Related posts
નવી દિલ્હી8 મિનિટ પેહલા
- કૉપી લિંક
કોનમેન સુકેશ ચંદ્રશેખરે અરવિંદ કેજરીવાલની ધરપકડ પર કટાક્ષ કરતો લેટર લખ્યો છે. સુકેશ 200 કરોડની છેતરપિંડીના આરોપમાં જેલમાં બંધ છે. પોતાના લેટરમાં તેણે કેજરીવાલનું તિહાર ક્લબમાં સ્વાગત કર્યું છે. સાથે જ કહ્યું કે હું ખૂબ જ ખુશ છે કે મને આટલી સારી બર્થડે ગિફ્ટ મળી છે.
જો કે આ પહેલીવાર નથી જ્યારે સુકેશે અરવિંદ કેજરીવાલ પર આરોપ લગાવ્યા હોય. 6 મે, 2023ના રોજ દિલ્હીના LGને લખેલા પત્રમાં તેણે કહ્યું હતું કે કરોલ બાગમાં એક પ્રોજેક્ટ અપાવવાના બદલામાં તેણે 90 લાખ રૂપિયાના ચાંદીના વાસણો ગિફ્ટમાં આપ્યા હતા. જેમાં 15 ચાંદીની પ્લેટ, 20 ગ્લાસ, મૂર્તિઓ, વાટકા અને ચાંદીની ચમચીનો સમાવેશ થાય છે.
કેજરીવાલની 21 માર્ચે સીએમ હાઉસમાંથી ધરપકડ કરવામાં આવી હતી. શુક્રવારે બપોરે 2 વાગ્યે તેમને PMLAએ કોર્ટમાં રજૂ કરવામાં આવ્યા હતા. જ્યાં જસ્ટિસ કાવેરીએ તેમને 6 દિવસના ED રિમાન્ડ પર મોકલી દીધા છે.
હવે વાંચો સુકેશનો પત્ર…
અરવિંદ કેજરીવાલ…હંમેશાની જેમ સત્યની જ જીત થઈ. આ નવા ભારતની તાકાત છે. એક શાનદાર ઉદાહરણ છે કે કાયદા ઉપર કોઈ નથી. સૌથી પહેલાં હું તમારું સ્વાગત કરું છું.
ઘણી સારી તક છે. 25 માર્ચે મારો જન્મદિવસ છે. આ દિવસે બમણી ખુશી ઉજવાશે. તમારી ધરપકડને હું મારી સૌથી સારી બર્થ ડે ગિફ્ટ માનું છું. કેજરીવાલજી તમને આ વાતનો અહેસાસ નહી હોય કે સત્યને વધારે સમય સુધી છુપાવી શકાય નહીં.
ભાઈ કેજરીવાલ જી, હવે તમારા બધા જ ભ્રષ્ટાચાર બધાની સામે આવી જશે. તમે મુખ્યમંત્રી રહીને 10 કૌભાંડો કર્યા, દિલ્હીના ગરીબોને લૂટ્યા. આ 10 કૌભાંડોમાંથી 4નો તો હું સાક્ષી છું. મારી પાસે પુરાવા છે અને હું તમને ખુલ્લા પાડીશ અને આ 4 કૌભાંડોમાં હું તમારા વિરુદ્ધ સાક્ષી બનીશ. તમે આનાથી ડરી રહ્યા છો. દિલ્હી એક્સાઇઝ કેસ તો લગભગ શરૂઆત છે.
તમે તમારા તિહાડ ક્લબની બહારનો પ્રકાશ જલ્દી જોઈ શકશો નહીં. આ બધા જ તમારા કર્મ છે. તમે ગરીબ દર્દીઓને ખોટી દવા આપીને રૂપિયા લૂટ્યા, ગરીબ બાળકોના અભ્યાના રૂપિયા લૂટ્યા અને પાણીના પણ પૈસા લૂટ્યા. તમે વિચારી પણ કેમ શકો કે તમને માફી મળી જશે.
તમે એક વાત સાચી કહી કે રામ રાજ્ય છે. ભગવાન રામ સ્વયં તમને તમારા કર્મોની સજા આપશે. ભગવાન ઉપર છે અને તે બધું જોઈ રહ્યો છે. ખાસ કરીને તમારો ઘમંડ, તમારું જૂઠાણું અને તમે જે રીતે લોકોની લાગણીઓ સાથે રમો છો. તેથી જ તમે ફરી એકવાર શૂન્ય પર પહોંચી ગયા છો.
હું જાણું છું કે જેલમાં જવાથી તમને કોઈ ફરક નથી પડતો, કારણ કે તે સંપૂર્ણપણે તમારા નિયંત્રણમાં છે અને અધિકારીઓ તમારી કઠપૂતળી છે. હું જાણું છું કે હવે તમે તિહારથી ઓપરેટ કરશો અને હું એ પણ જાણું છું કે તમે મારી સાથે બદલો લેશો. આમ છતાં હું તમને એક્સપોઝ કરીશ.
તો તમે તમારો શ્રેષ્ઠ વાર કરો, તેમ છતા પણ હું બધું જ જણાવીશ. હું દુનિયામાં એવું સાબિત કરી દઇશ કે તમે, તમારી સાથે જોડાયેલાં લોકો અને તમારી પાર્ટી દુનિયાની સૌથી મોટી કટ્ટર કરપ્ટ પાર્ટી છે.
કેજરીવાલજી તમારા અન્ય ભ્રષ્ટાચારી સાથી બેશરમોની જેમ હજુ પણ એવું કહી રહ્યા છે કે તમે એક વિચારશીલ વ્યક્તિ છો. મને યાદ છે કે 2016માં અમારા મિત્રોની બર્થ ડે પાર્ટીમાં તમે તમારા ગુરૂજી અન્ના હજારેનો મજાક ઉડાવી રહ્યા હતા. તમે નકામા વ્યક્તિ છો. તમારા વિચારો ઘટિયા છે, તમારા વિચાર માત્ર ને માત્ર તમારા માટે અને તમારા ભ્રષ્ટાચારી સાથીઓ માટે છે. કોઈ અન્ય માટે નથી.
તમે અને તમારા અન્ય ભ્રષ્ટાચારી સાથી મને મહાઠગ કહે છે. હવે તમે તમારી હકીકતથી વાકેફ થઈ જાવ કે તમે શું છો? ખેર! હું જલ્દી જ બોલીશ. હું તમારો સામનો કરવા માટે તૈયાર છું. મારી બહેન કવિતા જલ્દી જ સીબીઆઈ અને ઈડી સામે પુરાવા લઇને જશે. આ વર્ષે પણ શાનદાર બર્થ ડે ગિફ્ટ આપવા માટે તમારો આભાર કેજરીવાલ. તમે જે પણ કંઇ કહ્યું, તે બધું જ વાસ્તવિકતામાં બદલાશે.
છેલ્લે હું કહેવા માગુ છું કે તમે તિહાર જેલમાંથી જ વિધાનસભાની ચૂંટણી લડશો. હું વચન આપું છું કે હું તમારી સીટ પર અને તમારી સામે ચૂંટણી લડીશ અને તમને નિરાશ નહીં કરું. હું તમને સત્ય કહીશ. આવતા વર્ષે જનતા તમને, તમારા સાથીદારોને અને તમારા પક્ષને સિસ્ટમમાંથી અને તેમની સ્મૃતિમાંથી હાંકી કાઢશે. તમારા મોટાભાગના મિત્રો તમારી ક્લબ એટલે કે તિહાર ક્લબના પ્રીમિયમ સભ્યો હશે.
તમે આ લોકસભા ચૂંટણીમાં તમારી મોટી હાર સાથે સત્યનો સામનો કરવાનું શરૂ કરશો. તમારા બધા ભ્રષ્ટ મિત્રો તિહાર ક્લબમાં જોડાવા માટે યાદીમાં છે. ED અને CBI સાથે તમારા રોકાણનો આનંદ માણો. અંતમાં હું કહેવા માગુ છું કે હું તિહારના બિગ બોસનું દિલથી સ્વાગત કરું છું. જલ્દી મળીશું મારા ભાઈ કેજરીવાલ જી. આભાર.
સુકેશ પર 200 કરોડની છેતરપિંડીનો આરોપ
દિલ્હી પોલીસની ઇકોનોમિક ઓફેન્સીસ વિંગ (EOW) એ સુકેશ અને અન્યો સામે કથિત ગુનાહિત કાવતરું, છેતરપિંડી અને આશરે રૂ. 200 કરોડની ખંડણી માટે FIR દાખલ કરી હતી. EDએ દરોડા પછી પોતાના નિવેદનમાં કહ્યું હતું કે- સુકેશ ચંદ્રશેખર આ છેતરપિંડીનો માસ્ટરમાઈન્ડ છે. તે 17 વર્ષની ઉંમરથી જ ગુનાખોરીની દુનિયાનો હિસ્સો છે.
EDએ 24 ઓગસ્ટે ચેન્નાઈમાં સુકેશનો સી-ફેસિંગ બંગલો જપ્ત કર્યો હતો. તેના બંગલામાંથી 82.5 લાખ રૂપિયા રોકડા, 2 કિલો સોનું અને એક ડઝનથી વધુ લક્ઝરી કાર જપ્ત કરવામાં આવી છે.
