નવી દિલ્હી/ભોપાલ/જયપુર3 કલાક પેહલા
- કૉપી લિંક
દેશના ઉત્તર ભારતનાં રાજ્યોમાં ઠંડી અને ગાઢ ધુમ્મસની અસર સતત વધી રહી છે. હવામાન વિભાગે શુક્રવારે ઉત્તરપ્રદેશ, પંજાબ, હરિયાણા, બિહાર, રાજસ્થાન અને મધ્યપ્રદેશમાં ગાઢ ધુમ્મસનું એલર્ટ જાહેર કર્યું છે. ગાઢ ધુમ્મસને કારણે બુધવારે સવારે ઉત્તરપ્રદેશના ગોરખપુર અને કાનપુરમાં વિઝિબિલિટી ઘટીને 500 મીટર થઈ ગઈ હતી. બીજી તરફ રાજસ્થાનના હિલ સ્ટેશન માઉન્ટ આબુમાં લઘુતમ તાપમાન 5 ડિગ્રી સેલ્સિયસ નોંધાયું હતું. મધ્યપ્રદેશમાં પણ ઠંડી વધી રહી છે. MPના 8 શહેરોમાં તાપમાન 10 ડિગ્રીથી નીચે નોંધાયું હતું. ભોપાલમાં તાપમાન 10.2 ડિગ્રી નોંધાયું હતું. છેલ્લાં 10 વર્ષમાં નવેમ્બરમાં આ ત્રીજું સૌથી ઓછું તાપમાન છે.
ગુજરાતના કચ્છમાં શિયાળો હવે અસલ મિજાજમાં હોય તેમ ગુજરાતના કાશ્મીર ગણાતા નલિયાથી જાણે શિયાળાએ રાજ્યમાં પ્રવેશ કર્યો હોય તેમ પારો 1.1 ડિગ્રી નીચે સરકીને 13 ડિગ્રીએ પહોંચી આવતાં લોકોને વહેલી સવારે અને સાંજે ગરમ કપડાંનો સહારો લેવો પડ્યો હતો. ફક્ત એક જ સપ્તાહમાં રાજ્યભરના જિલ્લાઓનું લઘુતમ અને મહત્તમ તાપમાન બગડ્યું છે. જેને કારણે અનેક લોકો બીમારીમાં પણ સપડાયા છે. આગામી જાન્યુઆરી માસ સુધી સતત ઠંડું વાતાવરણ રહેવાની શક્યતાઓ છે.
ગુજરાત-રાજસ્થાનના એકમાત્ર હીલ સ્ટેશન માઉન્ટ આબુના એકાએક પારો ગગડતા માઉન્ટ આબુમાં માઇનસ એક અને અરવલ્લીના ગિરિકેન્દ્રની સૌથી ઊંચી ચોટી પર આવેલા ગુરુશિખરમાં માઇનસ ત્રણ ડિગ્રી તાપમાન નોંધાતા બરફના થર છવાયેલા રહે છે. પર્યટક સ્થળે એકાએક ગગડેલા તાપમાનથી ઠંડુંગાર વાતાવરણ છવાતા સહેલાણીઓની સંખ્યામાં વધારો થયો હતો.
દેશભરના હવામાનની 3 તસવીરો…
રાજસ્થાનના સિકરમાં શુક્રવારે સવારે ગાઢ ધુમ્મસ અને ઝાકળ છવાયું હતું.
દિલ્હીમાં તાપમાનમાં સતત ઘટાડો થઈ રહ્યો છે. શુક્રવારે સવારે અહીંનું તાપમાન 12 ડિગ્રી નોંધાયું હતું.
જમ્મુમાં તીવ્ર ઠંડીને કારણે ખેડૂતો તાપણું કરતા જોવા મળ્યા હતા.
છેલ્લા 2 દિવસથી જમ્મુ-કાશ્મીરમાં હિમવર્ષા થઈ નથી, પરંતુ તાપમાન માઈનસમાં છે જમ્મુ-કાશ્મીરના પહાડોમાં છેલ્લા 2 દિવસથી હિમવર્ષા થઈ નથી. આમ છતાં શ્રીનગરમાં તાપમાન 0.7 ડિગ્રી નોંધાયું હતું. ગુરુવારે શોપિયા દેશનો સૌથી ઠંડો જિલ્લો રહ્યો હતો. અહીં તાપમાન માઈનસ 3.9 ડિગ્રી નોંધાયું હતું. જ્યારે અનંતનાગમાં માઈનસ 3.5 ડિગ્રી, પુલવામામાં માઈનસ 3.4 ડિગ્રી હતું.
નોર્થ-ઈસ્ટમાં ભારે વરસાદ, દક્ષિણમાં ઠંડી ઓછી
- હવામાન વિભાગે કહ્યું છે કે ઉત્તર પૂર્વનાં રાજ્યોમાં ભારે વરસાદનો સમયગાળો ચાલુ રહેશે. શુક્રવારે આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં ભારે પવન અને વીજળી સાથે ભારે વરસાદની શક્યતા છે.
- દક્ષિણ ભારતનાં રાજ્યોમાં ઠંડીની અસર ઉત્તર ભારતનાં રાજ્યો કરતાં ઓછી છે. છેલ્લા એક સપ્તાહથી તમિલનાડુ, પુડુચેરી અને કેરળમાં ભારે વરસાદ પડી રહ્યો છે. ગુરુવાર રાતથી અહીં વરસાદ બંધ થઈ ગયો છે. હવામાન વિભાગે કહ્યું છે કે દક્ષિણ ભારતનાં રાજ્યોમાં 25 નવેમ્બરથી વરસાદ પડી શકે છે.
રાજ્યોના હવામાન સમાચાર…
રાજસ્થાન: માઉન્ટ આબુમાં પારો 5 ડિગ્રી ગગડ્યો, કોટા-સિકરમાં સરેરાશ કરતાં 4 ડિગ્રી ઘટ્યું
શુક્રવારે સવારે બહેરોરમાં ધુમ્મસ છવાયું હતું.
ઉત્તરીય પવનોના પ્રભાવમાં વધારો થતાં રાજસ્થાનના ઘણા ભાગોમાં શિયાળો વધુ તીવ્ર બન્યો છે. સિકર, કોટા અને અજમેરમાં રાત્રિનું લઘુતમ તાપમાન સરેરાશ કરતાં 4 ડિગ્રી સેલ્સિયસ ઘટ્યું હતું. આગામી એક સપ્તાહ સુધી હવામાન ચોખ્ખું રહેવાની શક્યતા છે.
મધ્યપ્રદેશ: નવેમ્બરમાં ગયા વર્ષ કરતાં વધુ ઠંડી, ભોપાલમાં સૌથી ઓછું તાપમાન
ભોપાલમાં ગુરુવારે દિવસભર ધુમ્મસ છવાયું હતું.
મધ્યપ્રદેશમાં નવેમ્બર મહિનો ગયા વર્ષની સરખામણીએ વધુ ઠંડો છે. ભોપાલમાં 10 વર્ષમાં ત્રીજા નંબરનું સૌથી ઓછું તાપમાન નોંધાયું છે, જ્યારે ઈન્દોર, ઉજ્જૈન, ગ્વાલિયર અને જબલપુરમાં પારો સામાન્ય (15 ડિગ્રી)થી નીચે પહોંચી ગયો છે. પંચમઢી, એકમાત્ર હિલ સ્ટેશન દિવસ અને રાત્રિ દરમિયાન સૌથી ઠંડું રહે છે.
પંજાબ: 2 દિવસ માટે ધુમ્મસનું યલો એલર્ટ, તાપમાનમાં 0.4 ડિગ્રીનો ઘટાડો, AQI સ્તર ખરાબ
પંજાબના સાત જિલ્લામાં આજે (શુક્રવાર) અને શનિવારે ગાઢ ધુમ્મસ રહેશે. આ અંગે હવામાન વિભાગે યલો એલર્ટ જાહેર કર્યું છે. આ જિલ્લાઓમાં અમૃતસર, નવાશહેર, કપૂરથલા, જલંધર, લુધિયાણા, ફતેહગઢ સાહિબ અને પટિયાલાનો સમાવેશ થાય છે.
બિહાર: હાજીપુર સહિત 4 શહેરો રેડ ઝોનમાં, હવા ખૂબ જ ખરાબ, AQI 300ને પાર
બિહારની હવા દિવસે ને દિવસે પ્રદૂષિત થઈ રહી છે. ભેજ વધવાને કારણે હવામાં ધૂળના કણોનું પ્રમાણ વધ્યું છે, જેના કારણે હવા ખૂબ જ ખરાબ થઈ ગઈ છે. 4 જિલ્લા રેડ ઝોનમાં છે. છેલ્લા 24 કલાકમાં હાજીપુરનો AQI 394, બેતિયા 333 નોંધાયો છે. જે ખરાબ કેટેગરીમાં છે.
