Related posts
બેંગલુરુ39 મિનિટ પેહલા
- કૉપી લિંક
કર્ણાટકના સીએમ સિદ્ધારમૈયાની 300 કરોડ રૂપિયાની સ્થાવર મિલકતો જપ્ત કરવામાં આવી છે. તપાસ એજન્સીએ કુલ 142 મિલકતો જપ્ત કરી છે. મૈસુર અર્બન ડેવલપમેન્ટ ઓથોરિટી (MUDA) સંબંધિત મની લોન્ડરિંગ કેસમાં આ કાર્યવાહી કરવામાં આવી છે.
ED દ્વારા જારી કરવામાં આવેલા નિવેદનમાં કહેવામાં આવ્યું છે કે, ‘જપ્ત કરવામાં આવેલી મિલકતો અલગ-અલગ લોકોના નામે નોંધાયેલી છે. આ લોકો રિયલ એસ્ટેટ બિઝનેસમેન અને એજન્ટ તરીકે કામ કરી રહ્યા છે.
હકીકતમાં, MUDA પર 2022માં સિદ્ધારમૈયાની પત્ની પાર્વતીને મૈસૂરના પોશ વિસ્તારમાં 14 જગ્યાઓ 3,24,700 રૂપિયામાં મૈસુરના કસાબા હોબલીના કસારે ગામમાં 3.16 એકર જમીનના બદલામાં ફાળવવાનો આરોપ છે. આ સ્થળોની કિંમત પાર્વતીની જમીન કરતાં ઘણી વધારે હતી.
જોકે, આ 3.16 એકર જમીન પર પાર્વતીનો કોઈ કાનૂની અધિકાર નહોતો. આ જમીન પાર્વતીના ભાઈ મલ્લિકાર્જુનને 2010માં ભેટમાં આપવામાં આવી હતી. MUDAએ આ જમીન સંપાદિત કર્યા વિના જ દેવાનુર સ્ટેજ 3 લેઆઉટ વિકસાવ્યો હતો.
કર્ણાટકના રાજ્યપાલ સચિવાલય દ્વારા 8 ઓગસ્ટ, 2024ના રોજ સિદ્ધારમૈયા સામે કાર્યવાહી કરવા અંગે નોટિસ જારી કરવામાં આવી હતી.
સિદ્ધારમૈયાએ કહ્યું હતું- ભાજપ સરકારમાં પત્નીને જમીન મળ્યા આરોપો પર સિદ્ધારમૈયાએ કહ્યું- 2014માં જ્યારે હું સીએમ હતો ત્યારે પત્નીએ વળતર માટે અરજી કરી હતી. મેં મારી પત્નીને કહ્યું હતું કે જ્યાં સુધી હું મુખ્યમંત્રી છું ત્યાં સુધી વળતર માટે અરજી ન કરો. 2020-21માં જ્યારે ભાજપની સરકાર હતી ત્યારે પત્નીને વળતરની જમીન ફાળવવામાં આવી હતી. ભાજપ મારા પર ખોટા આરોપો લગાવવાનો પ્રયાસ કરી રહી છે.
સિદ્ધારમૈયા પર શું છે આરોપ?
- સિદ્ધારમૈયાની પત્નીને MUDA તરફથી વળતર તરીકે મળેલ વિજયનગર પ્લોટની કિંમત કસરે ગામમાં આવેલી તેમની જમીન કરતાં ઘણી વધારે છે.
- સ્નેમયી કૃષ્ણાએ સિદ્ધારમૈયા વિરુદ્ધ ફરિયાદ નોંધાવી હતી. આમાં તેણે સિદ્ધારમૈયા પર MUDA સાઇટને પારિવારિક સંપત્તિ તરીકે દાવો કરવા માટે બનાવટી દસ્તાવેજો બનાવવાનો આરોપ મૂક્યો છે.
- 1998થી 2023 સુધી, સિદ્ધારમૈયા કર્ણાટકમાં ડેપ્યુટી સીએમ અથવા સીએમ જેવા પ્રભાવશાળી હોદ્દા પર હતા. તે આ કૌભાંડમાં સીધા સંડોવાયેલો ન હોવા છતાં, તેમણે તેની શક્તિનો ઉપયોગ તેમના નજીકના લોકોને મદદ કરવા માટે કર્યો હતો.
- સિદ્ધારમૈયાની પત્ની પાર્વતીના ભાઈ મલ્લિકાર્જુને 2004માં ગેરકાયદેસર રીતે 3 એકર ડિનોટિફાઈડ જમીન ખરીદી હતી. 2004-05માં, સિદ્ધારમૈયા કર્ણાટકમાં કોંગ્રેસ-JDS ગઠબંધન સરકારમાં ડેપ્યુટી સીએમ હતા.
- યોજના હેઠળ જમીન માલિકોની જમીન MUDA દ્વારા સંપાદિત કરવામાં આવી છે. તેમને વળતર તરીકે ઊંચા મૂલ્યની વૈકલ્પિક જગ્યાઓ ફાળવવામાં આવી છે. આ ઉપરાંત રિયલ એસ્ટેટ એજન્ટોને પણ આ યોજના હેઠળ જમીન આપવામાં આવી છે.
- જમીન ફાળવણી કૌભાંડનો ખુલાસો એક RTI કાર્યકર્તા દ્વારા કરવામાં આવ્યો હતો, જેમાં જણાવ્યું હતું કે છેલ્લા ચાર વર્ષમાં 50:50 સ્કીમ હેઠળ 6,000થી વધુ સાઇટ્સ ફાળવવામાં આવી છે.
- ભાજપના સાંસદ અને પ્રવક્તા સંબિત પાત્રાએ કહ્યું કે આ 3 હજારથી 4 હજાર કરોડ રૂપિયાનું કૌભાંડ છે. આમાં સિદ્ધારમૈયાનો પરિવાર સામેલ છે. કોંગ્રેસ આ અંગે મૌન સેવી રહી છે.
