લિમેન્ટ્સ પણ લઈ શકો છો.
નીચેના ગ્રાફિક પરથી સમજો કે કયા પ્રકારનો ખોરાક નખને સ્વસ્થ રાખવામાં મદદરૂપ છે.
પ્રશ્ન- નખ સાફ કરતી વખતે લોકો કઈ ભૂલ કરે છે?
જવાબ- કોઈ પણ પોતાના નખને ઈરાદાપૂર્વક નુકસાન પહોંચાડવા નથી ઈચ્છતું, પરંતુ આપણામાંથી કેટલાક વિચાર્યા વગર કેટલીક એવી ભૂલો કરી રહ્યા છે જે સતત નખને નબળા બનાવે છે.
ચાલો નીચે આપેલા કેટલાક મુદ્દાઓ દ્વારા આ ભૂલોને સમજીએ.
નેટ કટર સાફ કરતા નથી
નખ કાપતા પહેલાં નેઇલ કટરને સારી રીતે સાફ કરી લો. ઉપરાંત, તમારા નેઇલ કટરને ક્યારેય અન્ય લોકો સાથે શેર ન કરો, કારણ કે તેમાં બેક્ટેરિયા ફેલાવવાનું જોખમ રહેલું છે અને ચેપ લાગી શકે છે.
ઘણી વાર બફિંગ
તમારા નખને બફિંગ કરવું એ સારી બાબત છે, પરંતુ વધુ પડતી બફિંગ નખને પાતળા અને નબળા બનાવી શકે છે. બફિંગ કરવાથી નખની ચમક પણ ઓછી થાય છે. તેથી, તમારા નખને વધુ પડતું બફ કરવું યોગ્ય નથી.
પોલિશ કાઢવી
તમારા નખ માટે તમે જે સૌથી ખરાબ વસ્તુઓ કરી શકો તેમાંથી એક તમારી પોલિશ કાઢવી છે. જ્યારે તમે પોલિશને કાઢો છો, ત્યારે તમે તેની સાથે તમારા નખના લેયર કાઢવાનું જોખમ લો છો.
ક્યુટિકલ્સને અવગણશો નહીં
તમારા નખની આસપાસની ત્વચા તમારા ચહેરાની જેટલી જ મહત્ત્વપૂર્ણછે. તંદુરસ્ત મજબૂત નખ રહે તે માટે તેમને ક્યુટિકલ તેલથી હાઇડ્રેટેડ રાખો. આ ઉપરાંત ક્યુટિકલ તેલમાં એન્ટિ-માઇક્રોબાયલ અને એન્ટિ-ઇન્ફ્લેમેટરી હોય છે, જે નખને ફૂગ અને પરુથી બચાવે છે.
કેમિકલવાળી પોલિશનો ઉપયોગ કરવો
ફોર્માલ્ડીહાઈડ, ટોલ્યુએન, ડીપ્રોપીલ ફેથલેટ જેવા કેમિકલ્સ સ્વાસ્થ્ય માટે હાનિકારક છે. આજકાલ નેલ પોલીશ બનાવવામાં આ કેમિકલનો ઉપયોગ કરવામાં આવે છે. લાંબા સમય સુધી સતત તેનો ઉપયોગ કરવાથી એલર્જી અથવા સોજો જેવી સમસ્યાઓ થઈ શકે છે. તેથી, તમારા નખને તે રંગમાં રંગતા પહેલાં નેઇલ પોલિશનું લેબલ કાળજીપૂર્વક વાંચો.
