મુંબઈ14 કલાક પેહલા
- કૉપી લિંક
આ સમીક્ષા બેઠક એટલા માટે પણ મહત્વપૂર્ણ છે કારણ કે હાલમાં કોંગ્રેસને હરિયાણામાં ચૂંટણીમાં હારનો સામનો કરવો પડ્યો છે.
કોંગ્રેસ નેતા અને લોકસભામાં વિપક્ષના નેતા રાહુલ ગાંધી સોમવારે મહારાષ્ટ્રના પ્રવાસે છે. તેઓ કોંગ્રેસના નેતાઓને મળશે અને વિધાનસભાની ચૂંટણીની તૈયારીઓની સમીક્ષા કરશે. મહારાષ્ટ્ર કોંગ્રેસના પ્રમુખ નાન પટોલે, વિજય વડેટ્ટીવાર, પૃથ્વીરાજ ચવ્હાણ, બાલાસાહેબ થોરાત, વર્ષા ગાયકવાડ અને રમેશ ચેન્નીથલા બેઠકમાં હાજરી આપશે.
પાર્ટીના સૂત્રોના જણાવ્યા અનુસાર, સોમવારની બેઠક અત્યંત મહત્વની છે કારણ કે રાહુલ ગાંધી શિવસેના (ઉદ્ધવ જૂથ) અને એનસીપી (શરદ પવાર) સાથે શીટ શેરિંગ અંગે ચર્ચા, પાર્ટીના પ્રચાર અને વિધાનસભા ચૂંટણી માટે ઉમેદવારોની પસંદગીની સમીક્ષા કરવા માંગે છે.
આ સમીક્ષા બેઠક એટલા માટે પણ મહત્વપૂર્ણ છે કારણ કે હાલમાં કોંગ્રેસને હરિયાણામાં ચૂંટણીમાં હારનો સામનો કરવો પડ્યો છે. હરિયાણા ચૂંટણીમાં હારને લઈને રાહુલ ગાંધીએ નેતાઓ પ્રત્યે નારાજગી વ્યક્ત કરી હતી. તેમણે કહ્યું કે હરિયાણામાં નેતાઓનું હિત હાવી રહ્યું, જેના કારણે પાર્ટીનું હિત નીચે ગયું.
પાર્ટી 100-110 પર ચૂંટણી લડી શકે છે મહારાષ્ટ્રમાં વિધાનસભાની 288 બેઠકો છે. સૂત્રોના જણાવ્યા અનુસાર તેમાંથી તે 100-110 સીટો પર જ ચૂંટણી લડવાની તૈયારી કરી રહી છે. જો કે કોંગ્રેસમાં ટિકિટ મેળવવા માટે 1800થી વધુ એપ્લિકેશન આવી હોવાની માહિતી સામે આવી હતી. આ વખતે વિદર્ભ અને મરાઠવાડા વિસ્તારોમાંથી સૌથી વધુ લોકોએ એપ્લિકેશન ફાઈલ કરી છે.
મહારાષ્ટ્રમાં 26 નવેમ્બર પહેલા વિધાનસભાની ચૂંટણી યોજાશે મુખ્ય ચૂંટણી કમિશનર (CEC) રાજીવ કુમારે 28 સપ્ટેમ્બરે મહારાષ્ટ્ર વિધાનસભા ચૂંટણીની તૈયારીઓને લઈને પ્રેસ કોન્ફરન્સ કરી હતી. તેમણે કહ્યું હતું કે મહારાષ્ટ્ર વિધાનસભાનો કાર્યકાળ 26 નવેમ્બરે સમાપ્ત થઈ રહ્યો છે. આ પહેલા ચૂંટણી પ્રક્રિયા પૂર્ણ કરવામાં આવશે. આગામી મહિને તારીખો જાહેર થવાની આશા છે.
રાજીવ કુમાર અને ચૂંટણી કમિશનર જ્ઞાનેશ કુમાર અને એસએસ સંધુ મહારાષ્ટ્રની બે દિવસની મુલાકાતે આવ્યા હતા. તેમણે અહીં વિધાનસભા ચૂંટણીની તૈયારીઓની સમીક્ષા કરી હતી. જિલ્લા ચૂંટણી અધિકારી, પોલીસ અધિક્ષક અને અન્ય અધિકારીઓ સાથે બેઠક કરી હતી.
આ સિવાય તેઓ શિવસેના, શિવસેના UBT, MNS, BSP, AAP સહિત 11 પાર્ટીઓને મળ્યા હતા. તમામ પક્ષોએ માંગ કરી હતી કે દિવાળી, દેવ દિવાળી અને છઠ પૂજા જેવા તહેવારોને ધ્યાનમાં રાખીને ચૂંટણીની તારીખો જાહેર કરવામાં આવે.
ભાજપ-શિવસેના (શિંદે જૂથ) સરકારનો કાર્યકાળ નવેમ્બર 2024માં સમાપ્ત થશે
- હાલમાં મહારાષ્ટ્રમાં ભાજપ-શિવસેના (શિંદે જૂથ)ની સરકાર છે. તેનો કાર્યકાળ નવેમ્બર 2024માં પુરો થાય છે. ઓક્ટોબર 2024માં ચૂંટણી યોજાઈ શકે છે. 2019માં મહારાષ્ટ્રમાં 288 વિધાનસભા બેઠકો પર ચૂંટણી યોજાઈ હતી. ભાજપ 106 ધારાસભ્યો સાથે રાજ્યમાં સૌથી મોટી પાર્ટી બની.
- મુખ્યમંત્રી પદ બાબતે શિવસેના અને ભાજપ વચ્ચે ગઠબંધનમાં વાત બની નહીં. શિવસેનાએ 56 ધારાસભ્યો સાથે કોંગ્રેસ સાથે 44 ધારાસભ્યો અને એનસીપીએ 53 ધારાસભ્યો સાથે મહાવિકાસ અઘાડી બનાવીને સરકાર બનાવી. શિવસેના પ્રમુખ ઉદ્ધવ ઠાકરે મુખ્યમંત્રી બન્યા હતા.
- મે 2022માં મહારાષ્ટ્ર સરકારના શહેરી વિકાસ પ્રધાન અને શિવસેનાના નેતા એકનાથ શિંદેએ 39 ધારાસભ્યો સાથે બળવો કર્યો. તેઓ ભાજપમાં જોડાયા હતા. 30 જૂન, 2022ના રોજ એકનાથ શિંદેએ મહારાષ્ટ્રના 20મા મુખ્યમંત્રી તરીકે શપથ લીધા.
- આ સાથે શિવસેના પાર્ટી બે જૂથોમાં વહેંચાઈ ગઈ છે. એક જૂથ શિંદે જૂથનું અને બીજુ ઉદ્ધવ જૂથ છે. 17 ફેબ્રુઆરી, 2023ના રોજ ચૂંટણી પંચે આદેશ આપ્યો કે પાર્ટીનું નામ ‘શિવસેના’ અને પાર્ટીનું ચૂંટણી ચિન્હ ‘ધનુષ અને તીર’ એકનાથ શિંદે જૂથ પાસે જ રહેશે.
