નવી દિલ્હી15 મિનિટ પેહલા
- કૉપી લિંક
22 માર્ચે રાઉઝ એવન્યુ કોર્ટમાં અરવિંદ કેજરીવાલની હાજર થવા દરમિયાન લેવામાં આવેલી તસવીર.
દારુ પોલિસી કેસમાં તિહાર જેલમાં બંધ દિલ્હીના મુખ્યમંત્રી અરવિંદ કેજરીવાલે 23 માર્ચે પોતાની ધરપકડ વિરુદ્ધ હાઈકોર્ટમાં અરજી કરી હતી. આ મામલે 27 માર્ચે, કોર્ટે EDને નોટિસ પાઠવી હતી અને તેનો જવાબ માંગ્યો હતો. ED આ મામલે આજે વિગતવાર જવાબ રજુ કરશે.
તેમની ધરપકડ ઉપરાંત, 21 માર્ચે ધરપકડ કરાયેલ કેજરીવાલે રાઉઝ એવન્યુ કોર્ટના રિમાન્ડના નિર્ણયને પણ પડકાર્યો હતો. રાઉઝ એવન્યુ કોર્ટે તેને 28 માર્ચ સુધી ED રિમાન્ડ પર મોકલ્યો હતો, જે બાદમાં 1 એપ્રિલ સુધી લંબાવવામાં આવ્યો હતો. ગઈ કાલે જ્યારે આ કેસની સુનાવણી થઈ ત્યારે કોર્ટે તેને 15 દિવસની ન્યાયિક કસ્ટડીમાં તિહાર મોકલી દીધા હતા.
આ તરફ, આમ આદમી પાર્ટીના મંત્રી આતિશી 10 વાગ્યે પ્રેસ કોન્ફરન્સ કરશે. તેમણે કહ્યું કે તેઓ કેટલાક વિસ્ફોટક ખુલાસા કરવા જઈ રહ્યા છે. ગઈ કાલે ઈડીએ રાઉઝ એવન્યુ કોર્ટમાં કહ્યું હતું કે અરવિંદ કેજરીવાલે પૂછપરછ દરમિયાન આતિશી મર્લેનાનું નામ લીધું હતું. જ્યારે EDએ આ કેસના આરોપી વિજય નાયર વિશે પૂછ્યું ત્યારે કેજરીવાલે કહ્યું કે નાયર મને નહીં, પરંતુ આતિશી અને સૌરભ ભારદ્વાજને રિપોર્ટ કરતો હતો.
27 માર્ચે EDએ કહ્યું હતું- અમને જવાબ આપવા માટે સમય આપવામાં આવે
27 માર્ચે જસ્ટિસ સ્વર્ણકાંત શર્માની કોર્ટમાં કેજરીવાલના વકીલ અભિષેક મનુ સિંઘવી અને EDના ASG એસવી રાજુએ લગભગ દોઢ કલાક સુધી પોતાની દલીલો રજૂ કરી હતી. ASG રાજુએ કહ્યું હતું કે અમે વિગતવાર જવાબ રજુ કરવા માંગીએ છીએ. મુખ્ય કેસમાં અમને 3 અઠવાડિયાનો સમય આપવામાં આવ્યો હતો. આ કિસ્સામાં પણ અમને જવાબ દાખલ કરવા માટે પૂરતો સમય મળવો જોઈએ.
કેજરીવાલના વકીલ સિંઘવીએ કહ્યું કે આ વિલંબની રણનીતિ છે. અમે હાઇકોર્ટને અપીલ કરીએ છીએ કે આ અંગે હવે નિર્ણય લેવામાં આવે. તમે તેને સ્વીકારો છો અથવા તેનો ઇનકાર કરી દો. બંનેની દલીલો સાંભળ્યા બાદ કોર્ટે EDને કેસમાં જવાબ આપવા માટે 6 દિવસનો સમય આપ્યો હતો અને કેજરીવાલને ધરપકડ અને રિમાન્ડમાંથી રાહત આપી ન હતી.
તિહાર જેલ નંબર 2ની બેરેકમાં કેજરીવાલ
અરવિંદ કેજરીવાલને દિલ્હીની રાઉઝ એવન્યુ કોર્ટે 15 એપ્રિલ સુધી ન્યાયિક કસ્ટડીમાં તિહાર જેલમાં મોકલી દીધા છે. તેઓ જેલ નંબર 2માં એકલા રહે છે. EDએ કોર્ટમાં દાવો કર્યો હતો કે કેજરીવાલે પૂછપરછ દરમિયાન કહ્યું હતું કે વિજય નાયર આતિશી અને સૌરભ ભારદ્વાજને રિપોર્ટ કરતો હતો.
EDએ કહ્યું કે કેજરીવાલ અમને સહકાર નથી આપી રહ્યા. તેઓ અમને ગેરમાર્ગે દોરે છે. તેના પર કોર્ટે પૂછ્યું કે જ્યુડિશિયલ કસ્ટડી માટેની આ દલીલો કેટલી યોગ્ય છે? ASG રાજુએ કહ્યું કે કેજરીવાલ તેમના ફોનનો પાસવર્ડ શેર કરી રહ્યાં નથી. અમે પછીથી તેમની ED કસ્ટડીની માંગ કરીશું. આ અમારો અધિકાર છે. આ પછી કોર્ટે અરવિંદ કેજરીવાલને 15 દિવસની જ્યુડિશિયલ કસ્ટડીમાં જેલમાં મોકલી દીધા છે.
EDએ 21 માર્ચની રાત્રે કેજરીવાલની ધરપકડ કરી હતી
આ સમાચાર પણ વાંચો…
કેજરીવાલની ધરપકડને લઈને AAP કાર્યકર્તાઓએ કર્યો વિરોધ, ઘણા કાર્યકરોની અટકાયત કરવામાં આવી હતી
26 માર્ચે દિલ્હીના મુખ્યમંત્રી અરવિંદ કેજરીવાલની ધરપકડનો વિરોધ કરી રહેલા આમ આદમી પાર્ટીના અનેક કાર્યકરોની પોલીસે અટકાયત કરી હતી. AAP કાર્યકર્તાઓ PM આવાસનો ઘેરાવ કરવા માટે નીકળી પડ્યા હતા. પોલીસે પીએમ આવાસની આસપાસ કલમ 144 લાગુ કરી હતી. અહીં ભાજપના કાર્યકરોએ કેજરીવાલના રાજીનામાની માંગ સાથે પ્રદર્શન કર્યું હતું.
