નવી દિલ્હી3 કલાક પેહલા
- કૉપી લિંક
દિલ્હી સીએમ હાઉસમાં મુખ્યમંત્રી અરવિંદ કેજરીવાલના પીએ વિભવ કુમારે AAPના રાજ્યસભા સાંસદ સ્વાતિ માલીવાલ સાથે સોમવારે મારપીટ કરી. આ દાવો ભાજપના આઈટી સેલના વડા અમિત માલવિયાએ કર્યો છે.
તેમણે કહ્યું કે AAP સાંસદ સ્વાતિ માલીવાલ સાથે સીએમ કેજરીવાલના પીએ વિભવ કુમારે મારપીટ કરી.
આ ઘટના સીએમ હાઉસમાં બની, પરંતુ કોઈ સત્તાવાર રિપોર્ટ ફાઈલ કરવામાં આવ્યો નથી. સાંજે 4 વાગ્યા સુધી દિલ્હી મહિલા આયોગ (DCW) કે AAPએ આ ઘટનાની પુષ્ટિ કરી ન હતી.
પોલીસે કહ્યું- મેડમ પોલીસ સ્ટેશન આવ્યા હતા, પરંતુ ફરિયાદ ન કરી
ડીસીપી (ઉત્તર) મનોજ મીણાએ કહ્યું, ‘અમને સવારે 9:34 વાગ્યે એક પીસીઆર કોલ મળ્યો જેમાં ફોન કરનારે કહ્યું કે સીએમ આવાસની અંદર તેની સાથે મારપીટ કરવામાં આવી. જે બાદ સ્થાનિક પોલીસ અને SHOએ કોલનો જવાબ આપ્યો. થોડા સમય બાદ સાંસદ સ્વાતિ માલીવાલ પોલીસ સ્ટેશન સિવિલ લાઈન્સ આવ્યા. આ મામલે તેમના દ્વારા કોઈ ફરિયાદ કરવામાં આવી નથી.
પીસીઆર કોલ બાદ દિલ્હી પોલીસ સીએમ હાઉસ પહોંચી હતી.
ન્યૂઝ એજન્સી ANI અનુસાર, માલીવાલે સીએમ હાઉસમાંથી પીસીઆર કોલ કર્યો હતો. કોલ બાદ દિલ્હી પોલીસ સિવિલ લાઈન્સ સ્થિત સીએમ હાઉસ પહોંચી હતી. જોકે, સ્વાતિ સ્થળ પર હાજર ન હતી. જ્યારે પોલીસ સીએમ હાઉસ પહોંચી ત્યારે સ્વાતિ માલીવાલ ત્યાંથી રવાના થઈ ગયા હતા.
પોલીસે કહ્યું- ફોન કરનારે તેનું નામ સ્વાતિ માલીવાલ જણાવ્યું હતું
દિલ્હી પોલીસે જણાવ્યું કે ફોન કરનારે પોતાની ઓળખ AAP રાજ્યસભા સાંસદ સ્વાતિ માલીવાલ તરીકે આપી છે. ફોન કરનાર મહિલાએ કહ્યું કે તેને મુખ્યમંત્રીના પીએ વિભવ કુમાર માર મારી રહ્યા છે. આ કોલ સીએમ હાઉસથી કરવામાં આવ્યો હતો. પ્રોટોકોલ મુજબ દિલ્હી પોલીસ સીએમ હાઉસની અંદર જઈ શકતી નથી. PCR કોલનું સત્ય શું છે? પોલીસ આ જાણવામાં વ્યસ્ત છે.
પીસીઆર લોગશીટ. જેમાં ફરિયાદ નોંધાઈ હતી.
દિલ્હી પોલીસે કહ્યું, ‘સાંસદ મેડમ પોલીસ સ્ટેશન આવ્યા, માહિતી આપી, પરંતુ ફરિયાદની વાત કરીને ત્યાંથી ચાલ્યા ગયા
દિલ્હીના ડીસીપી (ઉત્તર) મનોજ મીણાએ જણાવ્યું હતું કે ‘સિવિલ લાઇન્સ પોલીસ સ્ટેશનમાં સવારે 9:34 વાગ્યે એક પીસીઆર કોલ આવ્યો હતો, જેમાં એક મહિલાએ કહ્યું હતું કે સીએમ હાઉસમાં તેની સાથે મારપીટ કરવામાં આવી હતી. થોડા સમય પછી એમપી મેડમ પોલીસ સ્ટેશન આવ્યાં, પરંતુ ફરિયાદ તેઓ પછી નોંધાવશે એમ કહીને ચાલ્યાં ગયાં.
પોલીસે કહ્યું- ફોન કરનારે તેમનું નામ સ્વાતિ માલીવાલ જણાવ્યું હતું
પોલીસે જણાવ્યું હતું કે ફોન કરનારે પોતાની ઓળખ AAP રાજ્યસભા સાંસદ સ્વાતિ માલીવાલ તરીકે આપી છે. ફોન કરનાર મહિલાએ કહ્યું હતું કે તેને મુખ્યમંત્રીના પીએ વિભવ કુમાર માર મારી રહ્યા છે. આ કોલ સીએમ હાઉસમાંથી કરવામાં આવ્યો હતો. પોલીસને પીસીઆર પર આવા બે કોલ મળ્યા હતા. આ પછી દિલ્હી પોલીસ સીએમ હાઉસ પહોંચી હતી. જોકે સ્વાતિ એ સમયે સ્થળ પર હાજર હતાં નહીં.
જ્યારે પોલીસ સીએમ હાઉસ પહોંચી ત્યારે સ્વાતિ માલીવાલ ત્યાંથી રવાના થઈ ગયાં હતાં.
ભાજપના નેતાઓએ કહ્યું- આ શરમજનક બાબત, પોલીસ તપાસ કરે
- નવી દિલ્હી લોકસભા સીટના ભાજપના ઉમેદવાર બાંસુરી સ્વરાજે કહ્યું, ‘મુખ્યમંત્રી અરવિંદ કેજરીવાલની હાજરીમાં, તેમની ઉશ્કેરણી પર, તેમના OSDએ સ્વાતિ માલીવાલ પર હાથ ઉપાડ્યો, તેમની સાથે ગેરવર્તણૂક કરી… જો આ સાચું હોય, તો ભાજપ તેની નિંદા કરે છે. આ શરમજનક બાબત છે અને તે મુખ્યમંત્રી અરવિંદ કેજરીવાલને જવાબદાર બનાવે છે કે જો તેમની જ પાર્ટીની મહિલા સાંસદ તેમની હાજરીમાં, તેમના જ ઘરમાં સુરક્ષિત નથી, તો દિલ્હીની દીકરીઓ કેવી રીતે સુરક્ષિત રહેશે.
- ભાજપ નેતા કપિલ મિશ્રાએ પણ ટ્વીટ કરીને આ ઘટનાની જાણકારી આપી
- કેન્દ્રીય મંત્રી અનુરાગ ઠાકુરે કહ્યું કે, “જો કોઈ મહિલા સાંસદ સાથે આવી ઘટના બને છે તો AAPના અન્ય નેતાઓએ બોલવું જોઈએ. દેશના બાકીના બૌદ્ધિકો જે જાગતા હતા, તેમણે પણ આજે જાગવું જોઈએ અને કહેવું જોઈએ કે દિલ્હી પોલીસ આ બાબતની તપાસ કરો.” ‘કોણે મારપીટ કરી, કોણે કરાવી, શું કારણ હતું? અને આ વિવાદ ક્યાં સુધી જશે જ્યારે બીજી તારીખે અરવિંદ કેજરીવાલ ફરીથી જેલમાં જશે.’
- આ ઘટના પર ભાજપના પ્રવક્તા શાઝિયા ઈલ્મીએ કેજરીવાલના પીએને ‘દુષ્ટ’ ગણાવ્યા. તેમણે કહ્યું હતું કે તે રાજધાનીમાં AAP વિશે બધું જ જાણે છે, કારણ કે તેઓ પોતે પાર્ટીના સભ્ય હતા. ઇલ્મીએ કહ્યું હતું કે AAPની અંદર ગંદકી છે અને હું તેમના વિશે બધું જ જાણું છું, કારણ કે હું પહેલાં પાર્ટીમાં હતી. મને ખબર છે કે AAP કેવી રીતે કામ કરે છે.
મુખ્ય સચિવ રહેલા અંશુ પ્રકાશ સાથે દિલ્હીના સીએમ હાઉસમાં મારપીટ થઈ હતી
19 ફેબ્રુઆરી 2018ના રોજ દિલ્હીના સીએમ અરવિંદ કેજરીવાલના ઘરે આયોજિત મીટિંગ દરમિયાન દિલ્હીના મુખ્ય સચિવ અંશુ પ્રકાશ પર હુમલો કરવામાં આવ્યો હતો. આ કેસમાં કોર્ટે આમ આદમી પાર્ટી (AAP)ના બે ધારાસભ્યો- અમાનતુલ્લા ખાન અને પ્રકાશ જરવાલને દોષિત ઠેરવ્યા હતા. કેજરીવાલની હાજરીમાં ધારાસભ્યોએ અંશુ પ્રકાશ સાથે દુર્વ્યવહાર કર્યો હતો અને મારપીટ કરી હતી. આ પછી, મુખ્ય સચિવ રાત્રે જ લેફ્ટનન્ટ ગવર્નરને મળ્યા અને તેની ફરિયાદ કરી હતી.
સ્વાતિ માલીવાલ દિલ્હી પોલીસ સ્ટેશન પહોંચી અને કહ્યું, તે પછી ફરિયાદ કરશે.
