મેરઠ7 મિનિટ પેહલા
- કૉપી લિંક
લોકસભા ચૂંટણીની જાહેરાત બાદ વડાપ્રધાન નરેન્દ્ર મોદીએ યુપીના મેરઠમાં પહેલી રેલીને સંબોધી હતી. તેમણે કહ્યું કે આ લોકોએ સાથે મળીને ઈન્ડિ ગઠબંધન બનાવ્યું છે. તેમને લાગે છે કે મોદી તેમનાથી ડરી જશે, પરંતુ ભારત મારો પરિવાર છે.
PMએ કહ્યું, “આજે મોટા ભ્રષ્ટાચારીઓ જેલના સળિયા પાછળ છે, તેમને સુપ્રીમ કોર્ટમાંથી પણ જામીન નથી મળી રહ્યા. એટલા માટે ઘણા મોટા ભ્રષ્ટાચારીઓને કોર્ટના ચક્કર મારવા પડે છે. આ બેઈમાન લોકોએ જે પૈસા લૂંટ્યા છે તે હું ગરીબોને પરત કરીશ.
10 વર્ષમાં માત્ર વિકાસનું ટ્રેલર જોયું છે. આ ચૂંટણી સરકાર બનાવવા માટે નથી, પરંતુ દેશ બનાવવા માટે છે.
પીએમ મોદીએ લગભગ 45 મિનિટ સુધી ભાષણ આપ્યું. પીએમએ પોતાનું ભાષણ રામ-રામથી શરૂ કર્યું અને ભારત માતા કી જય સાથે સમાપ્ત કર્યું.
પીએમ, સીએમ યોગી અને હરિયાણાના સીએમ નાયબ સિંહ સૈની સાથે મંચ પર સહયોગી પક્ષોના ચાર નેતાઓ હાજર હતા. જેમાં આરએલડીના વડા જયંત ચૌધરી, અપના દળના રાષ્ટ્રીય અધ્યક્ષ અનુપ્રિયા પટેલ, સુભાસપના રાષ્ટ્રીય અધ્યક્ષ ઓપી રાજભર, નિષાદ પાર્ટીના સંજય નિષાદનો સમાવેશ થાય છે.
આ પહેલા યુપીના સીએમ યોગી આદિત્યનાથે મંચ પર પીએમનું સ્વાગત કર્યું હતું.
અપડેટ્સ
20 મિનિટ પેહલા
- કૉપી લિંક
મોદીએ કહ્યું- અમે શેરડીના બેલ્ટને ઉર્જા બેલ્ટમાં બદલવા માગીએ છીએ
અમે શેરડીની ખેતીને ખાંડ-ગોળ સુધી મર્યાદિત રાખવા માગીએ છીએ. શેરડીના બેસ્ટને ઉર્જા બેલ્ટ બનાવવા માગીએ છીએ. ઈથેનોલ પર વાહનો ચલાવવાની કામગીરી ચાલી રહી છે. આજે 500 કરોડ ઈથેનોલનું ઉત્પાદન થઈ રહ્યું છે, જે 10 વર્ષ પહેલા 40 કરોડ હતું. અમારો પ્રયાસ ખેડૂતોને મહત્તમ નફો સુનિશ્ચિત કરવાનો છે. તેથી પીએમ કિસાન સન્માન નિધિ દ્વારા ખેડૂતોને મદદ કરવામાં આવી છે.
22 મિનિટ પેહલા
- કૉપી લિંક
વડાપ્રધાને કહ્યું- કોંગ્રેસના વલણની દેશ આજે પણ કિંમત ચૂકવી રહ્યો છે
પીએમ મોદીએ કહ્યું કે, દેશ આજે પણ કોંગ્રેસના વલણની કિંમત ચૂકવી રહ્યો છે. ભારતીય માછીમારો જ્યારે દરિયામાં જાય છે ત્યારે તેઓ આ ટાપુ તરફ જાય છે. તેમની ધરપકડ કરવામાં આવે છે. તેમની બોટ કબજે કરવામાં આવે છે. કોંગ્રેસના પાપનું જ પરિણામ છે કે આજે પણ માછીમારો સજા ભોગવી રહ્યા છે.
29 મિનિટ પેહલા
- કૉપી લિંક
PMએ કહ્યું- કોંગ્રેસનું એક દેશ વિરોધી કૃત્ય દેશની સામે આવ્યું
પીએમ મોદીએ કહ્યું કે મેરઠની આ ધરતીનો દેશની એકતા અને અખંડિતતા સાથે સંબંધ છે. અહીંથી હું દેશને કહેવા માંગુ છું કે કેવી રીતે કોંગ્રેસ અને ઈન્ડી ગઠબંધન દેશની અખંડિતતા અને એકતાને તોડી રહ્યાં છે. આજે કોંગ્રેસનું એક દેશ વિરોધી કૃત્ય દેશ સામે આવ્યું છે. તામિલનાડુમાં ભારતના દરિયાકાંઠેથી થોડી દૂર સમુદ્રમાં એક ટાપુ છે. કચ્છથીવુ. સુરક્ષાના દૃષ્ટિકોણથી આ મહત્વપૂર્ણ છે. દેશ આઝાદ થયો ત્યારે આપણી પાસે હતો. પરંતુ કોંગ્રેસે 4-5 દાયકા પહેલા કહ્યું હતું કે આ ટાપુ બિનજરૂરી છે. તે નકામો છે. એમ કહીને મા ભારતીનું એક અંગ કાપી નાખ્યું
34 મિનિટ પેહલા
- કૉપી લિંક
PMએ કહ્યું- ભ્રષ્ટાચારીઓ આજે જેલના સળિયા પાછળ
વડાપ્રધાને કહ્યું કે જ્યારે મોદી ભ્રષ્ટાચાર સામે તેમની પૂરી શક્તિથી લડી રહ્યા છે ત્યારે આ લોકોએ સાથે મળીને એક ઈન્ડિ ગઠબંધન પણ બનાવ્યું છે. તેમને લાગે છે કે મોદી તેમનાથી ડરી જશે. પરંતુ મારા માટે. મારુ ભારત મારો પરિવાર છે. મોટા ભ્રષ્ટાચારીઓ આજે જેલના સળિયા પાછળ છે. સુપ્રીમ કોર્ટથી પણ જામીન મળતા નથી. તેથી અનેક મોટા ભ્રષ્ટાચારીઓને કોર્ટના ચક્કર કાપવા પડે છે. તમે ટીવી પર જોયું કે ક્યાંક બેડમાંથી નોટો નીકળી રહી છે તો ક્યાંક દીવાલમાંથી નીકળી રહી છે. હમણાં જ મેં જોયું કે વોશિંગ મશીનમાં નોટોના ઢગલા હતા.
38 મિનિટ પેહલા
- કૉપી લિંક
મોદીએ કહ્યું- કેટલાક લોકોએ પિત્તો ગુમાવ્યો છે
વડાપ્રધાને કહ્યું કે હું ભ્રષ્ટાચાર પર કાર્યવાહી કરી રહ્યો છું. તેના કારણે કેટલાક લોકોએ પિત્તો ગુમાવ્યો છે. હું કહું છું કે મોદીનો મંત્ર છે ભ્રષ્ટાચાર હટાવો. તે કહે છે ભ્રષ્ટાચારી બચાવો. આ ચૂંટણી આ બે છાવણી વચ્ચેની લડાઈ છે. એક જૂથ કરપ્શન હટાવનારું છે તો એક બચાવવા મેદાનમાં છે. નિર્ણય તમારે કરવાનો છે.
42 મિનિટ પેહલા
- કૉપી લિંક
3 કરોડ મહિલાઓને લખપતિ દીદી બનાવવાનું કામ ચાલી રહ્યું છે
પીએમ મોદીએ કહ્યું કે આ પણ મોદીનું સપનું છે. મોદીની ગેરંટી છે. 2029માં મારી પાસે હિસાબ માગી લેજો. 3 કરોડ મહિલાઓને લખપતિ દીદી બનાવવાનું કામ થઈ રહ્યું છે. નમો ડ્રોન દીદી યોજના પણ ગામની બહેનોનું ભાગ્ય બદલવા જઈ રહી છે. છેલ્લા 10 વર્ષમાં દેશમાં ભ્રષ્ટાચાર સામે કેટલી મોટી લડાઈ શરૂ થઈ છે.
43 મિનિટ પેહલા
- કૉપી લિંક
PMએ કહ્યું- અમે આવનારા 5 વર્ષનો રોડમેપ બનાવી રહ્યા છીએ
45 મિનિટ પેહલા
- કૉપી લિંક
PMએ કહ્યું- અમારી સરકારે ગરીબોના જીવનમાંથી અંધકાર દૂર કર્યો
પીએમએ કહ્યું કે અમે ગરીબોનું સ્વાભિમાન પરત કર્યું છે. આ રીતે અમારી સરકારે ગરીબોના જીવનમાંથી અંધકાર દૂર કર્યો છે. 10 વર્ષથી માતાઓ, બહેનો અને પુત્રીઓને સુવિધા, સુરક્ષા અને સન્માન આપી રહ્યા છીએ. આવનારા 5 વર્ષ મહિલા શક્તિ માટે સમૃદ્ધિનો સમયગાળો બનવાના છે. અમે બહેનો અને દીકરીઓને ઉદ્યોગ સાહસિક બનાવી. પોલીસ અને અર્ધલશ્કરી દળોમાં દીકરીઓની સંખ્યા બમણી થઈ ગઈ છે. મુદ્રા યોજનાએ તમને તમારો વ્યવસાય શરૂ કરવાની તાકાત આપી છે.
47 મિનિટ પેહલા
- કૉપી લિંક
PMએ કહ્યું- મોદી ગરીબીથી તપીને અહીં પહોંચ્યા છે
પીએમે કહ્યું કે આજે લોકો પણ ભાજપને 370 સીટો માટે આશીર્વાદ આપી રહ્યા છે. મોદી ગરીબીથી તપીને અહીં પહોંચ્યા છે. તેથી જ તે ગરીબોની સમસ્યા સમજે છે. તેથી, ગરીબોની ચિંતાઓને દૂર કરવા માટે યોજનાઓ બનાવવામાં આવી હતી.
ગરીબોને સારવારની ચિંતા ન કરવી પડે તે માટે આયુષ્માન યોજના બનાવવામાં આવી હતી. ગરીબોને રાશનની ચિંતા ન કરવી પડે તે માટે મફત રાશનની યોજના બનાવવામાં આવી હતી. જેને કોઈએ ન પૂછ્યા, તેને મોદીએ પૂજ્યા છે.
49 મિનિટ પેહલા
- કૉપી લિંક
PMએ કહ્યું- ટ્રિપલ તલાક વિરુદ્ધ કાયદાએ મુસ્લિમ બહેનોનો જીવ બચાવ્યો
પીએમએ કહ્યું કે, અમે વન રેન્ક-વન પેન્શન લાગુ કર્યું છે. પૂર્વ સૈનિકોને તેમના લેણાં તરીકે રૂ. 1 લાખ કરોડથી વધુ આપ્યા. 3 તલાક વિરુદ્ધ કડક કાયદો પણ લોકોને અશક્ય લાગતો હતો. આજે માત્ર ટ્રિપલ તલાક વિરૂદ્ધ કાયદો જ નથી બન્યો પરંતુ તે હજારો મુસ્લિમ બહેનોના જીવ પણ બચાવી રહ્યો છે. નારી શક્તિ કાયદો આજે વાસ્તવિકતા બની ગયો છે. લોકોને જમ્મુ-કાશ્મીરમાંથી કલમ 370 હટાવવી અશક્ય લાગતી હતી. પરંતુ 370 પણ દૂર કરવામાં આવી છે.
54 મિનિટ પેહલા
- કૉપી લિંક
PMએ કહ્યું- ભારતનો સમય આવી ગયો છે…
પીએમ મોદીએ કહ્યું કે આજે આખો દેશ કહી રહ્યો છે કે ત્રીજી વખત મોદી સરકાર. 4 જૂને 400 પાર થશે. મેં આ વાત લાલ કિલ્લા પરથી કહી હતી. આ સમય છે. ભારતનો સમય આવી ગયો છે. ભારતે શરૂઆત કરી છે. આજે ભારતમાં આધુનિક ઈન્ફ્રાસ્ટ્રક્ચર ઝડપથી બનાવવામાં આવી રહ્યું છે. આજે દરેક ક્ષેત્રમાં યુવાનો માટે નવી તકો ઊભી થઈ રહી છે. આજે દેશની મહિલા શક્તિ આગળ વધી રહી છે. આજે સમગ્ર વિશ્વમાં ભારતની વિશ્વસનીયતા નવી ઊંચાઈએ છે. આખી દુનિયા ભારત તરફ વિશ્વાસની નજરે જોઈ રહી છે.
57 મિનિટ પેહલા
- કૉપી લિંક
PMએ કહ્યું- આ ચૂંટણી માત્ર સરકાર બનાવવા માટે નથી
પીએમ મોદીએ કહ્યું કે હવે 2024ની ચૂંટણીની પહેલી રેલી મેરઠમાં જ થઈ રહી છે. 2024ની આ ચૂંટણી માત્ર સરકાર બનાવવાની નથી. 2024ની ચૂંટણી વિકસિત ભારત બનાવવાની છે. 2024નો જનાદેશ ભારતને ત્રીજી આર્થિક મહાસત્તા બનાવશે. હું તમને યાદ કરાવવા માગુ છું કે જ્યારે ભારત 11 નંબરની અર્થવ્યવસ્થા પર હતું, ચારે બાજુ ગરીબી હતી, જ્યારે ભારત 5માં નંબર પર પહોંચ્યું ત્યારે 25 કરોડ દેશવાસીઓ ગરીબીમાંથી બહાર આવવામાં સફળ થયા હતા. જ્યારે ભારત વિશ્વમાં ત્રીજા નંબરે પહોંચશે ત્યારે ગરીબી દૂર થશે અને દેશ મજબૂત બનશે.
1 કલાક પેહલા
- કૉપી લિંક
પીએમ મોદીએ કહ્યું- મેરઠ સાથે મારો અલગ સંબંધ છે
પીએમ મોદીએ કહ્યું કે મેરઠ ક્રાંતિકારીઓની ભૂમિ છે. આ ધરતી પર બાબા ઔઘડ ધામનું વરદાન છે. આ ભૂમિએ ચૌધરી ચરણસિંહ જેવા પુત્રો આપ્યા છે. અમારી સરકારને તેમને ભારત રત્ન આપવાની તક મળી છે. હું તેમને મારી શ્રદ્ધાંજલિ અર્પણ કરું છું. મેરઠ સાથે મારો અલગ સંબંધ છે. તમને યાદ હશે કે 2014 અને 2019માં મેં મારા ચૂંટણી પ્રચારની શરૂઆત મેરઠથી કરી હતી.
10:42 AM31 માર્ચ 2024
- કૉપી લિંક
NDAના નેતાઓએ PMને હળ ભેટમાં આપ્યું
