નવી દિલ્હી7 મિનિટ પેહલા
- કૉપી લિંક
દેશના પહાડી વિસ્તારોમાં વરસાદ અને હિમવર્ષા થોડી ધીમો પડી ગઈ છે. હવામાન વિભાગ (IMD)મુજબ, આજે રાત્રે એક નવું વેસ્ટર્ન ડિસ્ટર્બન્સ એક્ટિવ થશે. તેની અસરને કારણે, 3 માર્ચ પછી વરસાદ અને હિમવર્ષાનો તબક્કો ફરી શરૂ થવાની ધારણા છે.
હિમાચલ પ્રદેશમાં ભૂસ્ખલનને કારણે રસ્તાઓ હજુ પણ બંધ છે. રાજ્યમાં 480 રસ્તા અને 4 નેશનલ હાઈવે હજુ પણ બંધ છે. સ્ટેટ ઇમરજન્સી ઓપરેશન સેન્ટરના જણાવ્યા અનુસાર, શનિવાર સાંજ સુધી 2,000થી વધુ ટ્રાન્સફોર્મર અને 434 પાણી પુરવઠા યોજનાઓ ખોરવાઈ ગઈ હતી.
હિમાચલમાં, કુલ્લુ જિલ્લાના ભુંતરમાં સૌથી વધુ 112 મીમી વરસાદ નોંધાયો હતો. કુલ્લુ જિલ્લાના કોઠીમાં મહત્તમ 15 સેમી હિમવર્ષા થઈ. IMD અનુસાર, 2 માર્ચની રાત સુધી હવામાન સ્વચ્છ રહેવાની ધારણા છે. ૩ માર્ચની સવારથી ભારે વરસાદ અને હિમવર્ષા માટે ઓરેન્જ એલર્ટ જારી કરવામાં આવ્યું છે. 6 માર્ચથી તાપમાન ધીમે ધીમે વધશે.
શનિવારે જમ્મુ-શ્રીનગર રાષ્ટ્રીય ધોરીમાર્ગ ફક્ત નાના વાહનો માટે ખુલ્લો મૂકવામાં આવ્યો હતો. આગામી 2 દિવસમાં પંજાબ, રાજસ્થાન, દિલ્હી સહિત ઉત્તર-પશ્ચિમ રાજ્યોના લઘુત્તમ તાપમાનમાં 3 થી 4 ડિગ્રીનો ઘટાડો થઈ શકે છે. ગોવા અને કોંકણ-કર્ણાટકના દરિયાકાંઠાના વિસ્તારોમાં હવામાન ગરમ રહેશે. કેટલાક વિસ્તારોમાં હીટ વેવ જેવી સ્થિતિ પ્રવર્તી શકે છે.
વિવિધ રાજ્યોના હવામાનની તસવીરો…
જમ્મુ અને કાશ્મીર: ડોડામાં હાલની હિમવર્ષા બાદ ઘાટીમાં વાદળછાયું વાતાવરણ રહ્યું.
જમ્મુ અને કાશ્મીર: ભદ્રવાહ ઘાટીમાં હિમવર્ષા પછી, સમગ્ર વિસ્તારમાં સફેદ ચાદર છવાઈ ગઈ.
જમ્મુ અને કાશ્મીર: અનંતનાગમાં 2-3 ફૂટ જાડા બરફની ચાદર છવાઈ ગઈ છે.
જમ્મુ અને કાશ્મીર: ડોડામાં દરેક ઇમારત અને રસ્તા પર ફક્ત બરફ જ દેખાય છે.
ઉત્તરાખંડ: ઋષિકેશ-બદ્રીનાથ હાઇવે પર ભૂસ્ખલન બાદ રસ્તો બંધ છે.
ઉત્તરાખંડ: ચમોલીમાં હિમવર્ષા બાદ તાપમાનમાં નોંધપાત્ર ઘટાડો થયો છે.
રાજ્યોમાં હવામાનની સ્થિતિ…
મધ્યપ્રદેશ: માર્ચના પહેલા અઠવાડિયામાં વાદળછાયું વાતાવરણ રહેશે, ચોથા અઠવાડિયામાં લુ ફુંકાશે: ઇન્દોર, ગ્વાલિયર-ઉજ્જૈનમાં 3-4 દિવસ હિટવેવ; મુરેનામાં કરા પડ્યા
માર્ચ મહિનામાં મધ્યપ્રદેશમાં તીવ્ર ગરમી, લુ, વાદળો અને હળવો વરસાદ પડશે. પહેલા અઠવાડિયામાં વાદળછાયું વાતાવરણ રહેશે. ચોથા અઠવાડિયામાં હીટવેવ રહેશે. ઇન્દોર, ઉજ્જૈન, ગ્વાલિયર, ચંબલ, સાગર અને રેવા વિભાગોમાં 3 થી 4 દિવસ સુધી લુ ફુંકાઈ શકે છે. 20 માર્ચ પછી કેટલાક જિલ્લાઓમાં હળવો વરસાદ પડવાની પણ શક્યતા છે. શનિવાર-રવિવાર રાત્રે મુરેનામાં વરસાદ સાથે કરા પડ્યા હતા.
