નવી દિલ્હી52 મિનિટ પેહલા
- કૉપી લિંક
ગોવાના દરિયાકિનારે કાર્ગો જહાજ (MV Maersk Frankfurt)માં લાગેલી આગને ઓલવવાનું કામ હજુ ચાલુ છે. આ આગ 19 જુલાઈના રોજ લાગી હતી, જેને ઓલવવા માટે ભારતીય નૌકાદળ સતત છ દિવસથી કામગીરી કરી રહી છે. ભારતીય કોસ્ટ ગાર્ડના એક અધિકારીના જણાવ્યા અનુસાર જહાજમાં 22 ક્રૂ મેમ્બર હતા, જેમાંથી એકનું મોત થયું છે.
હાલ આગ પર કાબૂ મેળવી લેવામાં આવ્યો છે અને હવે કોઈના જીવને જોખમ નથી, પરંતુ ક્રૂની સલામતી માટે અને છૂટાછવાયા આગને સંપૂર્ણપણે બુઝાવવા માટે નૌકાદળ સતત છઠ્ઠા દિવસે બચાવ કામગીરી ચાલુ રાખી રહ્યું છે. આગને કાબૂમાં લેવા માટે કોસ્ટ ગાર્ડ ALH હેલિકોપ્ટરની મદદથી 200 કિલો ડ્રાય કેમિકલ પાઉડર સીધો ફાયર સાઇટ પર છોડવામાં આવ્યો છે.
માલવાહક જહાજમાં લાગેલી આગને બુઝાવવા માટે ચાર જહાજ અને હેલિકોપ્ટર તૈનાત છે.
હકીકતમાં આ જહાજ 1,154 કન્ટેનર લઈને ગુજરાતના મુંદ્રાથી શ્રીલંકાના કોલંબો જઈ રહ્યું હતું. દરમિયાન, જ્યારે આ જહાજ ગોવાના કિનારેથી 102 નોટિકલ માઇલ દૂર પહોંચ્યું હતું, ત્યારે તેમાં આગ લાગી હતી. આ જહાજમાં બેન્ઝીન અને સોડિયમ સાયનેટ જેવા ખતરનાક કાર્ગો રાખવામાં આવ્યા હતા.
19 જુલાઈના રોજ ગોવાના કિનારે જહાજમાં આગ લાગી હતી.
આગ બુઝાવવાની કામગીરી હજુ ચાલુ
આ અંગે ભારતીય કોસ્ટ ગાર્ડના ડેપ્યુટી ઈન્સ્પેક્ટર જનરલ મનોજ ભાટિયાએ જણાવ્યું કે, કેટલાક ભાગોમાં હજુ પણ આગ લાગી રહી છે. જહાજના તે ભાગ સુધી આગ પહોંચી શકી ન હતી જ્યાં જોખમી કાર્ગો રાખવામાં આવ્યો હતો. ચાર જહાજો છૂટાછવાયા આગને સંપૂર્ણપણે ઓલવવામાં મદદ કરી રહ્યાં છે અને હેલિકોપ્ટર દ્વારા સતત સૉર્ટીઝ કરવામાં આવી રહી છે.
તેમણે કહ્યું કે, ICG આ જહાજને દરિયાકિનારાથી દૂર રાખી રહ્યું છે. રાજ્ય સરકારની એજન્સીઓને તેલ પ્રદૂષણને કારણે સર્જાતી કોઈપણ કટોકટી માટે તૈયાર રહેવા માટે કહેવામાં આવ્યું છે. અમે તમામ સંબંધિત રાજ્યોને ચેતવણી આપી છે જેથી પ્રદૂષણ ફેલાવાના કિસ્સામાં આપત્તિ આકસ્મિક યોજના લાગુ કરી શકાય.
કન્ટેનર જહાજ ગુજરાતથી રવાના થયું હતું. તે 21 જુલાઈએ શ્રીલંકાના કોલંબો પહોંચવાનો હતો.
શોર્ટ સર્કિટના કારણે જહાજમાં આગ લાગી
અહેવાલો અનુસાર, જહાજમાં શોર્ટ સર્કિટના કારણે આગ લાગવાના કારણે વિસ્ફોટ થયો હતો. આગ ઝડપથી ડેકમાં ફેલાઈ ગઈ. જેના કારણે કન્ટેનર ફાટ્યું હતું. જહાજના ક્રૂમાં 22 સભ્યો હતા. જેમાં ફિલિપાઈન્સના 17, યુક્રેનના 2, રશિયા અને મંગોલિયાના એક-એક લોકો સામેલ હતા.
