અયોધ્યા23 મિનિટ પેહલાલેખક: રમેશ મિશ્રા/ દેવાંશુ તિવારી/ સૌરભ શુક્લા
- કૉપી લિંક
અયોધ્યામાં 16 જાન્યુઆરીથી શરૂ થયેલી પ્રાણ પ્રતિષ્ઠા અનુષ્ઠાનનો ગુરુવારે ત્રીજો દિવસ છે. આજે ગર્ભગૃહમાં બપોરે પોણા એક વાગ્યે રામલલાની મૂર્તિની સ્થાપના રામયંત્ર પર કરવામાં આવશે.
અગાઉ 17 જાન્યુઆરીએ, ગર્ભગૃહમાં સ્થાપિત થનારી 200 કિલો વજનની રામલલાની નવી મૂર્તિને જન્મભૂમિ મંદિર પરિસરમાં લાવવામાં આવી હતી. આ દરમિયાન, મૂર્તિને પરિસરમાં ભ્રમણ કરાવવાની હતી, પરંતુ તે ભારે હોવાને કારણે, રામલલ્લાની 10 કિલો ચાંદીની મૂર્તિને પરિસરમાં ભ્રમણ કરાવવામાં આવી હતી.
22 જાન્યુઆરીએ અયોધ્યામાં શ્રી રામ લલ્લાની પ્રાણ પ્રતિષ્ઠા થશે. આ દરમિયાન પીએમ નરેન્દ્ર મોદી હાજર રહેશે.
લાઈવ અપડેટ્સ
27 મિનિટ પેહલા
- કૉપી લિંક
પૂજારીએ રામજન્મભૂમિ સ્થળની પૂજા કરી હતી.
રામલલ્લાના ગર્ભગૃહની આ તસવીર તે સમયની છે જ્યારે પૂજારી સંતોષ તિવારી આજે સવારે રામ જન્મભૂમિ સ્થળની પૂજા કરવા ગયા હતા. મકરાણાના સફેદ આરસપહાણથી બનેલા આ સિંહાસન પર રામલલ્લા બિરાજમાન થશે. રામલલ્લા જ્યાં બેસશે ત્યાં સોનાનું એક યંત્ર સ્થાપિત કરવામાં આવ્યું છે.
28 મિનિટ પેહલા
- કૉપી લિંક
કર્ણાટકના શિલ્પકાર દ્વારા બનાવેલી પ્રતિમા સ્થાપિત કરાશે
શ્રી રામ જન્મભૂમિ તીર્થ ક્ષેત્ર ટ્રસ્ટના મહાસચિવ ચંપત રાયે જણાવ્યું હતું કે ગર્ભગૃહમાં સ્થાપિત કરવામાં આવનાર રામલલ્લાની મૂર્તિનું વજન 150 થી 200 કિલો છે. રામલલ્લાની ઉભી મૂર્તિ સ્થાપિત કરવામાં આવશે. આ મૂર્તિને કર્ણાટકના શિલ્પકાર અરુણ યોગીરાજે બનાવી છે. મૂર્તિ બનાવતી વખતે તેમણે 15-15 દિવસ સુધી પરિવાર સાથે વાત પણ કરી નહોતી.
35 મિનિટ પેહલા
- કૉપી લિંક
રામ મંદિરમાં રામલલ્લાની નવી મૂર્તિ
આ તસવીર એ સમયની છે જ્યારે રામલલ્લાની મૂર્તિને ગઈકાલે રાત્રે ટ્રકમાંથી ગર્ભગૃહની સામેથી લઈ જવામાં આવી રહી હતી. જેમાં ભગવાન શ્રી રામલલ્લાના માથાનો કેટલોક ભાગ દેખાય છે.
38 મિનિટ પેહલા
- કૉપી લિંક
રામજન્મભૂમિ પરિસરમાં આવેલ હંગામી મંદિરમાં બેઠેલા રામલલ્લા.
ઉત્તરાખંડની મહિલાઓ રામલીલા કરવા પહોંચી હતી
આ ફૂટેજ ઉત્તરાખંડની મા નંદા મહિલા રામલીલા સમિતિ સાથે સંકળાયેલી મહિલાઓના છે. તેઓ રામલીલા કરવા અયોધ્યા પહોંચી હતી.
ગુરુવારે સવારે આ બધા રામના નામની ધૂન અને હનુમાનજીના જાપ સાથે રામ જન્મભૂમિ પથ એટલે કે રામલલ્લા દર્શન માર્ગ પર ભગવાન રામના દર્શન કરવા જઈ રહ્યા છે.
