દિલ્હી વિધાનસભાનું સત્ર શરૂ: CM રેખા ગુપ્તા અને દિલ્હી સરકારના મંત્રીઓએ શપથ લીધા; ભાજપે કહ્યું- CAGના 14 પેન્ડિંગ રિપોર્ટ રજૂ કરવામાં આવશે

દિલ્હી વિધાનસભામાં મુખ્યમંત્રી રેખા ગુપ્તાએ શપથ લીધા હતા.

દિલ્હી વિધાનસભાનું સત્ર સોમવારથી શરૂ થયું છે. પ્રોટેમ સ્પીકર અરવિંદર સિંહ લવલીએ સૌથી પહેલા મુખ્યમંત્રી રેખા ગુપ્તાને શપથ લેવડાવ્યા હતા. ત્યારબાદ દિલ્હી સરકારના કેબિનેટ મંત્રીઓ પ્રવેશ સાહિબ સિંહ, આશિષ સૂદ, મનજિંદર સિંહ સિરસા અને રવિન્દર ઈન્દ્રરાજ સિંહે શપથ લીધા.આ પહેલા એલજી વીકે સક્સેનાએ પ્રોટેમ સ્પીકર અરવિંદર સિંહ લવલીને શપથ લેવડાવ્યા હતા. વિધાનસભા સત્ર 27 ફેબ્રુઆરી સુધી ચાલશે.

આ સત્રમાં જ સ્પીકર અને ડેપ્યુટી સ્પીકરની પસંદગી કરવામાં આવશે. રોહિણીના ભાજપના ધારાસભ્ય વિજેન્દ્ર ગુપ્તા સ્પીકર બનશે તે લગભગ નક્કી છે. જ્યારે મોહન સિંહ બિષ્ટને ડેપ્યુટી સ્પીકર બનાવી શકાય છે. વિજેન્દ્ર ગુપ્તા શનિવારે CM રેખા ગુપ્તાને મળ્યા હતા.

CM રેખા ગુપ્તાએ રવિવારે જણાવ્યું હતું કે CAGના તમામ 14 પેન્ડિંગ રિપોર્ટ વિધાનસભાના આ સત્રમાં રજૂ કરવામાં આવશે. રિપોર્ટમાં કહેવામાં આવ્યું છે કે AAP સરકારની ખોટી લિકર પોલિસીને કારણે દિલ્હીને 2026 કરોડ રૂપિયાનું નુકસાન થયું છે.

દિલ્હી વિધાનસભા બુલેટિન અનુસાર, એલજી સક્સેના 25 ફેબ્રુઆરીએ વિધાનસભાને સંબોધશે. આ પછી CAGનો રિપોર્ટ રજૂ કરવામાં આવશે. ત્યારબાદ વિધાનસભામાં ઉપરાજ્યપાલના સંબોધન પર આભાર પ્રસ્તાવ માટે ચર્ચા થશે.

લાઈવ અપડેટ્સ

23 મિનિટ પેહલા

• કૉપી લિંક

દિલ્હીના કેબિનેટ મંત્રી કપિલ મિશ્રા અને પંકજ કુમાર સિંહે શપથ લીધા

25 મિનિટ પેહલા

• કૉપી લિંક

AAPના ધારાસભ્ય સંજીવ ઝાએ સંસ્કૃતમાં શપથ લીધા, ટ્રેડિશનલ ડ્રેસ પહેરીને પહોંચ્યા હતા

આમ આદમી પાર્ટી (AAP)ના ધારાસભ્ય સંજીવ ઝાએ સંસ્કૃતમાં ધારાસભ્યપદના શપથ લીધા. સંજીવ વિધાનસભાના પ્રથમ સત્ર માટે મિથિલાનો પરંપરાગત ડ્રેસ પહેરીને પહોંચ્યા હતા.

31 મિનિટ પેહલા

• કૉપી લિંક

દિલ્હી સરકારના મંત્રીઓએ શપથ લીધા

દિલ્હીના કેબિનેટ મંત્રીઓ પ્રવેશ સાહિબ સિંહ, આશિષ સૂદ, મનજિંદર સિંહ સિરસા અને રવિન્દર ઈન્દ્રરાજ સિંહે શપથ લીધા.

51 મિનિટ પેહલા

• કૉપી લિંક

મુખ્યમંત્રી રેખા ગુપ્તાએ શપથ લીધા

દિલ્હી વિધાનસભાની કાર્યવાહી શરૂ થઈ ગઈ છે. પ્રોટેમ સ્પીકર તરીકે ચૂંટાયેલા અરવિંદ સિંહ લવલી ધારાસભ્યોને શપથ લેવડાવે છે. સૌથી પહેલા દિલ્હીના મુખ્યમંત્રી રેખા ગુપ્તા વિધાનસભાના સભ્ય તરીકે શપથ લીધા છે.

57 મિનિટ પેહલા

• કૉપી લિંક

હવે ધારાસભ્યો શપથ લઈ રહ્યા છે

05:32 AM24 ફેબ્રુઆરી 2025

• કૉપી લિંક

સ્પીકરના શપથ પહેલા વિજેન્દ્ર ગુપ્તા મંદિરે પહોંચ્યા

05:24 AM24 ફેબ્રુઆરી 2025

• કૉપી લિંક

આતિશીએ કહ્યું- અમે વિધાનસભામાં જનતાનો અવાજ ઉઠાવીશું

વિધાનસભામાં વિપક્ષના નેતા આતિશીએ કહ્યું- દિલ્હીની જનતાએ અમને વિપક્ષની જવાબદારી સોંપી છે અને અમે વિધાનસભામાં લોકોનો અવાજ ઉઠાવીશું.

તેમણે વધુમાં કહ્યું કે ભાજપે દિલ્હીની જનતાને વચન આપ્યું હતું કે દરેક મહિલાને દર મહિને 2500 રૂપિયા આપવાની યોજના પ્રથમ કેબિનેટ બેઠકમાં પસાર કરવામાં આવશે. પરંતુ હજુ સુધી આ બન્યું નથી. અમે આ મુદ્દો વિધાનસભામાં ઉઠાવીશું.

05:18 AM24 ફેબ્રુઆરી 2025

• કૉપી લિંક

બીજેપી ધારાસભ્ય નેગીએ કહ્યું- પાણી અને ગટરની સમસ્યાનો અંત આવશે

બીજેપી ધારાસભ્ય રવિન્દર સિંહ નેગીએ કહ્યું- અમે વડાપ્રધાન નરેન્દ્ર મોદીના નેતૃત્વમાં દિલ્હી વિધાનસભા ચૂંટણી જીતી છે. અમારે દિલ્હીમાં ઘણું કામ કરવાનું છે.

વધુમાં કહ્યું કે અમે પાણી અને ગટરની મુખ્ય સમસ્યાઓ પર કામ કરીશું. યમુનાની સફાઈ કરશે અને દિલ્હીની જનતાને આપેલા વચનો પૂરા કરશે.

05:16 AM24 ફેબ્રુઆરી 2025

• કૉપી લિંક

CAG રિપોર્ટ અને મહિલા સન્માન યોજના પર હોબાળો થવાની શક્યતા છે

દિલ્હી ભાજપ પ્રમુખ વીરેન્દ્ર સચદેવાએ જણાવ્યું હતું કે ભાજપ સરકારનો એકમાત્ર એજન્ડા વિકસિત દિલ્હી સુનિશ્ચિત કરવાનો અને લોકોના દુઃખ અને સમસ્યાઓ દૂર કરવાનો છે. સચદેવાએ આરોપ લગાવ્યો કે AAP પાસે CAG રિપોર્ટ રજૂ કરવા માટે પૂરતો સમય છે. તેના બદલે, તેઓ હવે એવો ડોળ કરે છે કે દિલ્હી વિધાનસભાની ચૂંટણીને કારણે રિપોર્ટ સબમિટ કરી શકાયો નથી.

26 વર્ષ પછી દિલ્હીમાં સત્તામાં પરત ફરી રહેલી ભાજપ 2015-2024 દરમિયાન 14 પેન્ડિંગ CAG રિપોર્ટ્સમાં દર્શાવેલ અનિયમિતતાઓ અને ભ્રષ્ટાચાર અંગે AAP પર હુમલો કરશે. AAPએ કહ્યું છે કે તે સત્તામાં આવ્યા પછીની પહેલી કેબિનેટ બેઠકમાં દિલ્હીની મહિલાઓને 2,500 રૂપિયા આપવાની ભાજપની ચૂંટણી યોજના પસાર ન કરવાનો મુદ્દો ઉઠાવશે.

05:16 AM24 ફેબ્રુઆરી 2025

• કૉપી લિંક

દિલ્હીમાં પહેલીવાર વિપક્ષના નેતા મહિલા બન્યા

વિધાનસભા સત્રના એક દિવસ પહેલા રવિવારે AAP ધારાસભ્યોની બેઠક યોજાઈ હતી. 22 ધારાસભ્યો ઉપરાંત પૂર્વ મુખ્યમંત્રી અરવિંદ કેજરીવાલે પણ તેમાં ભાગ લીધો હતો.

બેઠકમાં, ભૂતપૂર્વ મુખ્યમંત્રી અને કાલકાજીના ધારાસભ્ય આતિશીને વિરોધ પક્ષના નેતા તરીકે ચૂંટવામાં આવ્યા. દિલ્હીમાં પહેલી વાર મહિલા વિપક્ષ નેતા હશે.

આ ઉપરાંત, પહેલીવાર સરકાર અને વિપક્ષની કમાન બે મહિલાઓના હાથમાં છે.

05:15 AM24 ફેબ્રુઆરી 2025

• કૉપી લિંક

ભાજપના ધારાસભ્યોએ પણ બેઠક યોજી

રવિવારે ભાજપના ધારાસભ્યોએ પણ એક બેઠક યોજી હતી. મુખ્યમંત્રી રેખા ગુપ્તા, 6 મંત્રીઓ અને ધારાસભ્યોએ તેમાં ભાગ લીધો હતો. બેઠકમાં 8મી દિલ્હી વિધાનસભાના પ્રથમ સત્ર માટે પાર્ટીના એજન્ડા પર ચર્ચા કરવામાં આવી હતી.

ભાજપના ધારાસભ્ય રાજકુમાર ભાટિયાએ જણાવ્યું હતું કે પ્રદેશ પ્રમુખ અને મહાસચિવ (સંગઠન) પવન રાણાએ ધારાસભ્યોને ગૃહમાં તેમના સંસદીય વર્તન વિશે માહિતી આપી હતી. ઉપરાંત, આગામી દિવસોમાં સરકાર અને પક્ષ સંગઠન સાથે સંકલન અંગે પણ ચર્ચા કરવામાં આવી હતી.

05:15 AM24 ફેબ્રુઆરી 2025

• કૉપી લિંક

દિલ્હી કેબિનેટની પહેલી બેઠકમાં આયુષ્માન યોજનાને મંજૂરી આપવામાં આવી

રેખા ગુપ્તાએ 20 ફેબ્રુઆરીએ દિલ્હીના મુખ્યમંત્રી તરીકે શપથ લીધા. આ પછી, તેમણે તેમના 6 મંત્રીઓ સાથે સચિવાલયમાં તેમની પહેલી કેબિનેટ બેઠક યોજી. એક કલાક ચાલેલી આ બેઠકમાં આયુષ્માન ભારત યોજના લાગુ કરવા અને વિધાનસભા સત્રમાં 14 CAG રિપોર્ટ રજૂ કરવા માટે મંજૂરી આપવામાં આવી.

મીટિંગ પછી, તેઓ સાંજે પોતાના મંત્રીમંડળ સાથે યમુના ઘાટ પહોંચ્યા. તેમણે અહીં નદીની આરતી કરી. દિલ્હી વિધાનસભા ચૂંટણીમાં યમુનાની સફાઈ એક મોટો મુદ્દો રહ્યો છે. ભાજપે પોતાના ચૂંટણી ઢંઢેરામાં યમુનાને સ્વચ્છ કરવાનું વચન પણ આપ્યું છે.