અયોધ્યા49 મિનિટ પેહલા
- કૉપી લિંક
22 જાન્યુઆરીએ અયોધ્યામાં રામલલ્લાની પ્રાણપ્રતિષ્ઠા થવાની છે. ત્યારબાદ 23 જાન્યુઆરીએ તમામ શ્રદ્ધાળુઓ દર્શન કરી શકશે. ટ્રસ્ટ એ સુનિશ્ચિત કરવાનું વિચારી રહ્યું છે કે કોઈ પણ ભક્ત દર્શન કર્યા વિના પાછા ન ફરે. ભીડના કિસ્સામાં રામલલ્લાનો દરબાર 15 થી 18 કલાક સુધી ખુલ્લી રહી શકે છે.
બીજી તરફ પ્રાણપ્રતિષ્ઠા પહેલા રવિવારથી જ રામ મંદિર નિર્માણ સમિતિની બેઠક છે. આ પહેલાં કન્સ્ટ્રક્શન કમિટીના ચેરમેન નૃપેન્દ્ર મિશ્રાએ રામ મંદિર સંકુલ અને જન્મભૂમિ પથ પર ચાલી રહેલા નિર્માણ કાર્યોને નિહાળ્યા હતા. એન્જિનિયર સાથે વાત કરી. પ્રાણપ્રતિષ્ઠાને ધ્યાનમાં રાખીને આ બેઠક દર 15 દિવસે યોજવામાં આવી રહી છે.
રવિવારે મંદિર નિર્માણ સમિતિના અધ્યક્ષ નૃપેન્દ્ર મિશ્રાએ મંદિરની આજુબાજુના બાંધકામની સમીક્ષા કરી હતી. આજથી અયોધ્યામાં મંદિર નિર્માણ સમિતિની બેઠક પણ છે.
આ દરમિયાન નૃપેન્દ્ર મિશ્રાએ કહ્યું કે રામજન્મભૂમિ પથ અને સુરક્ષા સંબંધિત કામ એક સપ્તાહમાં પૂર્ણ થઈ જશે. ભક્તોને તડકા અને વરસાદમાં કોઈ મુશ્કેલી ન પડે તે માટે કેનોપીઓ બનાવવામાં આવી રહી છે. સુરક્ષા માટે સ્કેનર સાઇટ બનાવવામાં આવી રહી છે, જ્યાં મુસાફરોના સામાનને સ્કેન કરવામાં આવશે. નૃપેન્દ્ર મિશ્રાએ સુરક્ષા માટે બનાવવામાં આવી રહેલી છેલ્લી ચેકિંગ પોસ્ટનું પણ નિરીક્ષણ કર્યું હતું. જ્યાંથી મુસાફરો પરિસરમાંથી પ્રવેશ કરશે. આ પછી 33 દાદરાં ચઢીને મંદિરની અંદર જવાશે.
હવે રામલલ્લાના દર્શન 9.30 કલાકે
હાલમાં રામલલ્લાના દર્શનનો સમય સવારે 7 થી 11:30 એટલે કે સાડા ચાર કલાક અને બપોરે 2 થી 7 એટલે કે 5 કલાકનો છે. પરંતુ, પ્રાણપ્રતિષ્ઠા બાદ દરરોજ બે લાખ ભક્તો દર્શન માટે આવશે તેવો અંદાજ છે. દર્શનનો સમય સવારે અને સાંજે સાડા નવ કલાકનો નિયત કરવામાં આવ્યો છે, જો ભીડ હોય તો તેમાં 6 થી 8 કલાકનો વધારો કરવાનું ટ્રસ્ટ વિચારી શકે છે. એટલે કે, ભારે ભીડના કિસ્સામાં રામલલ્લાનો દરબાર 15 થી 18 કલાક સુધી ખુલ્લું રહેશે.
‘લોકો ગુસ્સે થશે કે તમે બાળકને આટલી રાત સુધી જગાડ્યું’
શનિવારે અયોધ્યામાં એક કાર્યક્રમ દરમિયાન રામ મંદિર ટ્રસ્ટના મહાસચિવ ચંપત રાયે કહ્યું કે 22 જાન્યુઆરીએ દેશભરના 5 લાખ મંદિરોમાં ભવ્ય પૂજા અને ઉજવણી થશે. સાંજે દરેક સનાતનીએ પોતાના ઘરની બહાર ઓછામાં ઓછા પાંચ દીવા પ્રગટાવવા જોઈએ. તેમજ લોકોએ 26મી જાન્યુઆરી પછી જ મંદિરમાં દર્શન માટે આવવું જોઈએ. ટ્રસ્ટના જનરલ સેક્રેટરીએ ખાતરી આપી હતી કે જ્યાં સુધી બધા જ લોકો દર્શન કરી લેશે નહીં, ત્યાં સુધી મંદિરના કપાટ ખુલ્લા રહેશે, પછી ભલે રાતના 12 કેમ વાગ્યા ન હોય. જોકે, લોકો નારાજ થશે કે બાળકને આટલી રાત સુધી કેમ જગાડી રાખ્યું છે.
શ્રી રામ જન્મભૂમિ તીર્થ ક્ષેત્ર ટ્રસ્ટના મહાસચિવ ચંપત રાયે અયોધ્યાના મદના બજારમાં જાહેર સભા યોજી હતી.
22 જાન્યુઆરીએ ઘરે જ ઉત્સવ ઉજવો, પછી દર્શન માટે આવો
ચંપત રાયે કહ્યું કે 22 જાન્યુઆરી એ 500 વર્ષના સંઘર્ષનું પરિણામ છે. દરેક રામ ભક્તે આ ઉત્સવનો આનંદ માણવો જોઈએ અને પોતાના ઘરે તેને ઊજવવો જોઈએ. આ પછી રામલલ્લાના દર્શન કરવા આવો. આ દિવસ આપણાં જીવનમાં ઠીક એવો છે જેવો હિંદુસ્તાનના જીવનમાં 15 ઓગસ્ટ, 1947 છે. 15 ઓગસ્ટના દિવસે હજારો વર્ષથી ગુલાબી બાદ આઝાદી મળી. આપણે આપણાં જીવન મૂલ્યોની રક્ષા માટે પોતાના મંદિરોને સતત સંઘર્ષ કરીને પ્રાપ્ત કરી શકીએ. સતત સંઘર્ષનું પરિણામ રામ જન્મભૂમિ છે.
22મીએ તમારા ગામ અને મંદિરમાં એવો તહેવાર ઉજવો જેવો અયોધ્યામાં હશે. જો ભારતના 5 લાખ મંદિરો અને કરોડો ઘરોમાં દરેક ઘરમાં 5 દીવા પ્રગટાવવામાં આવે, એક દિવાળી તમે રાવણના વિજય પછી ઉજવો છો. આ બીજી એક દિવાળી હશે, જેનાથી આખો દેશ રામમય બની જશે.
પ્રાણપ્રતિષ્ઠા માટે તૈયાર છે રામ મંદિરનો પ્રવેશદ્વાર
6 મહિના પછી પહેલા માળે રામ દરબારની સ્થાપના કરવામાં આવશે
ચંપત રાયે એમ પણ કહ્યું કે રામ મંદિરનો પહેલો માળ પણ તૈયાર છે. 6 થી 8 મહિના પછી તેમાં શ્રી રામ, માતા સીતા અને હનુમાનજી સહિત ચાર ભાઈઓની મૂર્તિઓ સ્થાપિત કરવામાં આવશે. પથ્થરની ઉંમર એક હજાર વર્ષ છે. પથ્થર જમીનના સંપર્કમાં આવ્યા પછી ભેજને શોષી લે છે. તેથી જ રામ મંદિરના પાયામાં ગ્રેનાઈટનો ઉપયોગ કરવામાં આવ્યો છે.
રામ મંદિરના દાદરા પર ભગવાન વિષ્ણુના વાહન ગરુડ અને રામભક્ત હનુમાનની મૂર્તિ.
પરિસરમાં વશિષ્ઠ, વાલ્મીકિ અને શબરીના મંદિરો પણ બનાવવામાં આવી રહ્યા છે
ચંપત રાયે કહ્યું કે દરેક કામ કરતી વખતે ઉંમરને ધ્યાનમાં રાખવામાં આવે છે. જમીનની નીચે એક ગ્રામ પણ લોખંડ નથી. જેમ જેમ ઉંમર વધશે તેમ તેમ જમીનની નીચે શક્તિશાળી ખડક બનશે. જમીન ઉપર કોઈ કોંક્રિટ નથી. કોંક્રિટનો જીવનકાળ 150 વર્ષથી વધુ નથી, પછી ભલે તે ગમે તેટલું મજબૂત હોય. ભગવાન રામના જીવનમાં, તેમનો અંતિમ પરિચય તેમના વનવાસના સમયગાળા દરમિયાન જટાયુ સાથે થયો હતો. જટાયુનું મંદિર તૈયાર છે. રામ મંદિરના વિશાળ પરિસરમાં વશિષ્ઠ, વાલ્મીકિ અને શબરીના મંદિરો પણ બનાવવામાં આવી રહ્યા છે.
