‘ચૂંટણી પંચ કૂતરા જેવું, PM આવાસની બહાર બેસી રહે છે’: મહારાષ્ટ્રમાં કોંગ્રેસનેતાની વિવાદીત ટિપ્પણી, ભાજપે કેસ દાખલ કર્યો; જગતાપે કહ્યું- ‘માફી નહીં માગું’

મહારાષ્ટ્ર ચૂંટણીના પરિણામો બાદ તરત જ કોંગ્રેસ ચૂંટણી પંચ અને ઈવીએમ પર સતત સવાલો ઉઠાવી રહી છે. શુક્રવારે કોંગ્રેસના નેતા ભાઈ જગતાપે ચૂંટણી પંચને લઈને વિવાદાસ્પદ નિવેદન આપ્યું હતું.

ન્યૂઝ એજન્સી IANS સાથે વાત કરતા જગતાપે કહ્યું- ચૂંટણી પંચ એક કૂતરું છે, જે પીએમ મોદીના બંગલાની બહાર બેસી રહે છે. કમનસીબે, લોકશાહીને મજબૂત કરવા માટે બનાવવામાં આવેલી તમામ એજન્સીઓનો ઉપયોગ સમગ્ર દેશમાં કૌભાંડો કરવા માટે કરવામાં આવી રહ્યો છે.

જગતાપના આ નિવેદન પર બીજેપી નેતા કિરીટ સોમૈયાએ શનિવારે કહ્યું- આ બંધારણીય સંસ્થાનું અપમાન છે. તે સહન કરવામાં આવશે નહીં. મેં જગતાપ વિરુદ્ધ ચૂંટણી પંચ અને મુંબઈ પોલીસમાં ફરિયાદ કરી છે. બીજી તરફ, મહારાષ્ટ્ર ચૂંટણીમાં વોટિંગ ડેટામાં ગેરરીતિના આરોપોને લઈને ચૂંટણી પંચે કોંગ્રેસને 3 ડિસેમ્બરે બેઠક બોલાવી છે.

જગતાપે માફી માગવાનો ઇનકાર કર્યો, કહ્યું– તેમણે જે કહ્યું તે સાચું હતું

જગતાપે તેમની વિવાદાસ્પદ ટિપ્પણી માટે માફી માગવાનો ઇનકાર કર્યો હતો. જગતાપે શુક્રવારે સાંજે ફરી કહ્યું કે ચૂંટણી પંચને કારણે દેશની લોકશાહી બદનામ થઈ છે. કૂતરાની ટિપ્પણી પર તેમણે કહ્યું, હું બિલકુલ માફી નહીં માગું. જો તેઓ વડાપ્રધાન અને અન્ય મંત્રીઓના દબાણમાં કામ કરી રહ્યા છે તો મેં જે કહ્યું છે તે સાચું છે.

ચૂંટણી પંચ દેશની લોકશાહીને વધુ મજબૂત કરવા માટે છે, કોઈની સેવા કરવા માટે નથી. હું મારા શબ્દો પર અડગ છું. જગતાપે વધુમાં કહ્યું કે કોંગ્રેસ ઈવીએમ ટેક્નોલોજી લાવી કારણ કે તેનો ઉપયોગ ફ્રાન્સ અને અમેરિકામાં થઈ રહ્યો હતો, પરંતુ 2009 પછી તેના ઉપયોગ પર શંકાઓ વધવા લાગી.

કોંગ્રેસે મહારાષ્ટ્ર ચૂંટણી પરિણામો સામે વાંધો ઉઠાવ્યો, ચૂંટણી પંચને પત્ર લખ્યો કોંગ્રેસે શુક્રવારે મહારાષ્ટ્ર વિધાનસભા ચૂંટણીની મતદાન-ગણતરીની પ્રક્રિયામાં ગંભીર બેદરકારીનો આરોપ લગાવ્યો હતો. પાર્ટીએ ચૂંટણી પંચને પત્ર લખીને વ્યક્તિગત સુનાવણીની માંગ કરી છે.

કોંગ્રેસે પત્રમાં આ મુદ્દા ઉઠાવ્યા હતા