નવી દિલ્હી8 મિનિટ પેહલા
- કૉપી લિંક
બોમ્બે હાઈકોર્ટે કહ્યું છે કે, IPCની કલમ 354(D) હેઠળ એક વખત છોકરીને ફોલો કરવી એ પીછો કરવા સમાન નથી. કાયદેસર રીતે કોઈને સતત અનુસરવું એ ગુનો ગણવામાં આવશે.
જસ્ટિસ જીએ સનપે જાતીય સતામણીના બે 19 વર્ષના આરોપીઓની અરજી પર સુનાવણી કરતા આ નિર્ણય આપ્યો હતો. બંને પર 14 વર્ષની છોકરીનું યૌનશોષણ કરવાનો અને બળજબરીથી તેના ઘરમાં ઘૂસી જવાનો આરોપ હતો. જસ્ટિસ સનપે કહ્યું કે, છોકરીને અનુસરવાની એક પણ ઘટનાને IPC હેઠળ ગુનો ગણી શકાય નહીં.
આરોપી જાન્યુઆરી 2020માં યુવતીના ઘરમાં બળજબરીથી ઘુસ્યો હતો મામલો જાન્યુઆરી 2020નો છે, જ્યારે મુખ્ય આરોપીએ સગીર છોકરીનો પીછો કર્યો હતો અને તેની સાથે લગ્ન કરવાની ઈચ્છા વ્યક્ત કરી હતી. યુવતીના ના પાડ્યા બાદ પણ આરોપી રાજી ન થયો. છોકરીની માતાએ છોકરાના પરિવારને આ અંગે વાત કર્યા પછી પણ આરોપીએ છોકરીને હેરાન કરવાનું ચાલુ રાખ્યું હતું.
26 ઓગસ્ટ, 2020ના રોજ આરોપી છોકરીના ઘરમાં ઘૂસી ગયો અને તેનો ચહેરો દબાવ્યો અને તેને અયોગ્ય રીતે સ્પર્શ કર્યો. આ દરમિયાન બીજા આરોપીએ ઘરની બહાર ચોકી કરી હતી. ટ્રાયલ કોર્ટે બંને આરોપીઓ વિરુદ્ધ IPC અને POCSO એક્ટ હેઠળ અનેક કેસ નોંધ્યા હતા. આમાં પીછો કરવો, જાતીય સતામણી, બળજબરીથી પ્રવેશ અને ગુનાહિત ડરાવવાનો સમાવેશ થાય છે.
હાઈકોર્ટે મુખ્ય આરોપીની સજા યથાવત રાખી, સજા ઘટાડી કેસની સમીક્ષા કર્યા પછી હાઇકોર્ટે કહ્યું કે, પીછો કરવાનો કેસ માત્ર એક ઘટનાના આધારે નોંધવામાં આવ્યો છે, જ્યારે આરોપીઓએ નદી સુધી યુવતીનો પીછો કર્યો હતો. જસ્ટિસ સનપે સ્પષ્ટ કર્યું હતું કે, કલમ 354(D) હેઠળ આરોપીએ પીડિતાને સતત ફોલો કરી હોય, તેણીને સતત જોયા હોય અથવા શારીરિક અથવા ડિજિટલ માધ્યમથી તેનો સંપર્ક કરવાનો પ્રયાસ કર્યો હોય તે જરૂરી છે.
કોર્ટે બીજા આરોપીને તમામ આરોપોમાંથી નિર્દોષ જાહેર કર્યો અને કહ્યું કે તેણે ઘરની બહાર ઉભા રહેવા સિવાય બીજું કંઈ કર્યું નથી. આ સાથે કોર્ટે IPCની કલમ 354(A) અને POCSOની કલમ 8 હેઠળ મુખ્ય આરોપીને દોષિત ઠેરવ્યો હતો. જોકે, હાઈકોર્ટે મુખ્ય આરોપીની સજામાં ઘટાડો કર્યો હતો. તેની પાછળ કોર્ટનો તર્ક એવો હતો કે તે યુવાન હતો અને અઢી વર્ષની કસ્ટડીમાં રહી ચૂક્યો હતો.
