Related posts
નવી દિલ્હી42 મિનિટ પેહલા
- કૉપી લિંક
દિલ્હીના મુખ્યમંત્રી કાર્યાલયે પણ વીડિયો શેર કર્યો હતો. તેમાં જોઈ શકાય છે કે સીએમ આવાસમાંથી બહાર કાઢવામાં આવેલા સામાન વચ્ચે આતિશી બેઠા છે.
દિલ્હીના સીએમ આવાસમાંથી બહાર કાઢ્યાના એક દિવસ પછી, આતિશી તેમના પ્રાઈવેટ ઘરે CM ઓફિસનું કામ કરતા જોવા મળ્યા હતા. તેનો વીડિયો દિલ્હીના મુખ્યમંત્રી કાર્યાલયે પણ શેર કર્યો હતો. તેમાં જોઈ શકાય છે કે આતિશી સીએમ આવાસમાંથી બહાર કાઢવામાં આવેલા સામાનથી ભરેલા કાર્ટુન વચ્ચે બેઠા છે. આ દરમિયાન તેમણે એક ફાઇલ પર સહી પણ કરી હતી.
CM આવાસનો વિવાદ ત્યારે વધી ગયો જ્યારે 9 ઓક્ટોબરે PWDએ સિવિલ લાઇન્સના ફ્લેગસ્ટાફ રોડ પરના બંગલા નંબર 6ને સીલ કરી દીધો. CM આતિશી 7 ઓક્ટોબરે આ બંગલામાં રહેવા ગયા હતા. ત્રણ દિવસ પછી તેમને બંગલો ખાલી કરાવવામાં આવ્યો.
દિલ્હી LG ઓફિસના જણાવ્યા અનુસાર આ બંગલો મુખ્યમંત્રીનું ઘર નથી અને તે કોઈને પણ ફાળવી શકાય છે. આતિશીએ આ બંગલામાં ગેરકાયદેસર કબજો જમાવ્યો હતો. જો કોઈ અમારી મિલકત પર કબજો જમાવે છે, તો માલિક પગલાં લેવા માટે હકદાર છે.
ઑક્ટોબર 7: જ્યારે આતિશીનો સામાન સીએમ આવાસમાં શિફ્ટ કરવામાં આવ્યો. ઑક્ટોબર 9: આ તસવીર એ સમયની છે જ્યારે આતિશીના સામનને ઘરમાંથી બહાર કાઢવામાં આવ્યો હતો.
9 ઓક્ટોબરની સાંજે સીએમ આતિશીનો સામાન દિલ્હીના બંગલા નંબર 6માંથી બહાર કાઢવામાં આવ્યો હતો.
આતિશી લગભગ બે દિવસ આ બંગલામાં રોકાયા હતા. PWDએ તેમની પાસેથી ચાવીઓ પાછી લઈ લીધી છે.
PWDએ આતિશી પાસેથી ઘરની ચાવી લીધી, AAPનો આરોપ – સામાન બહાર ફેંકી દીધો PWDના અધિકારીઓ 9 ઓક્ટોબરના રોજ સવારે 11-11:30 વાગ્યે મુખ્યમંત્રી આવાસ પર આવ્યા હતા. તેમના કહેવા પ્રમાણે, મકાન સોંપવામાં નિયમોનું પાલન કરવામાં આવ્યું નહોતું. આતિશી પાસે આ ઘરની ચાવી હતી, પરંતુ તેને ઘરની ફાળવવાના સત્તાવાર દસ્તાવેજો આપવામાં આવ્યા ન હતા. અધિકારીઓએ બપોર સુધીમાં ઘરની ચાવીઓ લઈ લીધી હતી.
આ અંગે સીએમ ઓફિસે કહ્યું, ‘ઈતિહાસમાં પહેલીવાર કોઈ મુખ્યમંત્રીને તેમનું ઘર ખાલી કરવાનું કહેવામાં આવ્યું છે. ભાજપના ઈશારે LG એ સીએમ આતિશીનો ઘરનો સામાન બળજબરીપૂર્વક બહાર કાઢ્યો હતો. આ સીએમ આવાસ બીજેપીના મોટા નેતાને આપવાની તૈયારી ચાલી રહી છે. 27 વર્ષથી દિલ્હીમાં ભાજપની સરકાર નથી, હવે તે સીએમ આવાસ ઝુંટવી લેવા માંગે છે.
PWDએ 6 ઓક્ટોબરે સીએમ ઓફિસને પત્ર લખીને કહ્યું હતું કે કેજરીવાલે ઘર ખાલી કરતી વખતે આપેલી ચાવી થોડા સમય પછી પાછી લઈ લેવામાં આવી હતી. PWDએ મકાનની ફાળવણી માટે ચાવી આપવાની વાત કરી હતી.
વિજિલન્સ વિભાગે ત્રણ અધિકારીઓને શો-કોઝ નોટિસ ફટકારી કેજરીવાલના સ્પેશિયલ સેક્રેટરી સહિત ત્રણ અધિકારીઓને વિજિલન્સ ડિરેક્ટરે કારણ બતાવો નોટિસ ફટકારી છે. અન્ય બે અધિકારીઓ એવા છે જેઓ જ્યારે કેજરીવાલ સીએમ હતા ત્યારે સીએમ ઓફિસમાં તહેનાત હતા. તેમને પૂછવામાં આવ્યું છે કે સ્પષ્ટ સૂચનાઓ આપ્યા પછી પણ તેમણે પીડબલ્યુડીને મુખ્યમંત્રી આવાસની ચાવીઓ કેમ ન સોંપી. આ અધિકારીઓને સાત દિવસમાં જવાબ આપવા માટે કહેવામાં આવ્યું છે.
ભાજપનો આરોપ – કેજરીવાલના શીશ મહેલમાં છુપાયેલા ઘણા રહસ્યો દિલ્હી બીજેપી અધ્યક્ષ વીરેન્દ્ર સચદેવાએ આ મામલે કહ્યું, ‘અરવિંદ કેજરીવાલના ‘શીશ મહેલ’ને આખરે સીલ કરી દેવામાં આવ્યો છે… તે બંગલામાં કયા રહસ્ય છુપાયેલા છે કે સંબંધિત વિભાગને ચાવી આપ્યા વિના તમે બંગલામાં ફરી ઘુસવાનો પ્રયાસ કરી રહ્યા હતા?’
તેમણે વધુમાં કહ્યું- ‘તમે તમારો સામાન બે નાની ટ્રકમાં લઈ જઈને સારું ડ્રામા કર્યો છે. બધા જાણે છે કે બંગલો હજુ પણ તમારા કબજામાં છે. તમે જે રીતે આતિશીને બંગલો સોંપવાનો પ્રયાસ કર્યો તે ગેરકાયદે હતો. આતિશીને પહેલેથી જ બંગલો ફાળવવામાં આવ્યો છે, તો તે તમારો બંગલો કેવી રીતે લઈ શકે છે? તે બંગલામાં ઘણા રહસ્યો છુપાયેલા છે.
કેજરીવાલ માતા-પિતા સાથે નવા બંગલામાં શિફ્ટ થયા
સીએમ હાઉસમાંથી બહાર નીકળતી વખતે અરવિંદ કેજરીવાલ અને પત્ની સુનીતા. કેજરીવાલના માતા-પિતા પણ છે.
અરવિંદ કેજરીવાલ 4 ઓક્ટોબરની બપોરે લ્યુટિયન્સ દિલ્હીના ફિરોઝશાહ રોડ પરના બંગલા નંબર 5માં શિફ્ટ થયા હતા. આ બંગલો AAPના પંજાબના રાજ્યસભા સાંસદ અશોક મિત્તલને આપવામાં આવ્યો છે.
કેજરીવાલ તેમની પત્ની સુનીતા કેજરીવાલ, માતા-પિતા અને બંને બાળકો સાથે શિફ્ટ થયા છે. અશોક મિત્તલ અને તેમની પત્નીએ બધાને તેમના ઘરમાં આવકાર્યા. મિત્તલે ન્યૂઝ એજન્સી ANIને જણાવ્યું કે કેજરીવાલ મારા ઘરે મહેમાન બનીને શિફ્ટ થયા છે.
કેજરીવાલે 17 સપ્ટેમ્બરે દિલ્હીના મુખ્યમંત્રી પદ પરથી રાજીનામું આપી દીધું હતું. તેમણે સીએમ આવાસ અને તમામ સરકારી સુવિધાઓ છોડવાની જાહેરાત કરી હતી. AAPએ કહ્યું હતું કે કેજરીવાલ નવા ઘરની શોધમાં છે. તેઓ એવી જગ્યા શોધી રહ્યા છે જ્યાં રહેવામાં કોઈ વિવાદ ન હોય.
AAP એ આરોપ લગાવ્યો હતો કે રાષ્ટ્રીય પાર્ટીના વડા તરીકે કેજરીવાલને આવાસ આપવા માટે કેન્દ્ર સરકાર પાસે માંગ કરવામાં આવી હતી, પરંતુ સરકાર તરફથી આ અંગે કોઈ જવાબ આપવામાં આવ્યો નથી.
સીએમ આવાસ છોડીને નવા ઘરમાં શિફ્ટ થતા કેજરીવાલના 7 ફોટા…
સુનિતા કેજરીવાલ સીએમ હાઉસમાંથી બહાર નીકળતી વખતે કર્મચારીઓને મળ્યા.
અરવિંદ કેજરીવાલે સીએમ હાઉસના સ્ટાફને ભેટી પડ્યા હતા.
સુનિતા કેજરીવાલ સીએમ હાઉસની ચાવીઓ સોંપી રહ્યા છે.
આજે સવારે કેજરીવાલનો સામાન AAP સાંસદ અશોક મિત્તલના બંગલામાં પહોંચાડવામાં આવ્યો હતો.
કેજરીવાલનો સામાન મીની ટ્રકમાં સીએમ આવાસથી તેમના નવા ઘર સુધી પહોંચાડવામાં આવ્યો હતો.
અશોક મિત્તલ અને તેમની પત્નીએ કેજરીવાલનું તેમના બંગલામાં સ્વાગત કર્યું હતું.
કેજરીવાલ તેમના પરિવાર સાથે પૂજા કર્યા બાદ તેમના નવા ઘરમાં પ્રવેશ્યા હતા.
