બેંગલુરુ51 મિનિટ પેહલા
- કૉપી લિંક
કેએસ ઇશ્વરપ્પા પાંચ વખત ધારાસભ્ય રહી ચૂક્યા છે. કર્ણાટકની ગઈ ભાજપ સરકારમાં પણ તેમને મંત્રી પદ મળ્યું હતું.
કર્ણાટકના પૂર્વ મંત્રી અને બીજેપી નેતા કેએસ ઇશ્વરપ્પાએ ફરી એક વાર વિવાદિત નિવેદન આપ્યું છે. તેમણે કહ્યું- મુસ્લિમોએ સ્વેચ્છાએ મંદિરની જમીન પર બનેલી મસ્જિદો ખાલી કરવી જોઈએ, નહીં તો ગંભીર પરિણામો આવશે. અમને ખબર નથી કે કેટલા માર્યા જશે અથવા શું થશે.
ઈશ્વરપ્પાએ રવિવારે (7 જાન્યુઆરી) બીજેપી કાર્યકર્તાઓને સંબોધન કરતી વખતે આ નિવેદન આપ્યું હતું. તેમણે વધુમાં કહ્યું કે મથુરા સહિત દેશમાં વધુ બે સ્થળો છે. એકવાર કોર્ટનો નિર્ણય આવશે, અમે અમારા મંદિરોના નિર્માણને આગળ ધપાવીશું. તેમાં કોઈ શંકા નથી. અમારા મંદિરો તોડીને બનાવવામાં આવેલી મસ્જિદોને રહેવા દેવામાં આવશે નહીં. આવી એક પણ મસ્જિદ આ દેશમાં બચશે નહીં. આ મારો અંગત અભિપ્રાય છે.
કેએસ ઇશ્વરપ્પાએ એપ્રિલ 2023માં કહ્યું હતું કે ભાજપને વિધાનસભા ચૂંટણી માટે મુસ્લિમોના વોટની જરૂર નથી.
ઇશ્વરપ્પા અગાઉ પણ પોતાના નિવેદનોને કારણે ચર્ચામાં રહી ચૂક્યા છે
ઇશ્વરપ્પા આ પહેલા પણ ઘણી વખત પોતાના વિવાદીત નિવેદનોને કારણે ચર્ચામાં રહી ચૂક્યા છે. તેણે ડિસેમ્બર 2023માં કર્ણાટકના ગડગમાં કહ્યું હતું – મંદિરો તોડીને બનાવવામાં આવેલી મસ્જિદોને અમે તોજી પાડીશું. દેશમાં આવી એક પણ મસ્જિદને રહેવા દેવામાં આવશે નહીં. હું પ્રતિજ્ઞા લઈશ કે ભારત હિન્દુ રાષ્ટ્ર બને.
બીજેપી નેતા કેએસ ઇશ્વરપ્પાએ કહ્યું- અમારા મંદિરો તોડીને બનાવવામાં આવેલી મસ્જિદોને રહેવા દેવામાં આવશે નહીં.
ગદગમાં બોલતી વખતે ઇશ્વરપ્પા આટલે જ અટક્યા નહોતા. તેમણે વધુમાં કહ્યું- કાશી વિશ્વનાથ મંદિર કેસની કોર્ટની કાર્યવાહી હિન્દુઓના પક્ષમાં છે. મથુરામાં કૃષ્ણ મંદિર માટે સર્વે કરવાનો આદેશ આપવામાં આવ્યો છે. એક પછી એક બધું થશે.
