નવી દિલ્હી5 કલાક પેહલા
- કૉપી લિંક
EDએ મની લોન્ડરિંગ કેસમાં 21 માર્ચે કેજરીવાલની ધરપકડ કરી હતી.
દિલ્હી હાઈકોર્ટે અરવિંદ કેજરીવાલને મુખ્યમંત્રી પદેથી હટાવવાની અરજી પર સુનાવણી ન કરી. હાઈકોર્ટે કહ્યું કે, કોર્ટે પહેલા પણ આવી જ એક અરજી ફગાવી દીધી છે.
ડિવિઝન બેંચના કાર્યકારી મુખ્ય ન્યાયાધીશ જસ્ટિસ મનમોહન અને જસ્ટિસ મનમીત પ્રીતમ સિંહે કહ્યું, “કોર્ટે લોકશાહીને તેનો માર્ગ અપનાવવાની છૂટ આપવી જોઈએ. અરજદાર એટલે કે હિન્દુ સેના પ્રમુખ વિષ્ણુ ગુપ્તા તેમની અરજી સાથે લેફ્ટનન્ટ ગવર્નર (એલજી)નો સંપર્ક કરી શકે છે.”
ગુપ્તાના વકીલે કહ્યું કે અમે અરજી પાછી ખેંચી લઈએ છીએ અને હવે એલજી પાસે જઈશું. તેમણે દલીલ કરી હતી કે કેજરીવાલે બંધારણીય વિશ્વાસ તોડ્યો છે. તેમને મુખ્યમંત્રી પદ પર ચાલુ રહેવાનો કોઈ અધિકાર નથી.
EDએ 21 માર્ચની રાત્રે કેજરીવાલની ધરપકડ કરી હતી
હાઈકોર્ટના બે ન્યાયાધીશોની ડિવિઝન બેન્ચે 4 ટિપ્પણીઓ કરી હતી
1. અમે કેવી રીતે જાહેર કરીએ કે સરકાર ચાલી રહી નથી? LG આ અંગે નિર્ણય લેવા માટે સંપૂર્ણ રીતે સક્ષમ છે. તેમને અમારી સૂચનાઓની જરૂર નથી. અમે તેમને સલાહ નહી આપીએ. એલજી કાયદા મુજબ જે યોગ્ય હશે તે કરશે.
2. અમે આ બાબતમાં દખલ નહીં કરીએ. હવે તેનો નિર્ણય રાષ્ટ્રપતિ અને એલજી પર નિર્ભર છે. તમારે આ મુદ્દો અન્ય ફોરમમાં ઉઠાવવો જોઈએ. ત્યાં જ નિર્ણય લેવામાં આવશે.
3. કોર્ટ રાજ્ય ચલાવી રહી નથી. આગલી વખતે પડોશી દેશ સાથે યુદ્ધ થશે અને કોઈ આવશે. અમને આ મામલે કાર્યવાહી કરવા કહેશે.
4. તે સાચું છે કે ખોટું, અમારે તે જોવાનું હોય છે. આ મામલો જેમ્સ બોન્ડની ફિલ્મ જેવો છે, જેમાં સિક્વલ આવતી રહે છે, પરંતુ કોઈ પરિણામ આવતું નથી.
કેજરીવાલના વકીલની દલીલ- શરૂઆતમાં જ કેસ પાછો ખેંચી લેવો જોઈતો હતો
કેજરીવાલ તરફથી હાજર રહેલા એડવોકેટ રાહુલ મહેરાએ કહ્યું કે સુરજીત સિંહ યાદવ કેસના નિર્ણયને જોયા બાદ આ અરજીને ઘણા સમય પહેલા પાછી ખેંચી લેવી જોઈતી હતી. તેઓએ 20 મિનિટ સુધી દલીલો કરી. હવે તેઓ કેસ પાછો ખેંચવાની વાત કરી રહ્યા છે. તેઓ એમ પણ કહી રહ્યા છે કે તેઓ આ મામલાને અન્ય ફોરમ પર લઈ જશે.
EDએ 21 માર્ચે કેજરીવાલની ધરપકડ કરી હતી. દિલ્હીની રાઉઝ એવન્યુ કોર્ટે તેમને 15 એપ્રિલ સુધી ન્યાયિક કસ્ટડીમાં મોકલી દીધા છે.
