- Gujarati News
- National
- A 75 year old Man Sang During An Ongoing Surgery In Chhattisgarh, The Surgeons Operated With A Smile
જાંજગીર-ચાંપા12 મિનિટ પેહલા
- કૉપી લિંક
છત્તીસગઢના જાંજગીર-ચાંપા જિલ્લામાં એક ખાનગી નર્સિંગ હોમમાં હર્નિયાના ઓપરેશન દરમિયાન વૃદ્ધ દર્દી ગંગારામ યાદવ (ઉં.વ.75) ગીત ગાતા જોવા મળ્યા હતા. જ્યારે ડોક્ટરો સર્જરી કરી રહ્યા હતા, ત્યારે ગંગારામ તેમના પ્રેમને યાદ કરીને ગાવાનું શરૂ કરે છે. તે કહે છે કે, ‘મૈં 17 બરસા કા, તૂ 16 બરસ કી… એક-દો બરસ જરા દૂર રહેના’.
ઓપરેશન થિયેટરમાં ગંગારામ યાદવનું ગીત સાંભળીને સર્જરી કરી રહેલા સર્જનો પણ હસતા જોવા મળ્યા હતા. સર્જનોએ પણ વૃદ્ધને પ્રોત્સાહિત કર્યા. સફળ ઓપરેશન બાદ ગંગારામ યાદવને ICUમાં રાખવામાં આવ્યા છે.
ડોક્ટરોએ વૃદ્ધનું સફળ ઓપરેશન કર્યું.
હસૌદના રહેવાસી છે ગંગારામ યાદવ હકીકતમાં, શક્તિ જિલ્લાના હસૌદના રહેવાસી ગંગારામ યાદવ હર્નિયાથી પીડિત હતા. NKH નર્સિંગ હોમમાં સારવાર માટે આવ્યા હતા. તપાસ બાદ ડોક્ટરોએ ઓપરેશનની સલાહ આપી. આ પછી ગંગારામને દાખલ કરવામાં આવ્યા હતા.
જણાવવામાં આવી રહ્યું છે કે, તમામ ટેસ્ટ કર્યા બાદ ગંગારામને ઓપરેશન થિયેટરમાં લઈ જવામાં આવ્યા, જ્યાં પહેલા તેઓ થોડા નર્વસ હતા, પરંતુ વૃદ્ધાએ પોતાની જીંદગી જીવવા માટે હિંમત એકઠી કરી. ડોક્ટરોની સામે નિર્ભયતાથી ઓપરેશન કરાવ્યું.
સર્જનો સાથે સતત વાત કરતા રહ્યા ગંગારામ ઓપરેશન દરમિયાન ગંગારામ યાદવ સર્જનો સાથે વાત પણ કરતા રહ્યા. ડોક્ટર્સ કહે છે કે, આવા ઘણા દર્દીઓ આવે છે જેઓ ઓપરેશનના નામથી ડરી જાય છે, પરંતુ ગંગારામ યાદવે ગીત ગાતા ઓપરેશન કરાવ્યું.
ગંગારામ યાદવે ગીત ગાતા ગાતા ઓપરેશન કરાવ્યું.
જાણો હર્નિયા શું છે? ડોક્ટરોના મતે, હર્નિયા એ એક સામાન્ય સર્જિકલ રોગ છે, જે 25 ટકા પુરુષોને તેમના જીવનના અમુક સમયે થાય છે. સ્ત્રીઓમાં આ જોખમ 3 થી 5% છે. સ્નાયુઓમાં નબળાઈને કારણે ઘણા પ્રકારના હર્નિયા થાય છે. જેના કારણે પેટની અંદરની વસ્તુઓ જેવી કે આંતરડા અને ચરબી બહાર આવવાની સંભાવના રહે છે.
જો હર્નિયાની સારવાર ન કરવામાં આવે, તો આંતરડા તેમાં ફસાઈ શકે છે, જે સર્જિકલ કટોકટી તરફ દોરી જાય છે. આ પ્રકારની કટોકટી અને ગૂંચવણો ટાળવા માટે હર્નિયાનું ઓપરેશન કરવામાં આવે છે. અગાઉ તેની સારવાર ઓપન સર્જરી દ્વારા કરવામાં આવતી હતી. હવે લેપ્રોસ્કોપિક સર્જરી અને રોબોટિક સર્જરી કરવામાં આવે છે.
આવી સ્થિતિમાં પહેલા દર્દીને પ્રથમ 6 મહિનામાં ખૂબ કાળજી લેવી પડતી હતી. હવે દર્દીને એકથી બે દિવસમાં રજા આપવામાં આવે છે અને દર્દીને વધુ પ્રતિબંધનો સામનો કરવો પડતો નથી.
પ્રતિકાત્મક તસવીર,
હર્નિયાને કેવી રીતે ઓળખવું છાતીથી જાંઘ સુધી પેટના કોઈપણ ભાગમાં વજન ઉપાડતી વેળાએ કાંઈ ગોળા જેવું દેખાય અને જ્યારે તમે બેસો અથવા સૂઈ જાઓ ત્યારે અદૃશ્ય થઈ જાય, તો તે હર્નિયા હોઈ શકે છે. જો તેની સમયસર સારવાર ન કરવામાં આવે તો તે મોટી સમસ્યા બની શકે છે. આ રોગ યુવાનોમાં વધુ જોવા મળે છે.
સારવાર શું છે? ડોક્ટરોનું કહેવું છે કે હર્નિયા એચઆઈવી અને કેન્સર કરતા પણ વધુ ખતરનાક રોગ છે. કોઈપણ ગોળી, દવા, હોમિયોપેથી કે આયુર્વેદમાં તેનો કોઈ ઈલાજ નથી. હર્નિયા માટે ઓપરેશન એ એકમાત્ર સારવાર છે.
હર્નિયા કેવી રીતે થાય છે? આ રોગ 10 થી 20 ટકા લોકોમાં જોવા મળે છે. તે પુરુષોમાં વધુ સામાન્ય છે. આને હર્નિયા કહે છે. સ્ત્રીઓમાં વેન્ટલ હર્નિયા પેટની સર્જરી પછી થાય છે. તેને વેન્ટલ હર્નિયા કહેવામાં આવે છે. પેટની દિવાલમાં સ્નાયુઓ છે. જ્યારે પણ સ્નાયુઓમાં નબળાઈ આવે છે ત્યારે આ દિવાલ નબળી પડવા લાગે છે અને હર્નિયા બનવા લાગે છે.
