નવી દિલ્હી7 કલાક પેહલા
- કૉપી લિંક
દિલ્હીના મુખ્યમંત્રી અરવિંદ કેજરીવાલે મંગળવારે સવારે પ્રેસ કોન્ફરન્સ કરી હતી.
દિલ્હીના મુખ્યમંત્રી અરવિંદ કેજરીવાલે મંગળવારે (21 મે)ના રોજ પ્રેસ કોન્ફરન્સ દરમિયાન કહ્યું- ઉત્તર પ્રદેશના મુખ્યમંત્રી યોગી આદિત્યનાથ ગઈકાલે દિલ્હી આવ્યા હતા. તેમણે મારી સાથે દુર્વ્યવહાર કર્યો. યોગીજી તમારા અસલી દુશ્મનો તમારી જ પાર્ટીમાં છે.
તમે ભાજપમાં તમારા દુશ્મનો સામે લડો છો. તમે કેજરીવાલને કેમ ગાળો આપી રહ્યા છો? વડાપ્રધાન મોદી અને ગૃહમંત્રી અમિત શાહ તમને હટાવવા માંગે છે. તમને યુપીના સીએમ પદ પરથી હટાવવાની પુરી તૈયારીઓ ચાલી રહી છે.
કેજરીવાલે વધુમાં કહ્યું- અમિત શાહે ગઈ કાલે દિલ્હીની રેલીમાં કહ્યું હતું કે AAPને સમર્થન કરનારા પાકિસ્તાની છે. દિલ્હીની જનતાએ અમને 62 બેઠક અને પંજાબની જનતાએ 117 બેઠકમાંથી 92 બેઠક આપીને અમારી સરકાર બનાવી છે. હું અમિત શાહને પૂછવા માંગુ છું કે શું દિલ્હી અને પંજાબના લોકો પાકિસ્તાની છે?
ભાજપે જયંત સિન્હાને નોટિસ ફટકારી, મત ન આપવાનો જવાબ માંગ્યો; સિંહાને આ વખતે ટિકિટ મળી નથી
ભાજપે પૂર્વ કેન્દ્રીય મંત્રી અને હઝારીબાગના વર્તમાન સાંસદ જયંત સિન્હાને કારણ બતાવો નોટિસ ફટકારી છે. પાર્ટીના ઝારખંડ યુનિટ દ્વારા જાહેર કરવામાં આવેલી નોટિસમાં તેમને બે દિવસમાં જવાબ આપવા માટે કહેવામાં આવ્યું છે. આ વખતે પાર્ટીએ જયંત સિન્હાની ટિકિટ કાપી છે. તેઓ ચૂંટણી લડી રહ્યા નથી. જયંત પૂર્વ નાણામંત્રી યશવંત સિંહાના પુત્ર છે.
સિન્હાને આપવામાં આવેલી નોટિસમાં લખ્યું છે- પાર્ટીએ જ્યારથી મનીષ જયસ્વાલને હજારીબાગ લોકસભા સીટ પરથી ઉમેદવાર જાહેર કર્યા છે, ત્યારથી તમે સંગઠનાત્મક કામ અને ચૂંટણી પ્રચારમાં કોઈ રસ નથી લઈ રહ્યા. તમે તમારા મતાધિકારનો ઉપયોગ કરવાનું પણ યોગ્ય ન માન્યું. તમારા આચરણથી પાર્ટીની છબી ખરડાઈ છે.
વાંચો લોકસભા ચૂંટણી સંબંધિત અપડેટ્સ…
અપડેટ્સ
08:21 AM21 મે 2024
- કૉપી લિંક
કોંગ્રેસ અધ્યક્ષ ખડગેએ કહ્યું- INDI બ્લોક તરફ પવન ફૂંકાઈ રહ્યો છે
કોંગ્રેસ અધ્યક્ષ મલ્લિકાર્જુન ખડગેએ ન્યૂઝ એજન્સી પીટીઆઈને આપેલા ઈન્ટરવ્યુમાં કહ્યું કે ઈન્ડી બ્લોક તરફ પવન ફૂંકાઈ રહ્યો છે. લોકોનો અમારા પ્રત્યેનો અભિગમ બદલાઈ ગયો છે. અમે ભાજપને બહુમતી મેળવતા રોકી શકીશું.
રામમંદિર, હિન્દુ-મુસ્લિમ, ભારત-પાકિસ્તાનના નામે ભાજપ વારંવાર લોકોને ઉશ્કેરે છે અને ભાવનાત્મક રીતે લૂંટે છે. લોકશાહીને બચાવવાનું આહ્વાન બધા ભારતીયોના મૂળભૂત અધિકારો, વાણી અને અભિવ્યક્તિની સ્વતંત્રતાને બચાવવા માટે છે.
08:15 AM21 મે 2024
- કૉપી લિંક
મુંબઈના વર્લીમાં પોલિંગ બૂથ એજન્ટનું મોત, વોશરૂમમાંથી મૃતદેહ મળ્યો
લોકસભા ચૂંટણીના પાંચમા તબક્કામાં સોમવારે મુંબઈમાં મતદાન થયું હતું. આ દરમિયાન વર્લીના એક બૂથ પર એક પોલિંગ એજન્ટનું મોત થયું હતું. પોલિંગ એજન્ટ મનોજ નાલગેનો મૃતદેહ વોશરૂમમાંથી મળી આવ્યો હતો.
પોલીસે જણાવ્યું કે તે સવારે વોટિંગ દરમિયાન વોશરૂમ ગયો હતો. જ્યારે તે લાંબા સમય સુધી પરત ન ફર્યો ત્યારે તેના મિત્રો તેને શોધવા માટે વોશરૂમમાં ગયા, જ્યાં તેમને મનોજનો મૃતદેહ મળ્યો. તેનો પોસ્ટમોર્ટમ રિપોર્ટ આ પછી જ મોતનું કારણ જાણી શકાશે.
08:14 AM21 મે 2024
- કૉપી લિંક
ભાજપે જયંત સિન્હાને નોટિસ ફટકારી, મત ન આપવાનો જવાબ માંગ્યો; સિંહાને આ વખતે ટિકિટ મળી નથી
ભાજપે પૂર્વ કેન્દ્રીય મંત્રી અને હઝારીબાગના વર્તમાન સાંસદ જયંત સિન્હાને કારણ બતાવો નોટિસ ફટકારી છે. પાર્ટીના ઝારખંડ યુનિટ દ્વારા જાહેર કરવામાં આવેલી નોટિસમાં તેમને બે દિવસમાં જવાબ આપવા માટે કહેવામાં આવ્યું છે. આ વખતે પાર્ટીએ જયંત સિન્હાની ટિકિટ કાપી છે. તેઓ ચૂંટણી લડી રહ્યા નથી. જયંત પૂર્વ નાણામંત્રી યશવંત સિંહાના પુત્ર છે.
05:17 AM21 મે 2024
- કૉપી લિંક
AAPએ વોટિંગ દ્વારા જેલનો જવાબ આપવા માટે હસ્તાક્ષર અભિયાન શરૂ કર્યું
AAP કાર્યકર્તાઓએ દિલ્હીના મુખ્યમંત્રી અરવિંદ કેજરીવાલની ધરપકડ વિરુદ્ધ ‘જેલ કા જવાબ વોટ સે’ હસ્તાક્ષર અભિયાન શરૂ કર્યું. આ દરમિયાન દિલ્હી MCD મેયર શૈલી ઓબેરોય પણ હાજર હતા. શૈલી ઓબેરોયે કહ્યું- અમે હસ્તાક્ષર દ્વારા જાહેર સમર્થન લઈ રહ્યા છીએ. દેશમાં ચાલી રહેલી ભાજપની તાનાશાહીનો જવાબ આપવા જનતા તૈયાર છે. જનતા સમજી ગઈ છે કે કઈ રીતે વિપક્ષને ખતમ કરવામાં આવી રહ્યો છે. અમને જનતાનો સંપૂર્ણ સહયોગ મળી રહ્યો છે.
05:15 AM21 મે 2024
- કૉપી લિંક
યોગીએ કહ્યું- કોંગ્રેસમાં ઔરંગઝેબની આત્મા છે
ઉત્તર પ્રદેશના સીએમ યોગી આદિત્યનાથ સોમવારે લોકસભા ચૂંટણીના પ્રચાર માટે ચંદીગઢ પહોંચ્યા હતા. જનસભાને સંબોધતા તેમણે કહ્યું- કોંગ્રેસમાં ઔરંગઝેબની આત્મા છે. અમને બીજા ઔરંગઝેબ નથી જોઈતા. મોદીએ એક ભારત- શ્રેષ્ઠ ભારત બનાવ્યું છે. આપણે તેને આત્મનિર્ભર બનાવવાનું છે.
યોગીએ વધુમાં કહ્યું- પહેલા કોંગ્રેસે સમાજના ભાગલા પાડ્યા. હવે તેમની નજર લોકોની સંપત્તિ પર છે. તેમના એક નેતાએ કહ્યું કે જો સરકાર આવશે તો તેઓ સર્વે કરશે અને પછી વારસાગત ટેક્સ લગાવશે. તમારા દાગીના,ઘર, અને બધી મિલકતમાં અડધો ભાગ લઈ લેશે અને મુસ્લિમોને આપી દેશે.
05:11 AM21 મે 2024
- કૉપી લિંક
બિહારમાં મતદાન બાદ હિંસક અથડામણ, 1નું મોત, 2 ઘાયલ
બિહારના સારણમાં સોમવારે મતદાન બાદ હિંસક અથડામણ થઈ હતી. મીડિયા રિપોર્ટ્સ અનુસાર ફાયરિંગમાં એક વ્યક્તિનું મોત થયું છે અને બે ઘાયલ થયા છે.
05:10 AM21 મે 2024
- કૉપી લિંક
બીજેપી સાંસદ જયંત સિન્હાએ ન તો પ્રચાર કર્યો ન તો મત આપ્યો, બીજેપીએ નોટિસ આપી
પાર્ટીએ ઝારખંડના હજારીબાગના બીજેપી સાંસદ જયંત સિન્હાને નોટિસ પાઠવી છે. બે દિવસમાં જવાબ આપવા જણાવ્યું છે. મતદાન પૂર્ણ થયા બાદ તરત જ આ કાર્યવાહી કરવામાં આવી હતી.
નોટિસમાં જયંતને કહેવામાં આવ્યું હતું કે તમારા વલણથી પાર્ટીની છબી ખરડાઈ છે. જ્યારથી પાર્ટી દ્વારા મનીષ જયસ્વાલને હજારીબાગથી ઉમેદવાર જાહેર કરવામાં આવ્યા છે, ત્યારથી તમે પ્રચાર અને સંગઠનાત્મક કાર્યમાં રસ લેતા નથી.
તમે તમારો મત આપવાનું પણ યોગ્ય ન માન્યું. પાર્ટીએ આગામી સમયમાં જયંત સામે કડક શિસ્તભંગના પગલાં લેવાનો સંદેશ પણ આપ્યો છે.
05:08 AM21 મે 2024
- કૉપી લિંક
લોકસભા ચૂંટણી 7 તબક્કામાં, પરિણામ 4 જૂને આવશે
ચૂંટણી પંચે 16 માર્ચે લોકસભા ચૂંટણી 2024ની તારીખોની જાહેરાત કરી હતી. આ સાથે આચારસંહિતા પણ અમલમાં આવી ગઈ હતી. 543 બેઠકો માટે સાત તબક્કામાં ચૂંટણી યોજાશે. પ્રથમ તબક્કાનું મતદાન 19મી એપ્રિલના રોજ થયું છે. છેલ્લા તબક્કાનું મતદાન 1 જૂને થશે. પરિણામ 4 જૂને આવશે. આચારસંહિતાથી પરિણામ આવવામાં 80 દિવસ લાગશે.
