શ્રીનગર11 મિનિટ પેહલાલેખક: રઉફ ડાર
- કૉપી લિંક
ન્યૂઝ એજન્સી ANIએ કાશ્મીરમાં આતંકીઓને શોધમાં ચાલી રહેલા સેનાના સર્ચ ઓપરેશનનો વીડિયો જાહેર કર્યો છે.
જમ્મુ-કાશ્મીરમાં રવિવારે સવારે માત્ર 3 કલાકની અંદર બે સ્થળોએ એન્કાઉન્ટર ચાલી રહ્યું છે. પ્રથમ શ્રીનગરના જબરવાન વિસ્તારમાં અને બીજુ કિશ્તવાડના છાસમાં. કિશ્તવાડ એન્કાઉન્ટરમાં પેરા સ્પેશિયલ ફોર્સના ત્રણ જવાન ઘાયલ થયા છે. અધિકારીઓનું કહેવું છે કે કાશ્મીર ટાઈગર્સ ગ્રુપના આતંકવાદીઓ કિશ્તવાડમાં છુપાયેલા છે, જેમણે બે ગ્રામ રક્ષકોની હત્યા કરી હતી.
છેલ્લા 18 કલાકમાં સુરક્ષા દળો અને આતંકવાદીઓ વચ્ચે આ ત્રીજી અથડામણ છે. જ્યારે નવેમ્બર મહિનાના 10 દિવસમાં આ 8મુ એન્કાઉન્ટર છે. જેમાં અત્યાર સુધીમાં કુલ 8 આતંકવાદીઓ માર્યા ગયા છે.
આ પહેલા 9 નવેમ્બરની સાંજે બારામુલાના સોપોરમાં સુરક્ષા દળોએ એક આતંકીને ઠાર કર્યો હતો. 8 નવેમ્બરે પણ સુરક્ષા દળોએ બે આતંકવાદીઓને ઠાર માર્યા હતા. રામપુરના જંગલોમાં પણ એન્કાઉન્ટર ચાલી રહ્યું છે.
જબરવાનના જંગલોમાં 2-3 આતંકવાદીઓ છુપાયા કાશ્મીર ઝોન પોલીસે X પર એક પોસ્ટમાં જણાવ્યું હતું કે રવિવારે સવારે સુરક્ષા દળોને જબરવાનમાં 2-3 આતંકવાદીઓ છુપાયા હોવાની માહિતી મળી હતી. આ પછી સેના અને પોલીસે સવારે 9 વાગે દાચીગામ અને નિશાતના ઉપરના વિસ્તારોને જોડતા જંગલમાં સંયુક્ત સર્ચ ઓપરેશન હાથ ધર્યું હતું.
આતંકીઓએ જવાનો પર ગોળીબાર શરૂ કરી દીધો હતો. જે બાદ સુરક્ષાદળોએ જવાબી કાર્યવાહી કરી હતી. હાલ એન્કાઉન્ટર ચાલી રહ્યું છે.
ઘાટીમાં છેલ્લા 9 દિવસમાં આતંકવાદી ઘટનાઓ અને એન્કાઉન્ટર
- 9 નવેમ્બર-: સેનાએ સોપોરમાં એક આતંકવાદીને ઠાર કર્યો: રામપુરના જંગલમાં 2-3 આતંકવાદીઓ છુપાયા હોવાની માહિતી મળી હતી. ત્યારથી સુરક્ષા દળોનું સંયુક્ત સર્ચ ઓપરેશન ચાલી રહ્યું છે. આ દરમિયાન આતંકવાદીઓએ સુરક્ષાદળો પર ગોળીબાર કર્યો હતો. જવાબી ગોળીબારમાં એક આતંકવાદી માર્યો ગયો હતો.
- 8 નવેમ્બર- સગીપોરા અને પાણીપોરામાં સર્ચ ઓપરેશન હાથ ધરવામાં આવ્યું: સોપોરમાં સુરક્ષા દળો દ્વારા 2 આતંકવાદીઓ માર્યા ગયા. સેનાએ સગીપોરા અને પાણીપોરામાં સર્ચ ઓપરેશન હાથ ધર્યું હતું. સોપોરના આ વિસ્તારોમાં 7 નવેમ્બરની રાતથી એન્કાઉન્ટર ચાલી રહ્યું હતું. અહીં 2-3 આતંકવાદીઓ છુપાયા હોવાના સમાચાર હતા. કાશ્મીરના આઈજીપી વીકે બિરદીએ કહ્યું હતું કે આ ઓપરેશનમાં 2 આતંકવાદીઓ માર્યા ગયા છે. તેમની પાસેથી મોટી માત્રામાં હથિયારો અને દારૂગોળો અને ગુનાહિત દસ્તાવેજો મળી આવ્યા હતા.
- નવેમ્બર 7- જૈશ આતંકવાદીઓએ 2 વિલેજ ગાર્ડની હત્યા કરી: આતંકવાદીઓએ કિશ્તવાડના અધવારી વિસ્તારમાં 2 વિલેજ ડિફેન્સ ગાર્ડની હત્યા કરી. પોલીસે જણાવ્યું હતું કે મુંજલા ધાર જંગલમાં પશુઓ ચરાવવા ગયેલા વિલેજ ડિફેન્સ ગાર્ડનું આતંકવાદીઓએ અપહરણ કરી તેના પર ગોળી મારી હતી.
- મૃતકોની ઓળખ નઝીર અહેમદ અને કુલદીપ કુમાર તરીકે થઈ હતી, જેઓ ઓહલી-કુંતવાડાના વિલેજ ડિફેન્સ ગાર્ડ હતા. શુક્રવારે બંનેના મૃતદેહ કેશવન બેલ્ટના પોંડગવારી વિસ્તારમાં એક નાળા પાસે પડેલા મળી આવ્યા હતા.
- 5 નવેમ્બર- બાંદીપોરામાં એન્કાઉન્ટરઃ પોલીસ અને સેનાના જવાનોએ સર્ચ ઓપરેશન હાથ ધર્યું. અથડામણમાં એક આતંકવાદી માર્યો ગયો હતો.
- 3 નવેમ્બર- શ્રીનગરના સન્ડે માર્કેટમાં ગ્રેનેડ વિસ્ફોટ: વિસ્ફોટ ટુરીસ્ટ રિસેપ્શન સેન્ટર પાસે થયો. જેમાં 12 લોકો ઘાયલ થયા હતા. ઘટના બાદ તરત જ હુમલાખોરોને પકડવા માટે સમગ્ર વિસ્તારને કોર્ડન કરી લેવામાં આવ્યો હતો.
- 1-2 નવેમ્બરના રોજ 3 એન્કાઉન્ટર: 36 કલાકની અંદર, શ્રીનગર, બાંદીપોરા અને અનંતનાગમાં સેના અને આતંકવાદીઓ વચ્ચે 3 એન્કાઉન્ટર થયા. શ્રીનગરમાં લશ્કરનો કમાન્ડર માર્યો ગયો. અનંતનાગમાં સેનાએ 2 આતંકીઓને ઠાર કર્યા હતા.
