રાયપુર57 મિનિટ પેહલા
- કૉપી લિંક
રાજધાની રાયપુરના સિટી સેન્ટર મોલમાં મંગળવારે મોટી દુર્ઘટના ઘટી હતી. ત્રીજા માળેથી એક વ્યક્તિના હાથમાંથી લગભગ એક વર્ષનું માસુમ બાળક નીચે પડી ગયું. તેનો સીસીટીવી વીડિયો પણ સામે આવ્યો છે. હોસ્પિટલમાં લઈ જતી વખતે બાળકનું મોત થયું હતું.
મામલો દેવેન્દ્ર નગર પોલીસ સ્ટેશન વિસ્તારનો છે. વીડિયોમાં જોવા મળી રહ્યું છે કે મોલમાં બે લોકો ફરતા હતા, જેમાંથી એકના ખોળામાં બાળક હતું. જ્યારે વ્યક્તિએ અન્ય બાળકને એસ્કેલેટરમાં ચઢવામાં મદદ કરવા હાથ લંબાવ્યો હતો, ત્યારે માસૂમ બાળક તેના ખોળામાંથી સરકીને નીચે પડ્યું હતું.
આશરે 1 વર્ષનું માસૂમ બાળક એસ્કેલેટર પરથી નીચે પડ્યું હતું
હોસ્પિટલ લઈ ગયા પરંતુ બાળકનું મોત થયું
બાળકના પિતાનું નામ રાજન કુમાર અને બાળકનું નામ રાજવીર કુમાર છે. માતા-પિતા ઝારખંડ નંબર પ્લેટવાળી કારમાં મોલમાં પહોંચ્યા હતા. આ કરૂણ અકસ્માત બાદ માતા-પિતા માસૂમ બાળકને બેરોન બજાર સ્થિત ખાનગી હોસ્પિટલમાં લઈ ગયા હતા. અહીં ડોક્ટરોએ તપાસ બાદ બાળકને મૃત જાહેર કર્યું હતું. દેવેન્દ્રનગર પોલીસે આ મામલે તપાસ શરૂ કરી છે.