જયપુર8 કલાક પેહલા
- કૉપી લિંક
જયપુરમાં ઘરમાં લાગેલી આગમાં એક પરિવાર જીવતો ભડથું થયો હતો. આ દુર્ઘટનામાં માતા-પિતા સહિત ત્રણ બાળકોનાં મોત થયાં હતાં. ફાયરબ્રિગેડની મદદથી વિશ્વકર્મા પોલીસ સ્ટેશને આગ પર કાબૂ મેળવીને બળેલા મૃતદેહોને બહાર કાઢ્યા હતા. પોલીસે પાંચેય મૃતદેહોને પોસ્ટમોર્ટમ માટે કણવટિયા હોસ્પિટલના શબઘરમાં રાખ્યા છે.
એસએચઓ રાજેન્દ્ર શર્માએ જણાવ્યું કે દુર્ઘટના ગુરુવારે સવારે લગભગ 7.30 વાગ્યે જેસલ્યા ગામમાં બની હતી. આ પછી જ્યારે ટીમ ઘટનાસ્થળે પહોંચી ત્યારે સિલિન્ડરમાં આગ લાગી હતી. પોલીસના જણાવ્યા અનુસાર, સિલિન્ડર અને સ્ટવ રૂમના દરવાજા પાસે રાખવામાં આવ્યાં હતાં, જેથી કોઈ બહાર ન આવી શક્યું. રેગ્યુલેટર પેનલમાંથી આગ નીકળી હતી, જેના કારણે રૂમમાં આગ ફેલાઈ ગઈ હતી અને પરિવાર બળીને ખાખ થઈ ગયો હતો.
રાજેશ (26), પત્ની રૂબી (24), ઇશુ (3), દિલખુશ (2) અને 1 વર્ષના બાળકનું અકસ્માતમાં મોત થયું હતું. શર્માએ જણાવ્યું કે પરિવાર મધુબની (બિહાર)નો છે અને અહીં ભાડે રહેતો હતો. અચાનક લાગેલી આગમાં પાંચેય લોકો લપેટમાં આવી ગયા હતા. આગથી બચવા માટે, બધા રૂમના ખૂણામાં ઘૂસી ગયા અને બેસી ગયા, પરંતુ ભાગી શક્યા નહીં.
પાડોશીઓની માહિતી પર વિશ્વકર્મા પોલીસ સ્ટેશન ઘટના સ્થળે પહોંચી હતી. પોલીસે ફાયર બ્રિગેડની બે ગાડીઓની મદદથી આગને કાબૂમાં લીધી હતી. પોલીસ આગનું કારણ જાણવાનો પ્રયાસ કરી રહી છે. મુખ્યમંત્રીએ દુર્ઘટના પર દુઃખ વ્યક્ત કર્યું છે.
મુખ્યમંત્રીએ દુર્ઘટના પર દુઃખ વ્યક્ત કર્યું
કહેવામાં આવી રહ્યું છે કે ઘરમાં સૌથી પહેલાં સિલિન્ડરમાં આગ લાગી હતી. જીવ ગુમાવનાર તમામ લોકો બિહારના રહેવાસી હતી, જે જયપુરમાં એક ઘરમાં રહેતા હતા. મુખ્યમંત્રીએ દુ:ખ વ્યક્ત કરતા લખ્યું-જયપુરમાં વિશ્વકર્મા ખાતે લાગેલી ભીષણ આગને કારણે 5 નાગરિકોના અકાળે મોતના સમાચાર હૃદયદ્રાવક છે. હું પરમપિતા પરમાત્માને પ્રાર્થના કરું છું કે તેઓ તેમના ચરણોમાં દિવંગત આત્માઓને શાંતિ આપે.
