Related posts
નવી દિલ્હી8 મિનિટ પેહલા
- કૉપી લિંક
સ્વાતિ માલીવાલ શુક્રવારે તીસ હજારી કોર્ટમાં પોતાનું નિવેદન નોંધવા પહોંચી હતી.
અરવિંદ કેજરીવાલના PA બિભવ કુમારે AAP રાજ્યસભા સાંસદ સ્વાતિ માલીવાલ સાથે ગેરવર્તન અને મારપીટના મામલામાં માલીવાલ વિરુદ્ધ FIR નોંધાવી છે. તેમણે ફરિયાદમાં જણાવ્યું હતું કે સ્વાતિ માલીવાલ જબરદસ્તીથી સીએમ આવાસમાં ઘૂસી હતી અને જ્યારે તેમને રોકવામાં આવી ત્યારે તેણે હોબાળો મચાવ્યો હતો અને સ્ટાફને ગાળો સંભળાવી હતી.
દિલ્હી પોલીસે સીએમ આવાસમાં સીન રીક્રિએટ કરવામાં આવ્યું. પોલીસ શુક્રવારે સાંજે 6.30 વાગ્યે સ્વાતિ સાથે મુખ્યમંત્રી આવાસ પર પહોંચી હતી, જેથી તેઓ જાણી શકે કે 13 મેના રોજ શું થયું હતું. આ પછી તે સાંજે 7:10 વાગ્યે બહાર આવ્યા. આ પછી તેણે એક્સ પર એક પોસ્ટ કરીને દાવો કર્યો હતો કે સીએમ હાઉસની અંદરના સીસીટીવી સાથે ચેડા કરવામાં આવી રહ્યા છે.
CMના PA બિભવ કુમાર પર સ્વાતિ પર મારપીટ કરવાનો આરોપ છે. તેની સામે FIR નોંધવામાં આવી છે. દરમિયાન AAPએ તેને ભાજપનું કાવતરું ગણાવ્યું છે.
સીન રીક્રિએટના 40 મિનિટમાં શું-શું થયું
દિલ્હી પોલીસે જોયું કે સોફા ક્યાં છે. જેના પર સ્વાતિ માલીવાલ બેઠી હતી. ત્યાંથી ટેબલ કેટલું દૂર હતું? આરોપી બિભવ ક્યાંથી આવ્યો? લડાઈ ક્યાં થઈ? કેવી રીતે મારપીટ થઈ અને કેવી રીતે ધક્કો મારવામાં આવ્યો હતો.
ઘટનાસ્થળના ફોટો અને વિડિયોગ્રાફી પણ કરવામાં આવી હતી. આ સાથે ફોરેન્સિક ટીમે સ્વાતિ માલીવાલ દ્વારા ઉલ્લેખિત સ્થળોએથી પણ સેમ્પલ લીધા હતા. આ દરમિયાન પોલીસે સીએમ આવાસના સ્ટાફની પૂછપરછ કરી હતી.
પોલીસે એ પણ શોધી કાઢ્યું કે ઘટનાના દિવસે (13 મે) કોણ કોણ હાજર હતું. વીડિયોગ્રાફી અને તપાસ બાદ પોલીસ રાત્રે 2.15 વાગ્યે સીએમ આવાસની બહાર આવી હતી.
બિભવ કુમારે સ્વાતિ વિરુદ્ધ ચાર પાનાની ફરિયાદ નોંધાવી હતી
સવારે એક વીડિયો સામે આવ્યો છે
આ વીડિયો અરવિંદ કેજરીવાલના ઘરનો છે. જ્યાં સુરક્ષા સ્ટાફ સ્વાતિ સાથે વાત કરતો જોવા મળે છે. ભાસ્કર આ વીડિયોની પુષ્ટિ કરતું નથી.
દિલ્હીના સીએમ આવાસ પર AAPના રાજ્યસભા સાંસદ સ્વાતિ માલીવાલ સાથે દુર્વ્યવહાર અને મારપીટનો શુક્રવારે એક વીડિયો સામે આવ્યો છે. દાવો કરવામાં આવી રહ્યો છે કે તે સીએમ આવાસનો છે. મારપીટ પછી સ્વાતિ સોફા પર બેઠી છે.
બિભવ બહાર નીકળ્યા અને દિલ્હી પોલીસ દ્વારા તૈનાત સુરક્ષાકર્મીઓને અંદર મોકલ્યા. બિભવે સ્ટાફને સ્વાતિ માલીવાલને બહાર નીકાળવા કહ્યું. જોકે, ભાસ્કર આ વીડિયોની પુષ્ટિ કરતું નથી.
VIDEOમાં મહિલા અને સુરક્ષા કર્મચારીઓ વચ્ચેની વાતચીત
મહિલા: આજે હું આ બધા લોકોને બતાવીશ.
સિક્યુરિટી સ્ટાફ: હા, બધાને બતાવી દેજો.
મહિલા: તમે મને ડીસીપી સાથે વાત કરવા દો. હું SHO સિવિલ લાઇન સાથે વાત કરીશ.
સિક્યુરિટી સ્ટાફ: તમે અહીં ના કરી શકો.
મહિલા: તમારે જે કરવું હોય તે કરો. તમારી નોકરી પણ ખાઈશ. જો સ્પર્શ કર્યો તો.
સિક્યુરિટી સ્ટાફ: તમને નમ્ર વિનંતી કરીએ છીએ.મહિલા: 112 પર ફોન કરી દીધો છે. પોલીસને આવવા દો.
સિક્યુરિટી સ્ટાફઃ પોલીસ પણ અહીં સુધી નહીં આવે.
મહિલા: કંઈ નહીં થાય. હવે પોલીસ અંદર આવશે. તમાશો થશે.
સિક્યુરિટી સ્ટાફઃ બહાર ચાલો મેડમ.
મહિલા: ઉપાડીને બહાર ફેંકી દો.
સિક્યુરિટી સ્ટાફ: અમે તો વિનંતી કરીએ છીએ.
મહિલા: આ ગંજો…
સિક્યુરિટી સ્ટાફ: મેડમ, બહાર ચાલો.
સ્વાતિ સાથે ગેરવર્તન અને મારપીટનો મામલો આ રીતે સમજો…
આ ઘટના 13 મેની છે. સ્વાતિ સવારે 9 વાગે સીએમ આવાસ પર પહોંચી હતી. આરોપ છે કે બિભવે તેની સાથે ગેરવર્તન કર્યું અને મારપીટ કરી. ત્રણ દિવસ પછી 16મી મેના રોજ બપોરે પોલીસ તેમના ઘરે પહોંચી અને તેમનું નિવેદન નોંધ્યું. આ પછી સ્વાતિની ફરિયાદ પર દિલ્હી પોલીસે 16 મેના રોજ રાત્રે 9:30 વાગ્યે બિભવ વિરુદ્ધ FIR નોંધી.
FIRમાં એવું પણ લખવામાં આવ્યું છે કે બિભવે તેની છાતી અને પેટ પર લાત મારી અને તેનું માથું ટેબલ પર પછાડ્યું. સ્વાતિ માલીવાલે શુક્રવારે તીસ હજારી કોર્ટમાં મેજિસ્ટ્રેટ સમક્ષ પોતાનું નિવેદન નોંધાવ્યું છે. આ પહેલા ગુરુવારે રાત્રે લગભગ 11 વાગે દિલ્હી પોલીસ AAP સાંસદ સ્વાતિ માલીવાલને લઇને AIIMS પહોંચી હતી. જ્યાં તેમની મેડિકલ કરવામાં આવ્યું હતું.
નિર્મલા સીતારમણે કહ્યું- કેજરીવાલે માફી માંગવી જોઈએ
નિર્મલા સીતારમણે શુક્રવારે પ્રેસ કોન્ફરન્સમાં કહ્યું, ‘હું આ ઘટનાથી ખૂબ જ દુઃખી છું. 13 મેની આ ઘટના બાદ અરવિંદ કેજરીવાલ એક પણ શબ્દ બોલ્યા નથી. વિભવ કુમારે સીએમના ઘરમાં ગેરવર્તન કર્યું છે, જ્યારે સીએમ પોતે ગૃહમાં બેઠા છે. કેજરીવાલે પોતે સામે આવીને માફી માંગવી જોઈએ.
મંત્રી આતિષીની પ્રેસ કોન્ફરન્સ, કહ્યું- સ્વાતિની પોલ ખુલી ગઈ
આતિશીએ કહ્યું, ‘સ્વાતિ ભાજપનું પ્યાદુ છે. તેને ભાજપ દ્વારા મોકલવામાં આવી હતી. તેના તમામ આરોપો ખોટા છે. તે 13 મેના રોજ એપોઇન્ટમેન્ટ લીધા વગર સીએમ આવાસ પર પહોંચી હતી. તે સમયે સીએમ અરવિંદ કેજરીવાલ ઘરે હાજર ન હતા. છતા તેણે સીએમને મળવાની માંગ કરી. જ્યારે સ્ટાફે ના પાડી તો તે બળજબરી કરવા લાગી અને સ્ટાફ સાથે ગેરવર્તન કર્યું. આજે જે વિડિયો સામે આવ્યો છે તેમાં તેની પોલ ખુલી ગઈ છે.
