- Gujarati News
- National
- Amit Shah Said In Andhra Pradesh Jagan Mohan Government Wants To Introduce English Instead Of Telugu In Primary Education
નવી દિલ્હી12 મિનિટ પેહલા
- કૉપી લિંક
કેન્દ્રીય ગૃહ મંત્રી અમિત શાહે કહ્યું- જગન મોહન રેડ્ડીની સરકાર તેલુગુ ભાષાને નષ્ટ કરવા માંગે છે, તેના બદલે તે પ્રાથમિક શિક્ષણમાં અંગ્રેજી લાવવા માગે છે.
તેમણે વધુમાં કહ્યું કે આપણે અમરાવતીને ફરીથી આંધ્રપ્રદેશની રાજધાની બનાવવી છે. જગન મોહન રેડ્ડીની સરકાર વચન તોડનારી સરકાર છે. તેમણે જે પણ વચન આપ્યું હતું, તે ક્યારેય પૂરું કર્યું નથી. તેઓએ ભ્રષ્ટાચાર, લૂંટ અને માફિયાઓને કારણે આંધ્રપ્રદેશની હાલત ખરાબ કરી દીધી છે.
શાહે વધુમાં કહ્યું કે જગન મોહન રેડ્ડીએ વિકાસની ટ્રેન પાટા પરથી ઉતારી છે. આંધ્ર પ્રદેશમાં વૃદ્ધિ શૂન્ય છે, રોકાણ સ્થિર છે અને બેરોજગારી ચરમસીમાએ છે. પાયાના પ્રોજેક્ટો અટવાયા છે, પરંતુ જમીન માફિયાઓનું કામ પૂરજોશમાં ચાલી રહ્યું છે.
આંધ્ર પ્રદેશની સંસ્કૃતિનું સન્માન કરવું અને તેને પ્રોત્સાહન આપવું એ આપણી ફરજ અને મિશન છે. અમે ભગવાન તિરુપતિ બાલાજી સાથે સંબંધિત દરેક વસ્તુની પવિત્રતા પુનઃસ્થાપિત કરીશું. અમારા જોડાણનો ઉદ્દેશ્ય આંધ્રપ્રદેશમાં ગુંડાવાદ, પ્રચંડ ભ્રષ્ટાચાર અને જમીન માફિયાઓના ખતરાને ખતમ કરવાનો છે.
શાહે કહ્યું કે હાલ આંધ્રપ્રદેશમાં લોકસભા અને વિધાનસભા બંને ચૂંટણીઓ યોજાઈ રહી છે. મોદીજી આગામી લોકસભા ચૂંટણીના તમામ તબક્કામાં 400+નો લક્ષ્યાંક હાંસલ કરવાની દિશામાં ઝડપથી આગળ વધી રહ્યા છે.
લાઈવ અપડેટ્સ
12 મિનિટ પેહલા
- કૉપી લિંક
મુખ્ય ચૂંટણી કમિશનરે કહ્યું- આપણી ચૂંટણીના સાક્ષી બનવા 23 દેશોમાંથી મુલાકાતીઓ આવ્યા
16 મિનિટ પેહલા
- કૉપી લિંક
ચંદ્રબાબુ નાયડુએ કહ્યું- પતિ-પત્ની વચ્ચે ઝઘડો થશે તો પણ મારો વાંક કાઢશે?
24 મિનિટ પેહલા
- કૉપી લિંક
રાહુલ ગાંધીએ તેલંગાણામાં કહ્યું- BJP-RSS અનામત ખતમ કરવા માગે છે
વડાપ્રધાન નરેન્દ્ર મોદી અનામતના વિરોધમાં છે. તેઓ તમારી અનામત છીનવી લેવા માગે છે. કોંગ્રેસ બંધારણની રક્ષા કરવાનો પ્રયાસ કરી રહી છે, ભાજપ-આરએસએસ તેને નષ્ટ કરવા માંગે છે.
25 મિનિટ પેહલા
- કૉપી લિંક
કોંગ્રેસે પુરી લોકસભા સીટ પર ઉમેદવાર બદલ્યા
સુચરિતા મોહંતીએ દાવો કર્યો હતો કે તેમને કોંગ્રેસમાંથી ચૂંટણી લડવા માટે ફંડ મળ્યું નથી, તેમણે તેમની ટિકિટ પરત કરી દીધી હતી. આ પછી કોંગ્રેસે શનિવારે જય નારાયણ પટનાયકને ઓડિશાના પુરીથી લોકસભાના ઉમેદવાર બનાવ્યા.
છેલ્લા કેટલાક સમયથી કોંગ્રેસ સાથે જોડાયેલા પટનાયક આ ચૂંટણીથી ડેબ્યુ કરશે. પુરીમાં નામાંકન ભરવાની છેલ્લી તારીખ 6 મે છે
26 મિનિટ પેહલા
- કૉપી લિંક
પિયુષ ગોયલનું નામાંકન રદ કરવા ચૂંટણી પંચ પાસે માગ
મુંબઈ-ઉત્તર લોકસભા બેઠક પરથી ભાજપના ઉમેદવાર પિયુષ ગોયલનું નામાંકન રદ કરવાની માગ કરવામાં આવી છે. મનોજ ફૂલચંદ નેવાડે નામના વ્યક્તિએ 26 મુંબઈ ઉત્તર ચૂંટણી સંઘના રિટર્નિંગ ઓફિસર કોર્ટમાં અરજી દાખલ કરી છે.
મનોજે પીયૂષ વેદપ્રકાશ ગોયલના નામાંકન ફોર્મને રિપ્રેઝન્ટેશન ઓફ પીપલ એક્ટ 1951ની કલમ 36(2)(B) હેઠળ રદ કરવાની માગ કરી છે. મનોજે દાવો કર્યો છે કે પીયૂષે જનપ્રતિનિધિત્વ અધિનિયમ 1951ની કલમ 33(5)ના નિયમો અનુસાર નોમિનેશન ફાઈલ કર્યું નથી. તેથી, તેમનું નામાંકન પત્ર લોકપ્રતિનિધિત્વ અધિનિયમ 1951ની કલમ 36(2)(b) હેઠળ રદ કરવામાં આવે.
મનોજે પોતાની ફરિયાદમાં કહ્યું છે કે પીયૂષ ગોયલ મુંબઈ દક્ષિણ લોકસભા મતવિસ્તારના રહેવાસી છે. તે ઉત્તર મુંબઈમાં રહેતા નથી. તે મલબાર હિલ વિધાનસભાના મતદાર છે. આ રીતે તેઓ જનપ્રતિનિધિત્વ અધિનિયમ 1951નું પાલન કરતા નથી. આ સાથે તેમણે જરૂરી દસ્તાવેજો પણ આપ્યા છે.
28 મિનિટ પેહલા
- કૉપી લિંક
કોંગ્રેસે ભાજપ અધ્યક્ષ નડ્ડા વિરુદ્ધ ચૂંટણી પંચમાં આચારસંહિતા ભંગની ફરિયાદ કરી
કર્ણાટક પ્રદેશ કોંગ્રેસ સમિતિ (KPCC)એ રવિવારે ચૂંટણી પંચમાં ભાજપના રાષ્ટ્રીય અધ્યક્ષ જેપી નડ્ડા અને અન્ય નેતાઓ વિરુદ્ધ આચાર સંહિતાનું ઉલ્લંઘન કરવા બદલ ફરિયાદ નોંધાવી છે.
આરોપ છે કે આ લોકોએ સોશિયલ મીડિયા પર એક વીડિયો પોસ્ટ કર્યો હતો જેમાં એસસી અને એસટી સમુદાયના લોકોને કોઈ ચોક્કસ ઉમેદવારને વોટ ન આપવાની ધમકી આપવામાં આવી હતી.
30 મિનિટ પેહલા
- કૉપી લિંક
આચારસંહિતા વચ્ચે ડુંગળી પરનો પ્રતિબંધ હટાવવા માટે ચૂંટણી પંચ પાસેથી મંજૂરી લેવામાં આવી
કેન્દ્ર સરકારે લોકસભા ચૂંટણીમાં આચારસંહિતા લાગુ થવાને ધ્યાનમાં રાખીને ડુંગળીની નિકાસ પરનો પ્રતિબંધ હટાવવા માટે ચૂંટણી પંચ પાસેથી મંજૂરી લીધી છે. આ નિર્ણય ગ્રાહક બાબતોના વિભાગની ભલામણ પર લેવામાં આવ્યો છે. ઉત્પાદનમાં સંભવિત ઘટાડાની ચિંતા વચ્ચે ગયા વર્ષે 8 ડિસેમ્બરે કેન્દ્રએ ભાવને નિયંત્રિત કરવા માટે ડિસેમ્બરની શરૂઆતમાં ડુંગળીની નિકાસ પર પ્રતિબંધ મૂક્યો હતો.
31 મિનિટ પેહલા
- કૉપી લિંક
કોંગ્રેસે મહારાષ્ટ્ર માટે સ્ટાર પ્રચારકોની યાદી જાહેર કરી, તેમાં 40 નામ
કોંગ્રેસે મહારાષ્ટ્રમાં લોકસભા ચૂંટણી 2024 માટે 40 સ્ટાર પ્રચારકોની યાદી જાહેર કરી છે. જેમાં કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે, સોનિયા ગાંધી, રાહુલ ગાંધી, મહાસચિવ કેસી વેણુગોપાલ, પ્રિયંકા ગાંધી વાડ્રાના નામ સામેલ છે.
31 મિનિટ પેહલા
- કૉપી લિંક
છત્તીસગઢ: પાન અને પીળા ચોખા પર મતદાન માટે સંદેશ લખવામાં આવ્યો
33 મિનિટ પેહલા
- કૉપી લિંક
રાજનાથ સિંહે કહ્યું- બીજેપી સરકાર ક્યારેય બંધારણમાં ફેરફાર નહીં કરે
કેન્દ્રીય મંત્રી રાજનાથ સિંહે પીટીઆઈને કહ્યું કે ભાજપ સરકાર ક્યારેય બંધારણમાં ફેરફાર નહીં કરે. તેમણે એમ પણ કહ્યું કે અનામત ચાલુ રહેશે. રાહુલ ગાંધીમાં કોઈ દમ નથી, પરંતુ કોંગ્રેસ હિંદુ-મુસ્લિમ ભાગલા પાડવાનો પ્રયાસ કરીને આગ સાથે રમી રહી છે. કોંગ્રેસ માત્ર ચૂંટણીના ફાયદા માટે લોકોને ગેરમાર્ગે દોરી રહી છે.
એજન્સીને આપેલા એક ઈન્ટરવ્યુમાં રાજનાથે કહ્યું કે બળજબરીથી PoK પર કબજો કરવાની કોઈ જરૂર નથી. ત્યાંના લોકો પોતે ભારતમાં જોડાવા ઈચ્છશે.
