બેંગલુરુમાં અકસ્માતમાં એન્જિનિયરિંગની વિદ્યાર્થિનીનું મોત: કોલેજ જઈ રહેલી વિદ્યાર્થિનીને બસે માટી ટક્કર, પાછલા વ્હીલમાં આવી જતા મોતને ભેટી

બેંગલુરુમાં શુક્રવારે સવારે એક એન્જિનિયરિંગ વિદ્યાર્થીનું બસ નીચે કચડાઈ જવાથી મોત થયું હતું.

બેંગલુરુમાં શુક્રવારે એક એન્જિનિયરિંગ વિદ્યાર્થિનીનું બસ નીચે કચડાઈ જવાથી મોત થયું હતું. વિદ્યાર્થિની સવારે તેના ટુ-વ્હીલર પર કોલેજ જઈ રહી હતી. જ્યારે તે મલ્લેશ્વરમના હરિશ્ચંદ્ર ઘાટ પાસે પહોંચી ત્યારે બેંગલુરુ મેટ્રોપોલિટન ટ્રાન્સપોર્ટ કોર્પોરેશન (BMTC)ની બસે તેને ટક્કર મારી. જેના કારણે વિદ્યાર્થિની બસના પાછળના વ્હીલમાં આવી ગઈ હતી. જેના કારણે વિદ્યાર્થિનીનું ઘટનાસ્થળે જ મોત થયું હતું.

પોલીસે જણાવ્યું કે આ અકસ્માત સવારે 8.30 વાગ્યાની આસપાસ થયો હતો. અકસ્માતમાં માર્યા ગયેલા વિદ્યાર્થિનીની ઓળખ 21 વર્ષીય કુસુમિતા તરીકે થઈ હતી. તે એક ખાનગી એન્જિનિયરિંગ કોલેજની વિદ્યાર્થિની હતી. આ ઘટના મલ્લેશ્વરમના હરિશ્ચંદ્ર ઘાટ પાસે એક દુકાનના સીસીટીવી કેમેરામાં કેદ થઈ ગઈ હતી.

કુસુમિતા તેના ટુ-વ્હીલર પર કોલેજ જવા નીકળી હતી.

પાછળના ટાયરમાં આવી જતા મોતને ભેટી
વીડિયોમાં જોવા મળી રહ્યું છે કે લોકો બસને રોકવા માટે દોડી રહ્યા છે. તેમાંથી કેટલાક બસના પાછળના ટાયર તરફ દોડે છે જ્યાં કુસુમિતા ફસાઈ જતા મોતને ભેટી હતી. મલ્લેશ્વરમ પોલીસ સ્ટેશનમાં કેસ નોંધવામાં આવ્યો છે. બસના ડ્રાઈવરની હજુ સુધી ધરપકડ કરવામાં આવી નથી.

આ સમાચાર પણ વાંચો…
BRTS કોરિડોરમાં અકસ્માત, નેટવર્કિંગ એન્જિનિયરનું મોત: બે બાઇક સામસામે અથડાયા, ત્રણ ઘાયલ

ભોપાલના શ્યામલા હિલ્સ વિસ્તારમાં ગુરુવારે રાત્રે 11 વાગ્યે પોલિટેકનિક નજીક BRTSની અંદર બે બાઇક સામસામે અથડાઈ હતી. અકસ્માતમાં એક યુવકનું હમીદિયા હોસ્પિટલમાં સારવાર દરમિયાન મોત નીપજ્યું હતું. મૃતક નામાંકિત સિમ કંપનીમાં નેટ વર્કિંગ એન્જિનિયર હતો.