નવી દિલ્હી2 કલાક પેહલા
- કૉપી લિંક
દિલ્હીના પૂર્વ મુખ્યમંત્રી અને AAPના સંયોજક અરવિંદ કેજરીવાલે કહ્યું કે, દિલ્હીના રસ્તાઓ ટૂંક સમયમાં રિપેર કરવામાં આવશે. મેં રસ્તાના સમારકામ માટે સીએમ આતિશીને પત્ર લખ્યો છે. મને ખુશી છે કે અમારા ધારાસભ્યો અને નેતાઓએ શહેરના તમામ રસ્તાઓનું નિરીક્ષણ કર્યું.
આ પ્રેસ કોન્ફરન્સમાં આતિશી પણ કેજરીવાલની બાજુમાં બેઠેલી જોવા મળી હતી. તેમણે કહ્યું- અમને કેજરીવાલનો પત્ર મળ્યો છે. આ પછી તરત જ પીડબલ્યુડીએ રસ્તાના સમારકામની કામગીરી શરૂ કરી હતી. હાલમાં 89માંથી 74 રોડ માટે ટેન્ડર બહાર પાડવામાં આવ્યા છે. બાકીના 15 રસ્તાઓ માટે ટેન્ડર બહાર પાડવાની પ્રક્રિયા ચાલી રહી છે.
કેજરીવાલ માટે ખુરશી ખાલી રહેતાં આતિશીએ 23 સપ્ટેમ્બરે સીએમ પદ સંભાળ્યું હતું.
આ તસવીર 23 સપ્ટેમ્બરની છે. જ્યારે આતિશીએ સત્તાવાર રીતે દિલ્હીના સીએમ તરીકેનો કાર્યભાર સંભાળ્યો હતો. આ દરમિયાન તેમણે એક ખુરશી ખાલી છોડી દીધી હતી.
દિલ્હીના નવા મુખ્યમંત્રી આતિશીએ 23 સપ્ટેમ્બરે ચાર્જ સંભાળ્યો હતો. આતિશીએ સીએમ ઓફિસમાં ખાલી ખુરશી છોડી દીધી હતી અને પોતે બીજી ખુરશી પર બેસી ગયા હતા. આતિશીએ કહ્યું હતું કે, ‘જે રીતે રામના વનવાસ બાદ ભરતે અયોધ્યાની ગાદી સંભાળી હતી, તે જ રીતે હું દિલ્હીના સીએમની ખુરશી સંભાળીશ. 4 મહિના પછી દિલ્હીની જનતા કેજરીવાલને ફરી એ જ ખુરશી પર બેસાડશે. ત્યાં સુધી આ ખુરશી આ રૂમમાં જ રહેશે અને કેજરીવાલજીની રાહ જોશે.
દિલ્હી લિકર પોલિસી કેસમાં 13 સપ્ટેમ્બરે જામીન પર બહાર આવ્યા બાદ કેજરીવાલે 17 સપ્ટેમ્બરે સીએમ પદ પરથી રાજીનામું આપી દીધું હતું. 21 સપ્ટેમ્બરે આતિશી દિલ્હીના નવા મુખ્યમંત્રી બન્યા. 23 સપ્ટેમ્બરે તેમણે 5 મંત્રીઓ સાથે શપથ લીધા હતા.
