મુંબઈ6 મિનિટ પેહલા
- કૉપી લિંક
થાણેના વડાવલી વે શોર પર રેવ પાર્ટી ચાલી રહી હતી. પોલીસે પાર્ટીનું આયોજન કરનારાઓની પણ ધરપકડ કરી છે.
મહારાષ્ટ્રના થાણેમાં પોલીસે 100 યુવક-યુવતીઓની ધરપકડ કરી છે. રવિવારે (31 ડિસેમ્બર) રેવ પાર્ટી પર પોલીસે દરોડા પાડ્યા હતા. પોલીસને તેમની પાસેથી ચરસ, ગાંજા, એલએસડી, એસ્કેટેસીની ગોળીઓ અને દારૂ મળી આવ્યો છે.
થાણે ક્રાઈમ બ્રાન્ચ યુનિટ-5એ જણાવ્યું હતું કે પશ્ચિમ થાણેના વડાવલી વે શોર પર રેવ પાર્ટીની માહિતી મળી હતી. આ પછી ટીમે દરોડો પાડ્યો હતો.
આ લોકો નશાની હાલતમાં ગીતો પર ડાન્સ કરી રહ્યા હતા. રેપ પાર્ટીનું આયોજન કરનાર તેજસ અનિલ કુબલ (23), સુજલ મહાદેવ મહાજન (19)ની પણ ધરપકડ કરવામાં આવી છે.
પોલીસે જણાવ્યું કે, પકડાયેલા લોકો પાસેથી વેચાણ માટે લાવવામાં આવેલ 70 ગ્રામ ચરસ, એલએસડી (0.41 ગ્રામ), એસ્કેટેસીની ગોળીઓ (2.10 ગ્રામ), ગાંજા (200 ગ્રામ) અને ઘણો દારૂ મળી આવ્યો છે.
સ્થળ પરથી ગાંજાની સામગ્રી, ડીજે અને 29 મોટરસાઈકલ પણ મળી આવી છે. આ અંગે આગળની કાર્યવાહી હાથ ધરી છે.
પોલીસે રવિવારે વહેલી સવારે 3 વાગ્યે દરોડો પાડ્યો હતો.
100થી વધુ લોકોની ધરપકડ કરવામાં આવી છે. જેમાં યુવતીઓનો પણ સમાવેશ થાય છે.
પોલીસે ઘટનાસ્થળેથી ડીજે સહિત 29 વાહનો પણ કબજે કર્યા છે.
