શ્રીનગર20 મિનિટ પેહલા
- કૉપી લિંક
જમ્મુ-કાશ્મીરના કિશ્તવાડના ચત્તારુમાં શુક્રવારે આતંકવાદીઓ અને સુરક્ષા દળો વચ્ચેની અથડામણમાં સેનાના બે જવાન શહીદ થયા હતા. તેમની ઓળખ નાયબ સુબેદાર વિપિન કુમાર અને વ્હાઇટ નાઈટ કોર્પ્સના કોન્સ્ટેબલ અરવિંદ સિંહ તરીકે કરવામાં આવી છે.
વધુ બે ઘાયલ જવાનોની સારવાર ચાલી રહી છે. સુરક્ષા દળોએ પિંગનલ દુગ્ગાડાના જંગલોમાં છુપાયેલા 3-4 આતંકવાદીઓને ઘેરી લીધા છે. એન્કાઉન્ટર હજુ ચાલુ છે.
ચત્રુ બેલ્ટના નૈદગામ વિસ્તારમાં જૈશ-એ-મોહમ્મદના ત્રણ આતંકવાદીઓની હાજરીની બાતમી મળ્યા બાદ સુરક્ષા દળોએ સર્ચ ઓપરેશન શરૂ કર્યું હતું. ત્યારબાદ એન્કાઉન્ટર થયું હતું.
બે દિવસ પહેલા બે આતંકવાદીઓ માર્યા ગયા હતા બે દિવસ પહેલા ઉધમપુરમાં સુરક્ષા દળો સાથેની અથડામણમાં બે આતંકવાદીઓ માર્યા ગયા હતા. સેનાએ જણાવ્યું કે સેનાના ફર્સ્ટ પેરાના જવાનોને બુધવારે સવારે ઉધમપુરના ખંડરા ટોપના જંગલોમાં 2-3 આતંકીઓ છુપાયા હોવાની માહિતી મળી હતી.
આ પછી પોલીસ સાથે મળીને સર્ચ ઓપરેશન હાથ ધરવામાં આવ્યું હતું. બપોરે 12.50 કલાકે આતંકીઓએ જવાનો પર ગોળીબાર કર્યો હતો. જવાબમાં જવાનોએ પણ ગોળીબાર કર્યો હતો. લગભગ ચાર કલાક સુધી ચાલેલા એન્કાઉન્ટર બાદ સુરક્ષાદળોએ ત્રણેય આતંકીઓને ઠાર માર્યા હતા.
જમ્મુ-કાશ્મીર વિધાનસભા ચૂંટણીના પ્રથમ તબક્કા માટે 18 સપ્ટેમ્બરે મતદાન થવાનું છે. આના સાત દિવસ પહેલા ઉધમપરમાં એન્કાઉન્ટર અને સીઝફાયરનું ઉલ્લંઘન થયું હતું. તેથી સુરક્ષા દળોને એલર્ટ પર રાખવામાં આવ્યા છે.
ઉધમપુરમાં એન્કાઉન્ટર દરમિયાન આતંકવાદીઓ માર્યા ગયા.
જ્યારે જમ્મુ-કાશ્મીરના અખનૂરમાં 10-11 સપ્ટેમ્બરની રાત્રે 2.35 વાગ્યે પાકિસ્તાની સૈનિકોએ સરહદ પર યુદ્ધવિરામનું ઉલ્લંઘન કર્યું હતું. જવાબમાં બીએસએફના જવાનોએ પણ ગોળીબાર કર્યો હતો. ફાયરિંગમાં બીએસએફનો એક જવાન ઘાયલ થયો છે.
બીએસએફના પ્રવક્તાએ કહ્યું કે જવાબી કાર્યવાહીમાં પાકિસ્તાનને કેટલું નુકસાન થયું તે હજુ જાણી શકાયું નથી. આ ઘટના બાદ બીએસએફના જવાનો સરહદ પર કડક ચાંપતી નજર રાખી રહ્યા છે.
કુપવાડાના કેરન સેક્ટરમાંથી મોટી માત્રામાં હથિયારો મળી આવ્યા છે. બાતમી મળ્યા બાદ સેના અને જમ્મુ-કાશ્મીર પોલીસે કુપવાડાના કેરન સેક્ટરમાં સર્ચ ઓપરેશન હાથ ધર્યું હતું. આ ઓપરેશનમાં સેનાએ મોટી સંખ્યામાં હથિયારો, ગોળીઓ અને વિસ્ફોટક સામગ્રી જપ્ત કરી છે. જેમાં એકે-47 બુલેટ, હેન્ડ ગ્રેનેડ અને વિસ્ફોટક ઉપકરણોનો સમાવેશ થાય છે.
10 ઓગસ્ટે બે જવાનો શહીદ થયા હતા 10 ઓગસ્ટના રોજ અનંતનાગના કોકરનાગમાં આતંકવાદીઓના ગોળીબારમાં હવાલદાર દીપક કુમાર યાદવ અને લાન્સ નાઈક પ્રવીણ શર્મા શહીદ થયા હતા. 3 સૈનિકો અને 2 નાગરિકો ઘાયલ થયા છે.
જુલાઈમાં જમ્મુ ક્ષેત્રમાં બે મોટી આતંકવાદી ઘટનાઓ બની…
8 જુલાઈ: કઠુઆમાં આતંકવાદી હુમલામાં 5 જવાન શહીદ
8 જુલાઈએ જમ્મુ અને કાશ્મીરના કઠુઆ જિલ્લામાં આતંકવાદી હુમલામાં એક જુનિયર કમિશન્ડ ઓફિસર (JCO) સહિત 5 જવાનો શહીદ થયા હતા. આતંકવાદીઓએ પહાડી પરથી ઓચિંતો હુમલો કર્યો અને પહેલા આર્મીની ટ્રક પર ગ્રેનેડ ફેંક્યો અને પછી સ્નાઈપર ગનથી ગોળીબાર કર્યો. સેનાએ પણ વળતો ગોળીબાર કર્યો, પરંતુ આતંકીઓ જંગલમાં ભાગી ગયા. સંપૂર્ણ સમાચાર અહીં વાંચો…
14 જુલાઈ: કુપવાડામાં 3 આતંકવાદીઓ માર્યા ગયા
જમ્મુ-કાશ્મીરના કુપવાડા નજીક સુરક્ષાદળોએ 3 આતંકવાદીઓને ઠાર કર્યા હતા. ત્રણેય નિયંત્રણ રેખા (એલઓસી) પરથી ઘૂસણખોરી કરવાનો પ્રયાસ કરી રહ્યા હતા. તેમની પાસેથી પિસ્તોલ અને દારૂગોળો મળી આવ્યો હતો. ત્રણેયની ઓળખ જાહેર કરવામાં આવી નથી.
