પટના દિલ્હી49 મિનિટ પેહલા
- કૉપી લિંક
દિલ્હીમાં શુક્રવારે NDAની બેઠક યોજાઈ હતી. જેમાં ભારતના વડાપ્રધાન નરેન્દ્ર મોદીને સંસદ દળના નેતા તરીકે ચૂંટવામાં આવ્યા. આ બેઠક બે કલાકથી વધારે ચાલી હતી. ગઠબંધનના 13 નેતાઓએ ભાષણ આપ્યું હતું, પરંતુ હાલ નીતિશના ભાષણ અને એમના એક વાઇરલ વીડિયોની સૌથી વધારે ચર્ચા થઈ રહી છે. ત્યાંજ ચિરાગ પાસવાન જ્યારે ભાષણ આપી મોદી પાસે પહોંચ્યા તો PM એ એમને ગળે લગાવ્યા હતા.
જોકે નીતિશ ભાષણ આપ્યા પછી જ્યારે મંચ તરફ આવ્યા ત્યારે એમણે PMના પગ સ્પર્શ કરવાની કોશિશ કરી હતી. નીતિશકુમાર જેવા જ પગ સ્પર્શ કરવા ગયા કે તુરંત જ મોદીએ એમના બંને હાથ પકડી લીધી હતા. આ દરમિયાન બંને વચ્ચે વાતચીત થઈ હતી. નીતિશે માથું નમાવીને અભિવાદન કર્યું હતું. આ વીડિયો હાલ સોશિયલ મીડિયા પર વાઇરલ થઈ રહ્યો છે.
3 તસવીરોમાં જુઓ મોમેન્ટ્સ…
ભાષણ પછી નીતિશ મોદી પાસે સ્ટેજ પર પહોંચ્યા અને તેમનો હાથ પકડીને અભિવાદન કર્યું.
નીતિશે સન્માન આપવાનો પ્રયાસ કર્યો અને નીચે ઝૂક્યાં.
મોદીએ બંને હાથથી પકડી લીધા અને બંનેએ એકબીજાને શુભેચ્છા પાઠવી.
નીતિશે કહ્યું- અમે લોકો દરેક રીતે તેમની સાથે રહીશું
- નીતિશ કુમારે કહ્યું, ‘અમારો પક્ષ JDU ભારતના વડાપ્રધાન પદ માટે ભાજપના સંસદીય દળના નેતા નરેન્દ્ર મોદીને સમર્થન કરે છે. તે ખૂબ જ ખુશીની વાત છે કે તેઓ 10 વર્ષથી પીએમ છે અને ફરીથી પીએમ બનવા જઈ રહ્યા છે. તેમણે આખા દેશની સેવા કરી છે અને આશા છે કે તે આગલી વખતે બધું પૂર્ણ કરશે.
- ‘અમે લોકો દરેક રીતે તેમની સાથે રહીશું. અમને લાગે છે કે જેણે અહીં અને ત્યાં જે થોડું જીત્યા છે તે આગલી વખતે આવશે ત્યારે બધા હારી જશે. એ લોકોએ કોઈ કામ કર્યું નથી.
- તમે (મોદી) દેશને આગળ લઈ જશો. ખુશીની વાત છે. તમારી શપથ વિધિ શક્ય તેટલી વહેલી તકે થાય. અમે તો આજે જ ઇચ્છીએ છીએ. જેનો લાભ સમગ્ર દેશને મળશે. અહીં-ત્યાં કરવાનું ઇચ્છે તો તેને કોઈ ફાયદો થવાનો નથી. તમારા નેતૃત્વમાં દરેક વ્યક્તિ ચાલશે.
આ પહેલા નીતિશે દિલ્હીમાં JDUના સંસદીય દળની બેઠક બોલાવી હતી. તમામ ચૂંટાયેલા સાંસદોએ આમાં ભાગ લીધો છે. આ બેઠક લગભગ 1 કલાક સુધી ચાલી હતી.
નીતિશના ભાષણ દરમિયાન સાંસદોએ તાલીઓનો ગડગડાટ કર્યો .
ચિરાગે કહ્યું- મેં એ ઘરમાં દીવો પ્રગટાવ્યો, જ્યાં સદીઓથી અંધકાર હતો
ચિરાગ પાસવાને કહ્યું, ‘હું પીએમ નરેન્દ્ર મોદીને અભિનંદન પાઠવું છું. તમારા કારણે એનડીએને જંગી જીત મળી છે. આ જીત તમારી ઈચ્છા શક્તિને કારણે થઈ છે. આ કોઈ સામાન્ય બાબત નથી. વિસ્તારમાં તમારા નામે જે ઉત્સાહ જોવા મળે છે તે ગર્વની વાત છે. તમારા કારણે જ અમે વિશ્વને જણાવવામાં સફળ થયા છીએ કે અમે વિશ્વની 5મી સૌથી મોટી અર્થવ્યવસ્થા છીએ.
તેમણે વધુમાં કહ્યું કે, ‘મારી પાર્ટી એલજેપી (રામ વિલાસ) વતી રક્ષા મંત્રી રાજનાથ સિંહ તરફથી જે પ્રસ્તાવ આવ્યો છે તેમાં હું NDA સંસદીય દળના નેતા પદ માટે નરેન્દ્ર મોદીના નામનું સમર્થન કરું છું.’ વહેલી સવારે ચિરાગે પોતાના 5 સાંસદો સાથે બેઠક પણ કરી હતી જેમાં ચિરાગને સંસદીય દળના નેતા તરીકે પસંદ કરવામાં આવ્યા છે.
LJP (રામ વિલાસ) પાર્ટીના નેતા ચિરાગ પાસવાન ભાષણ આપી મોદી પાસે પહોંચ્યા ત્યારે PMએ તેમને ગળે લગાવ્યા.
માંઝીએ પણ પીએમ તરીકે મોદીનું સમર્થન કર્યું
NDA સંસદીય દળની બેઠકમાં HAM(S)ના સ્થાપક જીતન રામ માંઝીએ NDA સંસદીય દળના નેતા તરીકે નરેન્દ્ર મોદીને નામાંકિત કરવાના પ્રસ્તાવને સમર્થન આપ્યું હતું. માંઝીએ કહ્યું કે હું મોદીજીના નામનું સમર્થન કરું છું, જે માત્ર ભારતના જ નહીં પરંતુ વિશ્વના પ્રખ્યાત નેતા છે. અમે એ જ પરિવારના છીએ જેમના દશરથ માંઝીએ 24 વર્ષ સુધી હથોડી અને છીણીથી પર્વતને કાપી નાખ્યો. અમે સતત મોદીજી સાથે રહીશું.
જીતનરામ માંઝીએ 5 મિનિટનું ભાષણ આપ્યું હતું.
